ឧត្តមសេនីយឯក ម៉ៅ សុផាន់ នាំយកទៀនវស្សា និងទ័យវត្ថុប្រគេនព្រះសង្ឃ៤វត្ត
រាជធានីភ្នំពេញ ៖ លោកឧត្តមសេនីយឯក ម៉ៅ សុផាន់ មេបញ្ជាការ កងពលតូចថ្មើរជើងលេខ៧០ នៅព្រឹកថ្ងៃទី៨ ខែកក្កដា ឆ្នាំ២០១៧នេះ បាននាំយកទៀនវស្សា
រាជធានីភ្នំពេញ ៖ លោកឧត្តមសេនីយឯក ម៉ៅ សុផាន់ មេបញ្ជាការ កងពលតូចថ្មើរជើងលេខ៧០ នៅព្រឹកថ្ងៃទី៨ ខែកក្កដា ឆ្នាំ២០១៧នេះ បាននាំយកទៀនវស្សា
រាជធានីភ្នំពេញ ៖ លោកឧត្តមសេនីយឯក ម៉ៅ សុផាន់ មេបញ្ជាការ កងពលតូចថ្មើរជើងលេខ៧០ នៅព្រឹកថ្ងៃទី៨ ខែកក្កដា ឆ្នាំ២០១៧នេះ បាននាំយកទៀនវស្សា និងទ័យវត្ថុ ប្រគេនដល់ព្រះសង្ឃ គង់ចាំព្រះវស្សាចំនួន៤វត្ត មានវត្តជម្ពូវ័ន្ត វត្តស្វាយផ្អែម វត្តជន្លង់ម្លូរ និងវត្តអង្គត្រកៀត។
ពិតណាស់ សាសនាព្រះពុទ្ធ គឺជាសាសនារដ្ឋ ដែលប្រជាពលរដ្ឋខ្មែរ ភាគច្រើនបានប្រកាន់ខ្ជាប់ ស្របពេលនៃ ពិធីបុណ្យចូលព្រះវស្សា បានឈានមកដល់ លោកឧត្តមសេនីយឯក ម៉ៅ សុផាន់ មេបញ្ជាការ កងពលតូចថ្មើរជើងលេខ៧០ រួមទាំងនាយទាហាន នាយទាហានរង និងពលទាហាន ក្រោមឱវាទ បាននាំយកទៀនវស្សា និងទ័យវត្ថុ ប្រគេន ដល់ព្រះសង្ឃ គង់ចាំព្រះវស្សា ចំនួន៤វត្ត ដោយក្នុងនោះ ១វត្តៗទទួលបាន អង្ករ១០០គីឡូ, មី១កេសធំ, ទឹកសុទ្ធ៤កេស, ទឹកក្រូចទឹកផ្លែឈើ៤កេស, ត្រីខកេសធំ ១កេស និងទឹកដោះគោ១កេស, ស្ករស១០គីឡូ, ទៀនវស្សា១គូ បច្ច័យ៥០ម៉ឺនរៀល។
សូមរំលឹកដែរថា ក្នុងវិស័យព្រះពុទ្ធសាសនា ពិធីបុណ្យចូលព្រះវស្សា បានចាប់ផ្តើមពីថ្ងៃ១រោជ ខែអាសាធ ដល់ថ្ងៃ១៥កើត ខែអស្សុច មានរយៈពេល៣ខែ ដែលពុទ្ធបរិស័ទ្ធ ចំណុះជើងវត្ត ក៏ដូចពុទ្ធបរិស័ទជិតឆ្ងាយ បំពេញកិច្ចជួយឧបត្ថម្ភគាំទ្រ ដល់ព្រះសង្ឃ ដែលគង់ចាំព្រះវស្សា អស់កាលត្រីមាស អាស្រយ័ដោយរដូវនេះជារដូវវស្សា មានភ្លៀងធ្លាក់ជោគជាំ ធ្វើឲ្យភិក្ខុសង្ឃមានការលំបាក ក្នុងការនិមន្តបិណ្ឌបាត្រ ក៏ដូចជាការរួមចំណែក លើកកម្ពស់វិសយ័ព្រះពុទ្ធសាសនា ដែលជាសាសនា របស់រដ្ឋឲ្យថ្កុំថ្កើនរុងរឿងតរៀងទៅ៕
ចែករំលែកព័តមាននេះ