ទស្សនៈអាឡេវ ៖ «រឿងអីធ្វើមិនបាន ?»
មតិនានាក្នុងរាជធានីភ្នំពេញ…ជាពិសេសមតិរបស់អ្នកនយោបាយតាមតុកាហ្វេ…លើកមកជជែកច្រើនជាងគេ គឺបញ្ហាសំរាម…
មតិនានាក្នុងរាជធានីភ្នំពេញ…ជាពិសេសមតិរបស់អ្នកនយោបាយតាមតុកាហ្វេ…លើកមកជជែកច្រើនជាងគេ គឺបញ្ហាសំរាម…
មតិនានាក្នុងរាជធានីភ្នំពេញ…ជាពិសេសមតិរបស់អ្នកនយោបាយតាមតុកាហ្វេ…លើកមកជជែកច្រើនជាងគេ គឺបញ្ហាសំរាម…នៅតែគគ្រិចតាមខណ្ឌនានា…នៅតែមិនស្អាត ប្រៀបដូចជិះសេះលែងដៃ…ព្រោះអាងក្រុមហ៊ុនឯកជន…។ យូរៗទៅបែរជាអ្នកបើកឡានប្រមូលសំរាម…កិកកុកទារលុយថែម លុយក្រៅនៅតាមមុខហាង…មុខផ្ទះធ្វើអាជីវកម្ម ទើបកើបប្រមូលស្អាត ។ បើមិនឱ្យលុយក្រៅទេ…គេបើកឡានដឹកសំរាមមកចតយូរ…ចតត្រេងត្រាងរំខានខ្លាំងណាស់…ជះក្លិនស្អុយយូរ…មានគំនិតមិនល្អ…ទាល់តែហុចលុយក្រៅខ្លះ ទើបឆាប់ចេញ…។
តាមទីផ្សាររបស់ខណ្ឌនានា…សំរាមរាយប៉ាយ…ម្ចាស់អាណាចក្រខ្លះអត់ខ្វល់ទេ…ខ្លះឈឺក្បាលណាស់…ព្រោះភារៈលើក្រុមហ៊ុនឯកជន…។ នៅតាមបណ្តាប្រទេសជិតខាងយើង…រឿងសម្អាតទីក្រុង…រឿងប្រមូលសំរាម…រដ្ឋប្រគល់សិទ្ធិឱ្យដាច់ទៅលើខណ្ឌនិងសង្កាត់…។ ប្រឡងប្រណាំងរឿងស្អាត…រវាងខណ្ឌនិងខណ្ឌ…។ ខណ្ឌមួយៗទទួលបន្ទុករឿងសំរាមក្នុងខណ្ឌរបស់ខ្លួន…ចំណែកប្រាក់ថ្លៃប្រមូលពិតជាមិនខ្វះ…។ ចំណូលបានទៅលើខណ្ឌម្ចាស់ទឹកម្ចាស់ដី…រឿងអីមិនស្អាត…។ បើរដ្ឋគ្រប់គ្រងរឿងសំរាមដោយខ្លួនឯងមិនបានទេ…មហាជនប្រាកដជាសង្ស័យ…។ ម៉េចចាំបាច់មានក្រុមហ៊ុនឯកជនប្រមូល ? ម៉េចរដ្ឋខ្ជិលម្ល៉េះ ?
ខណ្ឌមួយៗមានគណៈអភិបាលជិត១០នាក់…ធ្វើអី ?…ចែកគ្នាធ្វើទៅ ! រឿងសម្អាតទីក្រុង…ដាក់ភារកិច្ចតាមខណ្ឌមួយៗប្រាកដជាទទួលបានការគាំទ្រពេញបន្ទុកពីមហាជន…។ សង្ស័យមាន«គេ»ជួយទទួលផលប្រយោជន៍ណាមួយ…ទើបធ្វើមិនបាន…បើធ្វើមិនបានទេសម្ងំបៀមទុក្ខ បៀមរឿងអាស្រូវ…បៀមកំហឹងពីមហាជនទៅ !…ហេ ! ហេ !
ចែករំលែកព័តមាននេះ