ជនសង្ស័យ៣នាក់ពាក់ព័ន្ធនឹងការឆបោកម៉ូតូ និងជួញដូរគ្រឿងញៀ.ន
រាជធានីភ្នំពេញ ៖ កម្លាំងនគរបាលប៉ុស្ដិ៍រដ្ឋបាលចោមចៅ បានធ្វើការចាប់ខ្លួនជនសង្ស័យចំនួន៣នាក់ ដែលជាមុខសញ្ញាឆបោកម៉ូតូផង និងជួញដូរគ្រឿងញៀ.នផង
រាជធានីភ្នំពេញ ៖ កម្លាំងនគរបាលប៉ុស្ដិ៍រដ្ឋបាលចោមចៅ បានធ្វើការចាប់ខ្លួនជនសង្ស័យចំនួន៣នាក់ ដែលជាមុខសញ្ញាឆបោកម៉ូតូផង និងជួញដូរគ្រឿងញៀ.នផង
រាជធានីភ្នំពេញ ៖ កម្លាំងនគរបាលប៉ុស្ដិ៍រដ្ឋបាលចោមចៅ បានធ្វើការចាប់ខ្លួនជនសង្ស័យចំនួន៣នាក់ ដែលជាមុខសញ្ញាឆបោកម៉ូតូផង និងជួញដូរគ្រឿងញៀនផង បន្ទាប់ពីទទួលបានការរាយការណ៍ពីសំណាក់បងប្អូនប្រជាពលរដ្ឋនៅក្នុងមូលដ្ឋានសង្កាត់របស់ខ្លួន ដែលនៅក្នុងការឃាត់ខ្លួននោះ កម្លាំងនគរបាលខាងលើបានដកហូតបានវត្ថុតាងមួយចំនួនក្នុងនោះមានថ្នាំញៀន រួមជាមួយសាជូរជាច្រើនទៀតសម្រាប់លាយជាមួយគ្រឿងញៀនច្រកក្នុងកូនថង់លក់ផងដែរ។ ប្រតិបត្តិការនោះបានធ្វើឡើង កាលពីវេលាម៉ោង៤ល្ងាច ថ្ងៃទី៩ ខែកក្កដា ឆ្នាំ២០១៧ នៅចំណុចផ្ទះជួល មួយកន្លែងដែលមានទីតាំង ស្ថិតនៅក្នុងភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យដែលត្រូវចាប់ខ្លទីននោះ ១,ឈ្មោះ ឈិន ណាឡាង ហៅនី អាយុ៣០ឆ្នាំ ២,ឈ្មោះ ឡេង ណារិទ្ធ អាយុ៣៦ឆ្នាំ ទាំងពីរនាក់នេះត្រូវជាបងប្អូនបង្កើតនឹងគ្នា និង៣,ឈ្មោះ ខន អឿន អាយុ៣៦ឆ្នាំ ពួកគេស្នាក់នៅក្នុងផ្ទះជួលខាងលើនោះ។ តាមប្រភពព័ត៌មានបានឲ្យដឹងថា មុនឈានដល់ការចាប់ខ្លួន ជនទាំងនោះបាន គឺមានពាក្យបណ្ដឹងមួយចំនួនពីសំណាក់ជនរងគ្រោះដែលបានចាញ់បោកជនសង្ស័យទាំងនោះ អស់ម៉ូតូជាបន្តបន្ទាប់ ប៉ុន្តែនគរបាលកំពុងសាកសួរ ហើយមិនទាន់ដឹងថា កន្លងមកមានអ្នកដែលត្រូវចាញ់បោកប៉ុន្មាននាក់នៅឡើយទេ គ្រាន់តែដឹងថាពួកគេធ្វើសកម្មភាពឆបោកយកម៉ូតូពីអ្នកដទៃ យកទៅលក់ និងបញ្ចាំនៅកន្លែងហ្គេមបាញ់ត្រី ឌីយ៉ាម៉ល យកលុយទិញគ្រឿងញៀនសម្រាប់លក់ចែកចាយយកចំណេញ។
ក្រោយមកនគរបាលប៉ុស្ដិ៍ខាងលើ បានធ្វើការស្រាវជ្រាវរហូតទទួលបានការរាយការណ៍ពីកន្លែងដែលពួកគេស្នាក់នៅ ទើបឈានដល់ការចុះទៅបង្ក្រាប និងចាប់ខ្លួនបានទាំងក្រុមបែបនេះតែម្ដង។ ក្នុងនោះសមត្ថកិច្ចដកហូតបានគ្រឿងញៀនចំនួន៨កញ្ចប់ មាន១កញ្ចប់ធំ និង៧កញ្ចប់មធ្យម ដែលមានតម្លៃខ្ទង់ពាន់ដុល្លារ រួមជាមួយសាជូរជាច្រើនសម្រាប់លាយជាមួយគ្រឿងញៀន ច្រកចូលកូនថង់លក់។ ប្រភពដដែលបានបន្តទៀតថា ក្រោយពេលចាប់ខ្លួនកម្លាំងបាននាំក្រុមសង្គមងងឹតទាំងនេះទៅធ្វើការសាកសួរនៅប៉ុស្ដិ៍ដើម្បីស្វែងរកចម្លើយ និងចង់ដឹងពីសកម្មភាពរបស់ពួកគេក្នុងពេលកន្លងមក និងកសាងសំណុំ រឿងបញ្ជូនបន្តទៅផ្នែកព្រហ្មទណ្ឌនគរបាលខណ្ឌពោធិ៍សែនជ័យ ចាត់ការបន្ត និងបញ្ជូនទៅសាលាដំបូង ចាត់ការតាមច្បាប់៕
ចែករំលែកព័តមាននេះ