ហេតុអ្វីបានជាទារកយំនៅពេលយប់?
តើកូនរបស់អ្នកតែងតែយំនៅពេលយប់ហើយរំខានដល់ការគេងរបស់អ្នកឬ ? ការដោះស្រាយបញ្ហាកូនយំនៅពេលយប់អាចធ្វើឲ្យអ្នកហត់នឿយ និងគួរឱ្យព្រួយបារម្ភ ។ ប៉ុន្តែនៅក្នុងករណីជាច្រើន ទារកដែលយំនៅ
តើកូនរបស់អ្នកតែងតែយំនៅពេលយប់ហើយរំខានដល់ការគេងរបស់អ្នកឬ ? ការដោះស្រាយបញ្ហាកូនយំនៅពេលយប់អាចធ្វើឲ្យអ្នកហត់នឿយ និងគួរឱ្យព្រួយបារម្ភ ។ ប៉ុន្តែនៅក្នុងករណីជាច្រើន ទារកដែលយំនៅពេលយប់ដោយសារមូលហេតុមួយចំនួនដែលមិនមែនជាបញ្ហាធ្ងន់រហូតដល់ថ្នាក់អ្នកត្រូវព្រួយបារម្ភទេ ។
ទារករបស់អ្នកយំអាចដោយសារមូលហេតុទាំងនេះ ៖
១-ឃ្លាន ឬស្រេកទឹក
មូលហេតុទូទៅដែលទារកយំគឺដោយសារតែឃ្លាន ឬស្រេកទឹក ។ ទារកដែលទើបនឹងកើតអាចត្រូវការបំបៅពី៨ទៅ១២ដងក្នុងមួយថ្ងៃ មានន័យថាម្តងរៀងរាល់២ទៅ៣ម៉ោង ទាំងថ្ងៃ និងយប់ ។ ប៉ុន្តែនៅពេលមានអាយុបាន១ ឬ២ខែ ត្រូវការបំបៅតែ៧ទៅ៩ដងក្នុងមួយថ្ងៃប៉ុណ្ណោះ ។ នៅពេលអាយុ៣ខែត្រូវការគេង៦ទៅ៨ម៉ោងដោយមិនចាំបាច់បៅ ។
២-ការថប់អារម្ភដោយសារមិនបាននៅជិតម្តាយ
ពេលខ្លះកូនរបស់អ្នកអាចនឹងយំនៅពេលយប់ដោយសារតែត្រូវការការអោប និងការលួងពីអ្នក ។ បើទារករបស់អ្នកយំនៅពេលយប់ ប៉ុន្តែហាក់ដូចជាស្ងាត់នៅពេលដែលអ្នកចូលទៅជិតអាចគ្រាន់តែត្រូវការការលួង និងភាពជិតស្និទ្ធពីអ្នក ។ នេះជាដំណាក់កាលធម្មតារបស់ទារក ជាពិសេសនៅពេលពួកគេមានអាយុ៨ ទៅ១២ខែ ។
៣-ត្រជាក់ ឬក្តៅពេក
ទារករបស់អ្នកអាចនឹងមានការលំបាកក្នុងការគេងប្រសិនបើនាងមានអារម្មណ៍ក្តៅ ឬត្រជាក់ពេក ។ សូមពិនិត្យមើលសីតុណ្ហភាពរបស់បន្ទប់អ្នក ។ ប្រសិនបើបន្ទប់របស់អ្នកត្រជាក់ពេកចំពោះអ្នក វាក៏ទំនងជាត្រជាក់ចំពោះកូនរបស់អ្នកដូចគ្នា ។ ប្រសិនបើអ្នកដណ្តប់ភួយច្រើនពេក វាប្រហែលជាក្តៅពេកចំពោះទារករបស់អ្នក ។
៤-ខោទឹកនោមកខ្វក់
ខោទឹកនោមកខ្វក់ ឬសើមអាចបណ្តាលឱ្យមានការរលាកចំពោះទារករបស់អ្នក និងរំខានដល់ការគេង ។ នៅពេលដែលកូនរបស់អ្នកភ្ញាក់ឡើងហើយយំ សូមពិនិត្យមើលខោទឹកនោមមានប្រលាក់ឬទេ ។ ពេលខ្លះការផ្លាស់ប្តូរខោទឹកនោមអាចបញ្ឈប់ការយំរបស់ពួកគេ ៕
ចែករំលែកព័តមាននេះ