AFF Cup ៖ ក្រុមការពារជើងឯកថៃបំបាក់ម៉ាឡេស៊ី ឡើងប៉ះវៀតណាមវគ្គផ្តាច់ព្រ័ត្រជាលើកទី២
ថៃ ៖ ក្រុមបាល់ទាត់ជម្រើសជាតិថៃ បានផ្តួលក្រុមម៉ាឡេស៊ី នៅក្នុងការប្រកួតវគ្គពាក់កណ្តាល
ថៃ ៖ ក្រុមបាល់ទាត់ជម្រើសជាតិថៃ បានផ្តួលក្រុមម៉ាឡេស៊ី នៅក្នុងការប្រកួតវគ្គពាក់កណ្តាល
ថៃ ៖ ក្រុមបាល់ទាត់ជម្រើសជាតិថៃ បានផ្តួលក្រុមម៉ាឡេស៊ី នៅក្នុងការប្រកួតវគ្គពាក់កណ្តាលផ្តាច់ព្រ័ត្រ ជាមួយលទ្ធផលសរុបទាំង២ជើង ៣-១ ដើម្បីបន្តឡើងទៅតទល់នឹងក្រុមវៀតណាម នៅវគ្គផ្តាច់ព្រ័ត្រពានរង្វាន់ជើងឯកអាស៊ាន AFF Mitsubishi Electric Cup 2022 ។
ក្រុមការពារតំណែងជើងឯកថៃ បានយកឈ្នះលើក្រុមម៉ាឡេស៊ី នៅក្នុងប្រកួតជើងទី២ កាលពីថ្ងៃទី១០ ខែមករា នៅឯកីឡដ្ឋាន Thammasat លទ្ធផល ៣-០ ដែល៣គ្រាប់របស់ម្ចាស់ផ្ទះ សម្រេចបានដោយកីឡាករ៣រូបផ្សេងគ្នា Teerasil Dangda, Bordin Phala និង Adisak Kraisorn ខណៈដែលកាលពីជើងទី១ នៅដីម៉ាឡេស៊ី ក្នុងកីឡដ្ឋានជាតិ Bukit Jalil កាលពីថ្ងៃទី០៧ ខែមករា បញ្ចប់ទៅដោយក្រុមម្ចាស់ផ្ទះយកឈ្នះលទ្ធផល ១-០ ដែលរកបានដោយកីឡាករ Faisal Halim។
ជាមួយនឹងជ័យជម្នះនេះ ថៃ ក្រោមការដឹកនាំរបស់គ្រូបង្វឹកប្រេស៊ីល Alexandre Polking បន្តឡើងទៅវគ្គផ្តាច់ព្រ័ត្រ ដោយត្រូវប៉ះក្រុមវៀតណាម ក្រោមការដឹកនាំរបស់គ្រូបង្វឹកកូរ៉េខាងត្បូង Park Hang-seo ដែលបានយកឈ្នះលើក្រុមឥណ្ឌូណេស៊ី នៅក្នុងការប្រកួតពាក់កណ្តាលផ្តាច់ព្រ័ត្រ សរុបទាំង២ជើង លទ្ធផល ២-០ កាលពីថ្ងៃទី០៩ ខែមករា កន្លងទៅ។
ការប្រកួតវគ្គផ្តាច់ព្រ័ត្រពានរង្វាន់ AFF Mitsubishi Electric Cup 2022 ត្រូវធ្វើឡើង២ជើង ដោយជើងទី១ ប្រព្រឹត្តិទៅនាថ្ងៃទី១៣ ខែមករា នៅឯកីឡដ្ឋានជាតិ Mỹ Đình ក្នុងទីក្រុងហាណូយ ខណៈដែលជើងទី២ នៅឯកីឡដ្ឋាន Thammasat ក្នុងខេត្តប៉ាធុមថានី (Pathum Thani) នាថ្ងៃទី១៦ ខែមករា។
គួរបញ្ជាក់ថា ថៃ ក្នុងនាមម្ចាស់ជើងឯកច្រើនជាងគេ ពោល ៦ដង (១៩៩៦, ២០០០, ២០០២, ២០១៤, ២០១៦, ២០២០) មានប្រវត្តិតទល់នឹងវៀតណាម ដែលធ្លាប់ឈ្នះជើងឯក ២ដង (២០០៨, ២០១៨) នៅក្នុងការប្រកួតវគ្គផ្តាច់ព្រ័ត្រ១លើក នៅក្នុងឆ្នាំ ២០០៨ ដោយគ្រានោះ វៀតណាមយកឈ្នះសរុបទាំង២ជើង ដោយលទ្ធផល ៣-២ (ជើងទី១ ក្រុមភ្ញៀវវៀតណាមឈ្នះ ២-១ ជើងទី២ ស្មើគ្នា ១-១)៕
ចែករំលែកព័តមាននេះ