ជាងសំណង់ម្នាក់ចេញទៅរកហូបបាយ និងមើលការងារនៅការដ្ឋានមួយទៀត ស្រាប់តែជួបគ្រោះអកុសល
- ភ្នំពេញ
រាជធានីភ្នំពេញ ៖ រថយន្តធុនធំ១គ្រឿងបើកបរក្នុងល្បឿនលឿនជ្រុលទៅបុ.កម៉ូតូ១គ្រឿងពីក្រោយ
រាជធានីភ្នំពេញ ៖ រថយន្តធុនធំ១គ្រឿងបើកបរក្នុងល្បឿនលឿនជ្រុលទៅបុ.កម៉ូតូ១គ្រឿងពីក្រោយយ៉ាងពេញទំហឹងរួចកិ.នអូ.សជាង៥០ម៉ែត្រ បណ្ដាលឲ្យជាងសំណង់ម្នាក់ស្លា.ប់ភ្លាមៗ នៅនឹងកន្លែង ។
ហេតុការណ៍ខាងលើនេះបានកើតឡើងកាលពីវេលាម៉ោង១១និង៤០នាទីថ្ងៃត្រង់ ថ្ងៃទី៩ ខែមករា ឆ្នាំ២០២៣ នៅតាមផ្លូវ៥០ម៉ែត្រ ត្រង់ចំណុចភ្លើងស្តុបបាគូ ស្ថិតនៅក្នុងភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
បុរសរងគ្រោះឈ្មោះសុខ ថាវ អាយុ៣២ឆ្នាំ មុខរបរជាងសំណង់ មានទីលំនៅភូមិព្រៃរមាស ឃុំអង្គខ្នុរ ស្រុកទ្រាំង ខេត្តតាកែវ ហើយបានមកស្នាក់នៅធ្វើការនៅជិតកន្លែងកើតហេតុនោះដែរ។
តាមប្រភព៏ត៌មានបានប្រាប់ឲ្យដឹងថា នៅមុនពេលកើតហេតុជនរងគ្រោះបានជិះម៉ូតូ១គ្រឿងម៉ាកហុងដាឌ្រីមសេ១២៥ ស៊េរីឆ្នាំ២០២២ ពណ៍ខ្មៅពាក់ស្លាកលេខតាកែវ1AA-6164 ចេញពីការដ្ឋានសំណង់ជិតនោះទៅរកហូបបាយ និងមានបំណងឆ្លៀតពេលទៅមើលកាងារនៅការដ្ឋានសំណង់មួយទៀតនៅឯក្រុងតាខ្មៅ ខេត្តកណ្ដាល ។ លុះពេលទៅដល់ត្រង់ចំណុចកើតហេតុ ខណៈជិះឆ្លងផុតភ្លើងស្តុបបន្តិចក៏ស្រាប់តែមានរថយន្តឃ្លុបដឹកទំនិញធុនធំម៉ាកហ៊ីយ៉ាន់ដាយ ពណ៍ត្រួយចេក លាយពណ៍សនិងខៀវ ពាក់ស្លាកលេខ ភ្នំពេញ 3G-4732 ។ បើកបរធ្វើដំណើរក្នុងទិសដៅពីកើតទៅលិចក្នុងល្បឿនលឿន ជ្រុលទៅបុ.កពីក្រោយទាំងកម្រោលតែម្ដង។
តាមប្រភពដដែលបានប្រាប់ឲ្យដឹងបន្តទៀតថា បុរសរងគ្រោះរួមជាមួយម៉ូតូរបស់គាត់ត្រូវបានរថយន្តបុ.កនិងកិ.នអូសជាង៥០ម៉ែត្រ បណ្ដាលឲ្យស្លា.ប់បាត់បង់ជីវិតយ៉ាងអាណោចអធ័ម បន្ទាប់មករថយន្តបានឈប់ហើយអ្នកបើកបរបានព្យាយាមចុះរត់ ។ ប៉ុន្តែត្រូវបានកម្លាំងនគរបាលនៃអធិការដ្ឋានខណ្ឌដង្កោ ដេញឃាត់ខ្លួនបានរួចនាំទៅសាកសួរ បន្ទាប់មករាយការបន្តទៅកាន់នគរបាលការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញឲ្យចុះធ្វើការវាស់វែងនាំយករថយន្តបង្ក និងម៉ូតូរងគ្រោះទៅរក្សាទុករង់ចាំការដោះស្រាយនៅពេលក្រោយ ៕
ចែករំលែកព័តមាននេះ