បាល់ទាត់ពានរង្វាន់Soccer Leagueរំពឹងរួមចំណែកធ្វើឱ្យវិស័យកីឡាកាន់តែរីកចម្រើន
- ភ្នំពេញ
រាជធានីភ្នំពេញ ៖ ការប្រកួតបាល់ទាត់ពានរង្វាន់Soccer Leagueលើកទី៦ឆ្នាំ២០២៣បានប្រកាស
រាជធានីភ្នំពេញ ៖ ការប្រកួតបាល់ទាត់ពានរង្វាន់Soccer Leagueលើកទី៦ឆ្នាំ២០២៣បានប្រកាស
រាជធានីភ្នំពេញ ៖ ការប្រកួតបាល់ទាត់ពានរង្វាន់Soccer Leagueលើកទី៦ឆ្នាំ២០២៣បានប្រកាសបើកការប្រកួតជាផ្លូវការហើយកាលពីល្ងាចថ្ងៃទី៧ មករា នៅទីលានបាល់ទាត់ស្មាត RSN ក្នុងខណ្ឌសែនសុខ ក្រោមអធិបតីភាពឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ ឯកឧត្តមហ៊ុន ម៉ានី ប្រធានសហភាពសហព័ន្ធយុវជនកម្ពុជា និងឯកឧត្តមស សុខារដ្ឋលេខាធិការក្រសួងអប់រំ យុវជន និងកីឡា និងជាអនុប្រធានសហភាពសហព័ន្ធយុវជនកម្ពុជា។
ឯកឧត្តមហ៊ុន ម៉ានី បានមានប្រសាសន៍ថា បាល់ទាត់ពានរង្វាន់ Soccer Leagueបានកើតឡើងដោយការខិតខំប្រឹងប្រែងរបស់ថ្នាក់ដឹកនាំសហភាពសហព័ន្ធយុវជនកម្ពុជា គ្រប់ជាន់ថ្នាក់ ដើម្បីផ្ដល់ឱកាសដល់យុវជនបានជួបជុំរឹតចំណងមិត្តភាព សាមគ្គីភាព និងបង្កើនកិច្ចសហប្រតិបត្តិការ តាមរយៈវិស័យកីឡា ក្រោយពីជំងឺកូវីដ-១៩បានធូរស្បើយ ។ ទន្ទឹមគ្នានេះដែរ វិស័យឯកជនក៏ជាដៃគូរួមចំណែកដ៏សំខាន់របស់យើងផងដែរ។ អ្វីដែលគួរឱ្យចាប់អារម្មណ៍កាន់តែខ្លាំងថែមទៀតនោះ ការប្រកួតឆ្នាំនេះមានការចូលរួមយ៉ាងច្រើនកុះករពីគ្រប់ស្ថាប័នដែលមានរហូតដល់ទៅ៧៤ក្រុម ក្នុងនោះមានក្រុមនារីចំនួន១០ក្រុម ។ បើគិតមកទល់ពេលនេះ ការប្រកួតបាល់ទាត់Soccer League ធ្វើឡើងបានចំនួន៦លើកមកហើយ ។
ការប្រកួតបាល់ទាត់ខាងលើនេះក៏ជាការផ្ដល់ឱកាសដល់យុវជនដែលមិនមែនជាកីឡាករអាជីពឱ្យលេងកីឡាដើម្បីសុខភាពទាំងផ្លូវកាយនិងផ្លូវចិត្ត និងបានបញ្ចេញសមត្ថភាពនិងទេពកោសល្យ ជៀសឆ្ងាយពីអំពើអបាយមុខ និងឱ្យប្រើប្រាស់ពេលវេលាទំនេរពីការសិក្សាមកលេងកីឡាវិញ ។
បច្ចុប្បន្ន វិស័យកីឡានៅកម្ពុជាកំពុងតែមានការរីកចម្រើនយ៉ាងខ្លាំងជាពិសេសវិស័យកីឡាបាល់ទាត់តែម្ដង ។ ជាក់ស្ដែងកាលពីពេលថ្មីៗនេះ ក្រុមកីឡាបាល់ទាត់កម្ពុជាបានយកឈ្នះលើក្រុមប្រទេសហ្វីលីពីន និងប្រទេសព្រុយណេ ដែលលទ្ធផលនេះបានបញ្ជាក់ច្បាស់ហើយថា វិស័យកីឡាបាល់ទាត់កម្ពុជាកំពុងតែបោះជំហានទៅមុខយ៉ាងលឿន ជាពិសេសឈានទៅដណ្ដើមជ័យជម្នះនៅក្នុងព្រឹត្តិការណ៍កីឡាស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះនាពេលដ៏ខ្លីខាងមុខ។
សហភាពសហព័ន្ធយុវជនកម្ពុជាមានការជឿជាក់យ៉ាងមុតមាំថា សកម្មភាពយុវជនលេងកីឡានេះ នឹងរួមចំណែកបន្ថែមទៀតក្នុងការគាំទ្រនិងអភិវឌ្ឍន៍វិស័យកីឡានៅកម្ពុជា ដោយឈរលើស្មារតីកីឡារស់ក្នុងសន្តិភាព ប្រជាជនម្នាក់លេងកីឡាមួយប្រភេទ ធ្វើយ៉ាងណាជំរុញវិស័យកីឡាដែលជាចលនាដ៏រស់រវើកសម្រាប់ប្រជាជននិងយុវជនកម្ពុជា។
ឯកឧត្តមបណ្ឌិតថោង ខុន បានវាយតម្លៃខ្ពស់ និងកោតសរសើរដល់ឯកឧត្តមហ៊ុន ម៉ានី ដែលបានខិតខំប្រឹងប្រែងបង្កើតឱ្យមានការប្រកួតកីឡាបាល់ទាត់ពានរង្វាន់Soccer Leagueនេះឡើងតាំងពីឆ្នាំ២០១២មក ។ ឯកឧត្តមបានមានប្រសាសន៍ឱ្យដឹងទៀតថា នៅសល់តែជាង១០០ថ្ងៃទៀតប៉ុណ្ណោះ ការប្រកួតកីឡាស៊ីហ្គេមនិងអាស៊ានប៉ារ៉ាហ្គេមឆ្នាំ២០២៣ដែលកម្ពុជាទទួលធ្វើជាម្ចាស់ផ្ទះនឹងមកដល់ហើយ ។ នេះជាកិតិ្តយសដ៏ធំធេងដែលកម្ពុជារង់ចាំអស់៦៤ឆ្នាំមកហើយ ។
ឯកឧត្តមបានបានវាយតម្លៃថាការប្រកួតបាល់ទាត់នេះ គឺជាការរួមចំណែកកសាងសង្គមគ្រួសារ និងកាត់បន្ថយការប្រើប្រាស់គ្រឿងញៀនដែលជាបញ្ហារបស់ប្រទេសជាតិ៕
ចែករំលែកព័តមាននេះ