អត់មានមុខសម រង្ស៊ី ក៏…
រាជធានីភ្នំពេញ ៖ បើទោះបីអត់មុខ សម រង្ស៊ី អតីតមេដឹកនាំគណបក្សប្រឆាំង ក៏ប្រជាជនកម្ពុជារស់នៅ និងរីកចម្រើនបានដែរ។ នេះ គឺជាការលើកឡើងរបស់អ្នកនាំពាក្យគណបក្សប្រជាជនកម្ពុជាលោក សុខ ឥសាន ។
រាជធានីភ្នំពេញ ៖ បើទោះបីអត់មុខ សម រង្ស៊ី អតីតមេដឹកនាំគណបក្សប្រឆាំង ក៏ប្រជាជនកម្ពុជារស់នៅ និងរីកចម្រើនបានដែរ។ នេះ គឺជាការលើកឡើងរបស់អ្នកនាំពាក្យគណបក្សប្រជាជនកម្ពុជាលោក សុខ ឥសាន ។
ថ្នាក់ដឹកនាំគណបក្សកាន់អំណាចរូបនេះ បានបន្តទៀតថា តាំងពីឆ្នាំ១៩៥៩មក ទោះបីអវត្តមានត្រកូលសម សារី និងក្រុមគ្រួសារ ក៏ប្រជាជនកម្ពុជារស់នៅ និងរីកចម្រើន ក្រោមព្រះរាជកិច្ចដឹកនាំរបស់អតីតព្រះមហាក្សត្រ ដែលជាប្រមុខរដ្ឋនៃប្រទេសកម្ពុជា
«មានការរីកចម្រើនរហូតដល់អន្តរជាតិប្រសិទ្ធនាមកម្ពុជាថា ជាកោះសន្តិភាពនៅអាស៊ីអាគ្នេយ៍ទៀតផង»។
ក្រោយមកប្រទេស ក៏បានធ្លាក់ក្នុងសង្គ្រាមប្រល័យពូជសាសន៍ ប៉ុល ពត ហើយក៏ដោយសារថ្ងៃរំដោះ៧ មករា ១៩៧៩ ដែលរបបនេះត្រូវផ្តូលរំលំ ហើយបានសង្គ្រោះជីវិតរបស់ប្រជាជនកម្ពុជាទូទាំងប្រទេស ហើយស្ថានភាពនិងជីវភាពប្រជាជនក៏បានល្អប្រសើរឡើងជាលំដាប់។
លោក សុខ ឥសាន បានគូសបញ្ជាក់ថា៖ «ការរីកចម្រើនរបស់ប្រទេសកម្ពុជា ដោយសារការដឹកនាំរបស់គណបក្សប្រជាជនកម្ពុជា គ្មានបាតដៃរបស់ សម រង្ស៊ី ណាបន្តិចសោះ។ ពេលមានមុខនៅក្នុងឆាកនយោបាយឆ្នាំ១៩៩៣ សម រង្ស៊ី តែងតែបង្កអំពើអនាធិបតេយ្យ ប្រព្រឹត្តអំពើពុករលួយ ដឹកនាំធ្វើបាតុកម្មជាបន្តបន្ទាប់ ឥតឈប់ឈរ តវ៉ានេះតវ៉ានោះមិនចេះចប់ ធ្វើឲ្យប្រទេសជាតិជួបប្រទះតែអស្ថេរភាពជាប់ជាប្រចាំមិនសូវសោះ» ។
លោកបានបន្ថែមថាអតីតមេបក្សប្រឆាំងរូបនេះ បានដឹកនាំបាតុកម្ម ញុះញង់ ដុតកំហឹង កម្មករឲ្យទាមទារតម្លើងប្រាក់ឈ្នួលរហូតធ្វើកុប្បកម្មជាដើម ហើយបំផុសបំផុលសហគមន៍អឺរ៉ុបឲ្យផ្តាច់កូតានាំចេញផលិតផលកាត់ដេរពីកម្ពុជាទៅទីផ្សារអឺរ៉ុបទៀតផង។
លោកបានសង្កត់ធ្ងន់៖ «សរុបមក ទោះបីគ្មាន សម រង្ស៊ី ក៏ប្រជាជននិងប្រទេសកម្ពុជា នៅតែមានការរីកចម្រើននិងអភិវឌ្ឍន៍ដែរ និងនៅតែធ្វើដំណើរទៅមុខជានិច្ច» ៕
ចែករំលែកព័តមាននេះ