មហាសេដ្ឋីអាមេរិក Elon Musk ខាតបង់ទ្រព្យរហូតជាប់កំណត់ត្រាពិភពលោក
សហរដ្ឋអាមេរិក ៖ មហាសេដ្ឋីអាមេរិក Elon Musk បានបំបែកកំណត់ត្រាពិភពលោកជាផ្លូវការ នៅ
សហរដ្ឋអាមេរិក ៖ មហាសេដ្ឋីអាមេរិក Elon Musk បានបំបែកកំណត់ត្រាពិភពលោកជាផ្លូវការ នៅ
សហរដ្ឋអាមេរិក ៖ មហាសេដ្ឋីអាមេរិក Elon Musk បានបំបែកកំណត់ត្រាពិភពលោកជាផ្លូវការ នៅក្នុងសៀវភៅកំណត់ត្រាពិភពលោក Guinness World Records សម្រាប់ការខាតបង់ទ្រព្យសម្បត្តិផ្ទាល់ខ្លួនដ៏ច្រើនបំផុតមិនធ្លាប់មានក្នុងប្រវត្តិសាស្ត្រ។
យោងតាមរបាយការណ៍ Guinness World Records ដែលចេញផ្សាយកាលពីថ្ងៃទី ០៦ ខែមករា ឆ្នាំ២០២៣ បានបង្ហាញថា មហាសេដ្ឋី Elon Musk បានបាត់បង់ទ្រព្យសម្បត្តិប្រហែល ១៨២ពាន់លានដុល្លារ ចាប់តាំងពីខែវិច្ឆិកា ឆ្នាំ២០២១ ដូចដែលបានប៉ាន់ប្រមាណដោយទស្សនាវដ្តីពាណិជ្ជកម្មអាមេរិក Forbes ទោះបីជាប្រភពផ្សេងទៀតបង្ហាញថា អាចជិតដល់២០០ពាន់លានដុល្លារយ៉ាងណាក៏ដោយ។
ទោះបីជាតួលេខពិតប្រាកដស្ទើរតែមិនអាចបញ្ជាក់បានក៏ដោយ ប៉ុន្តែការខាតបង់សរុបរបស់លោក Elon Musk បានបំបែកកំណត់ត្រាចាស់របស់មហាសេដ្ឋីជនជាតិជប៉ុន លោក Masayoshi Son អ្នកវិនិយោគបច្ចេកវិទ្យាដ៏ល្បីរបស់ជប៉ុន ដែលបានបាត់បង់ទ្រព្យសម្បត្តិចំនួន ៥៨.៦ពាន់លានដុល្លារ កាលពីឆ្នាំ២០០០។
យោងតាមទស្សនាវដ្តី Forbes ទ្រព្យសម្បត្តិសុទ្ធរបស់លោក Elon Musk ដែលមានដើមកំណើតអាហ្វ្រិកខាងត្បូង បានធ្លាក់ចុះពីចំណុចកំពូល ៣២០ពាន់លានដុល្លារក្នុងឆ្នាំ២០២១ មកនៅត្រឹម ១៣៨ពាន់លានដុល្លារ គិតត្រឹមខែមករា ឆ្នាំ២០២៣ ដែលភាគច្រើន ដោយសារតែដំណើរការមិនល្អនៃភាគហ៊ុនរបស់ក្រុមហ៊ុនផលិតរថយន្តអគ្គិសនី Tesla ។
ជាមួយនឹងការខាតបង់ដ៏ច្រើនលើសលុបនេះ បានធ្វើឱ្យលោក Elon Musk របូតតំណែងជាមហាសេដ្ឋីមានបំផុតនៅលើពិភពលោក ដោយបានធ្លាក់ទៅលើមហាសេដ្ឋីជនជាតិបារាំង លោក Bernard Arnault ស្ថាបនិកក្រុមហ៊ុនទំនិញប្រណីត LVMH (Louis Vuitton Moët Hennessy) ដែលមានទ្រព្យសម្បត្តិប៉ាន់ប្រមាណចំនួន ១៩០ពាន់លានដុល្លារ។
ទ្រព្យសម្បត្តិរបស់លោក Elon Musk ភាគច្រើនត្រូវបានផ្សារភ្ជាប់នៅក្នុងភាគហ៊ុនរបស់ក្រុមហ៊ុន Tesla ដែលតម្លៃនេះ បានធ្លាក់ចុះ ៦៥% នៅក្នុងឆ្នាំ២០២២។ ការធ្លាក់ចុះគួរឱ្យព្រួយបារម្ភនេះ បានកើនឡើងក្នុងខែតុលា ឆ្នាំ២០២២ បន្ទាប់ពីមហាសេដ្ឋីវ័យ៥១ឆ្នាំរូបនេះ បានទិញក្រុមហ៊ុន Twitter ក្នុងតម្លៃប្រហែល ៤៤ពាន់លានដុល្លារ។ ជាមួយការកាន់កាប់ដ៏ច្របូកច្របល់ គួបផ្សំនឹងអាកប្បកិរិយាដ៏ផុយស្រួយរបស់លោក Elon Musk នៅលើវេទិកានេះ បានបង្កឱ្យមានការលក់ភាគហ៊ុនរបស់ Tesla ដ៏ធំបំផុត ចាប់តាំងពីក្រុមហ៊ុនបានដាក់ចេញជាសាធារណៈនៅក្នុងឆ្នាំ២០១០។
យ៉ាងណាមិញ ថ្វីបើមានការធ្លាក់ចុះនៃវិបុលភាពក៏ដោយ ក៏ក្រុមហ៊ុន Tesla នៅតែជាក្រុមហ៊ុនរថយន្តដ៏មានតម្លៃបំផុតនៅក្នុងពិភពលោក ជាមួយនឹងតម្លៃទីផ្សារជាង ១០០ពាន់លានដុល្លារ ដែលធំជាងគូប្រជែងដ៏ធំរបស់ពួកគេគឺក្រុមហ៊ុន Toyota៕ (ដកស្រង់ចេញពី Guinness World Records)
ចែករំលែកព័តមាននេះ