គ្មាននរណាម្នាក់ចង់ឲ្យថ្មទូរស័ព្ទរបស់ខ្លួនខូចលឿនទេ ។ មានអ្នកខ្លះសាកថ្មដល់ទៅពេញ១០០%ទើបដកចេញ ខ្លះទៀតមិនហ៊ានសាកមួយថ្ងៃច្រើនដងទេ ព្រោះខ្លាចសាកយូរទៅលែងកាន់ ។ រីឯខ្លះទៀតគ្មានពេលសាកថ្មទេ មានតែពេលយប់ទើបសាករហូតដល់ព្រឹក ដោយយល់ថា សាកឲ្យដល់ឆ្អិនទើបថ្មប្រើប្រាស់បានយូរ ។ ទាំងអស់នេះជាការយល់ឃើញរបស់យើងតាំងពីដើមមក ។ បន្ទាប់ពីបានអានអត្ថបទខាងក្រោមហើយ យើងនឹងមិនប្រព្រឹត្តទង្វើធ្លាប់ធ្វើទៀតទេ។ នេះជារឿងពិតស្តីពីការសាកថ្មទូរស័ព្ទ ដែលផ្ទុយស្រឡះពីការយល់ឃើញ ៖
១-កុំសាកបន្តទៀតពេលថ្មពេញហើយ ៖
តាមសាកលវិទ្យាល័យសិក្សាពីបច្ចេកវិទ្យាថាមពលថ្មឲ្យដឹងថា ការដោតសាកចោលនៅពេលថ្មទូរស័ព្ទពេញហើយ យូរទៅនឹងខូចគុណភាព ថ្ម ។ វានឹងធ្វើឲ្យថ្មទូរស័ព្ទពេញថាមពលជ្រុល និងខូចខាតនូវសារធាតុគីមីខាងក្នុងផងដែរ ។
សាកលវិទ្យាល័យនេះបានស្រាវជ្រាវជាច្រើនលើកច្រើនសាហើយពីបញ្ហានេះ ។ យើងអាចទាញសេចក្តីសន្និដ្ឋានថា ៖ « នៅពេលថ្មពេញ ដកវាចេញទៅ គឺដូចជាយើងសម្រាកក្រោយការហាត់ប្រាណអស់ជាច្រើនម៉ោងដែរ ។ យើងប្រាកដជាហត់ស្លាប់ហើយ បើហាត់ប្រាណមិនឈប់ឈរនោះ » ។
២-កុំទុកវាឲ្យឡើងដល់១០០%ពេញ ៖
តាមសាកលវិទ្យាល័យដដែលឲ្យដឹងថា ៖ «ថ្មប្រភេទ Li-ion ដែលស្ថិតនៅក្នុងទូរស័ព្ទ គឺមិនទាមទារឲ្យយើងសាកទាល់តែពេញ១០០%ទេ ។ ការសាកថ្មពេញដល់១០០% អាចធ្វើឲ្យបន្ទុករបស់វាពេញជ្រុល និងថយអាយុកាលប្រើប្រាស់ » ។
៣-អ្នកអាចសាកថ្មពេលណាក៏បានដែរ ៖
ការពិត ថ្មទូរស័ព្ទនឹងមានគុណភាពល្អ ប្រសិនបើអ្នកសាកច្រើនដងក្នុងមួយថ្ងៃ ព្រោះថា វាគ្រាន់បើជាងសាកម្តង ហើយច្រើនម៉ោងនៅពេលយប់ ។ ចូរកុំទុកឲ្យថ្មទូរស័ព្ទអស់ពេក បើអស់ពេលណា សាកពេលនោះទៅ មិនចាំបាច់ខ្លាចខូចថ្មទេ ព្រោះវាមិនអីឡើយ ៕
ចែករំលែកព័តមាននេះ