ការរួមភេទនៅអាយុលើស៥០ឆ្នាំអាចជារឿងល្អសម្រាប់ខួរក្បាលពីព្រោះអ្នកស្រាវជ្រាវបានរកឃើញថាមនុស្សចាស់ដែលរួមភេទញឹកញាប់មានលទ្ធផលល្អក្នុងការធ្វើតេស្តមុខងារខួរក្បាល ។
ក្រុមអ្នកស្រាវជ្រាវបានរកឃើញថា
ការរួមភេទនៅអាយុលើស៥០ឆ្នាំអាចជារឿងល្អសម្រាប់ខួរក្បាលពីព្រោះអ្នកស្រាវជ្រាវបានរកឃើញថាមនុស្សចាស់ដែលរួមភេទញឹកញាប់មានលទ្ធផលល្អក្នុងការធ្វើតេស្តមុខងារខួរក្បាល ។
ក្រុមអ្នកស្រាវជ្រាវបានរកឃើញថាអ្នកដែលមានសកម្មភាពរួមភេទជាប្រចាំមានពិន្ទុខ្ពស់ជាងលើការធ្វើតេស្តដែលបានវាស់វែងពីភាពស្ទាត់ជំនាញលើពាក្យពេចរន៍របស់ពួកគាត់ និងសមត្ថភាពចំណាំវត្ថុ ។
«មនុស្សជាច្រើនមិនគិតថាមនុស្សចាស់មានការរួមភេទនោះទេ ប៉ុន្តែយើងត្រូវប្រឈមនឹងទស្សនៈនេះនៅកម្រិតសង្គមបច្ចុប្បន្ន ហើយស្វែងយល់ថាតើសកម្មភាពផ្លូវភេទអាចមានឥទ្ធិពលលើមនុស្សដែលមានអាយុលើសពី៥០ឆ្នាំ ហួសពីឥទ្ធិពលលើសុខភាពផ្លូវភេទ និងសុខុមាលភាពទូទៅដែលគេបានដឹងរួចទៅហើយ » នេះបើតាមលោកHayley Wright អ្នកដឹកនាំការស្រាវជ្រាវមកពីសាកលវិទ្យាល័យ Coventry ក្នុងប្រទេសអង់គ្លេស ។
ការស្រាវជ្រាវនេះដែលសិក្សាលើមនុស្សចំនួន៧៣នាក់ដែលមានអាយុចន្លោះពី៥០ឆ្នាំទៅ ៨៣ឆ្នាំ ។ អ្នកចូលរួមត្រូវបំពេញកម្រងសំណួរទាក់ទងនឹងភាពញឹកញាប់នៃការរួមភេទក្នុងរយៈពេល១២ខែចុងក្រោយ ថាតើពួកគេមិនដែលរួមភេទជាប្រចាំខែ ឬប្រចាំសប្តាហ៍ ព្រមទាំងឆ្លើយសំណួរអំពីសុខភាពទូទៅ និងរបៀបរស់នៅរបស់ពួកគេ ។
ពួកគេក៏បានចូលរួមក្នុងការធ្វើតេស្តស្តង់ដាមួយដែលជាធម្មតាប្រើដើម្បីវាស់វែងពីទម្រង់ខុសគ្នានៃមុខងារខួរក្បាលចំពោះមនុស្សចាស់ ។
ក្រុមអ្នកស្រាវជ្រាវមកពីសាកលវិទ្យាល័យ Coventry និង Oxford បាននិយាយថាការស្រាវជ្រាវបន្ថែមអាចពិនិត្យមើលថាតើសារធាតុជីវសាស្ត្រដូចជាដូប៉ាមីន និងអុកស៊ីតូស៊ីនអាចមានឥទ្ធិពលលើការទាក់ទងរវាងសកម្មភាពផ្លូវភេទ និងមុខងារខួរក្បាលដើម្បីផ្តល់ការពន្យលពេញលេញចំពោះការរកឃើញរបស់ពួកគេ ។
លោក Wright បាននិយាយថា ៖ «យើងគ្រាន់តែអាចសន្និដ្ឋានបានថាលទ្ធផលនេះជំរុញដោយធាតុសង្គម ឬរាងកាយ ប៉ុន្តែតំបន់ដែលយើងចង់ស្រាវជ្រាវបន្ថែមទៀតគឺជាយន្តការជីវសាស្ត្រដែលអាចជះឥទ្ធិពលលើរឿងនេះ។ រាល់ពេលដែលយើងស្រាវជ្រាវមួយផ្សេងទៀត យើងកំពុងខិតកាន់តែជិតទៅនឹងចម្លើយពីមូលហេតុនៃការទាក់ទងនេះ អ្វីដែលយន្តការមូលដ្ឋានស្ថិតនៅពីក្រោយរឿងនេះ តើវាមានការទាក់ទងមូលហេតុ និងប្រសិទ្ធភាពរវាងសកម្មភាពផ្លូវភេទ និងមុខងារនៃការយល់ដឹងនៅពេលវ័យចំណាស់ ឬយ៉ាងណា » ៕
ចែករំលែកព័តមាននេះ