រាជធានីភ្នំពេញ ៖ ថ្ងៃទី០៦ ខែកក្កដា ឆ្នាំ២០១៧ – ក្រុមហ៊ុនផ្គត់ផ្គង់សេវាអ៊ីនធឺណិតលំដាប់ខ្ពស់នៅកម្ពុជា EZECOM បានប្រកាសនូវការដាក់ឲ្យមានសេវាកម្មថ្មីមួយហៅថា សេវាកម្មប្រឆាំងនឹងការវាយប្រហារ
រាជធានីភ្នំពេញ ៖ ថ្ងៃទី០៦ ខែកក្កដា ឆ្នាំ២០១៧ – ក្រុមហ៊ុនផ្គត់ផ្គង់សេវាអ៊ីនធឺណិតលំដាប់ខ្ពស់នៅកម្ពុជា EZECOM បានប្រកាសនូវការដាក់ឲ្យមានសេវាកម្មថ្មីមួយហៅថា សេវាកម្មប្រឆាំងនឹងការវាយប្រហារ DDoS។ ក្រុមហ៊ុន ISP ដំបូងគេដែលទទួលបានវិញ្ញាបនប័ត្រ ISO និងបាននាំយកប្រព័ន្ធខ្សែកាប្លិ៍អុបទិកក្រោមសមុទ្រមកប្រទេសកម្ពុជាដំបូងគេមួយនេះ បានផ្តល់ជូនសហគ្រាសនិងអាជីវកម្មនូវសេវាកម្មដែលមានអនុភាពដើម្បីពង្រឹងសុវត្ថិភាពរបស់បណ្តាញអ៊ីនធើណេត ពីការវាយប្រហារ ដែលមានឈ្មោះថា Distributed Denial of Service ឬ DDoS។
DDoS គឺជាគំរាមកំហែងយ៉ាងខ្លាំងសម្រាប់ប្រតិបត្ដិការអាជីវកម្មដែលមានភាពស្មុគ្រស្មាញក្នុងរកឃើញនិងទប់ស្កាត់។ ប្រភេទ នៃការវាយប្រហារ DDoS មានដូចជា ការវាយប្រហារលើបណ្តាញអ៊ីនធើណេត ការវាយប្រហារលើកម្មវិធីអ៊ីនធើណេត និងការវាយប្រហារចម្រុះ។
ជាទូទៅ ការវាយប្រហារលើបណ្តាញអ៊ីនធើណេត ត្រូវបានគេស្គាល់ថាជាការវាយប្រហារដោយ ដែលប្រើប្រាស់កុំព្យូទ័រដែលឆ្លងមេរោគផ្សេងៗដើម្បីរំខាន បណ្តាញអ៊ីនធើណេត ដោយបញ្ជូននូវទិន្នន័យឥតបានការជាច្រើន។ ការវាយប្រហារនេះ បានទាញយកលទ្ធភាពបញ្ជូនទិន្ននយ័ (Bandwidth) មួយចំនួនធំរឺទាំងស្រុងដែលបណ្តាលឲ្យប្រតិបត្តិការទាំងក្នុងនិងក្រៅយឺតយ៉ាវ ឬមិនដំណើរការតែម្តង។
ម្យ៉ាងវិញទៀត ការវាយប្រហារលើកម្មវិធីមានតួនាទីរំខានដល់កម្មវិធីអ៊ីនធើណេត ជាពិសេសលើបណ្តាញគេហទំព័រក្នុងគោលបំណងធ្វើឲ្យមានការរាំងស្ទះដល់ដំណើរការរបស់អ្នកប្រើប្រាស់ធម្មតា។ រីឯការវាយប្រហារចម្រុះ គឺកើតឡើងពីការរួមបញ្ចូលគ្នារវាងការវាយប្រហារលើបណ្តាញអ៊ីនធើណេត និងការវាយប្រហារលើកម្មវិធី ដែលនឹងមានការកើនឡើងនៅពេលអ្នក ចាប់ផ្តើមជួបប្រទះការវាយប្រហារណាមួយរបស់ DDoS។
ជាមួយនឹងការវាយប្រហារតាមប្រព័ន្ធអ៊ីនធឺណិតទាំងនេះ ប្រតិបត្ដិការអាជីវកម្មរបស់អ្នកនឹងមានផលអវិជ្ជមាន ហើយផលិតភាពរបស់អ្នកនឹងត្រូវបានកាត់បន្ថយ ដែលជាហេតុបណ្តាលឲ្យមានការខូចខាតនៃប្រាក់ចំណូល កេរ្តិ៍ឈ្មោះ និងទំនុកចិត្តរបស់អតិថិជន។ ជាក់ស្តែង ប្រសិនបើប្រតិបត្ដិការតាមប្រព័ន្ធអ៊ីនធឺណិតរបស់អ្នកថយចុះ និងចំណាយពេលវេលាច្រើនជាងមុន នោះអតិថិជននឹងមានការអាក់អន់ចិត្ត បន្ទាប់មកអាជីវកម្មរបស់អ្នកនឹងនាំឱ្យមានការខូចខាតនិងបាត់បង់ប្រាក់ចំណេញ។
សេវាកម្មប្រឆាំង DDoS របស់ EZECOM ត្រូវបានរចនាឡើងជាបណ្តុំកម្មវិធីដែលមានអនុភាពខ្ពស់ក្នុងការទប់ស្កាត់នូវផលប៉ះពាល់នៃការវាយប្រហាររបស់ DDoS ដើម្បីជួយបងា្ករអាជីវកម្មរបស់អ្នកពីការខាតបង់នានា។
ចែករំលែកព័តមាននេះ