មន្ត្រីកាំកុងត្រូលខេត្ត រកឃើញសារធាតុគីមីក្នុងចាហួយ ថាញ់ប៊ិញ
ខេត្តព្រះសីហនុ ៖ នៅព្រឹកថ្ងៃ៤ កក្កដា ២០១៧នេះ មន្ត្រីកាំកុងត្រូលខេត្តព្រះសីហនុ ពេលចុះពិនិត្យទីផ្សារ បានរកឃើញចាហួយដូង ថាញ់ប៊ិញ ចំនួន១០០កញ្ចប់តូច
ខេត្តព្រះសីហនុ ៖ នៅព្រឹកថ្ងៃ៤ កក្កដា ២០១៧នេះ មន្ត្រីកាំកុងត្រូលខេត្តព្រះសីហនុ ពេលចុះពិនិត្យទីផ្សារ បានរកឃើញចាហួយដូង ថាញ់ប៊ិញ ចំនួន១០០កញ្ចប់តូច
ខេត្តព្រះសីហនុ ៖ នៅព្រឹកថ្ងៃ៤ កក្កដា ២០១៧នេះ មន្ត្រីកាំកុងត្រូលខេត្តព្រះសីហនុ ពេលចុះពិនិត្យទីផ្សារ បានរកឃើញចាហួយដូង ថាញ់ប៊ិញ ចំនួន១០០កញ្ចប់តូច ស្មើនឹង៥កញ្ចប់ធំ ដែលប្រភេទចាហួយហាមឃាត់នៅក្នុងតូបលក់ដូរមួយកន្លែងនៅផ្សារសាមគ្គី អូរចំណារ ដែលជាផ្សារថ្មី ស្ថិតក្នុងភូមិបត់គគីរ ឃុំអូរឧកញ៉ា ហេង ស្រុកព្រៃនប់ខេត្តព្រះសីហនុ ហើយបានដកហូតយកមករក្សាទុកដើម្បីកម្ទេចចោល។
បើតាមមន្ត្រីកសាខាកាំកុងត្រូលខេត្តព្រះសីហនុបាន ឲ្យសារព័ត៌មានដឹងថា នំចាហួយប្រភេទនេះមានសារធាតុគីមី និងមានលាយឡំដោយកៅស៊ូប្លាស្ទិក ដែលមន្ត្រីកាំកុងត្រូលបានហាមឃាត់ដាច់ខាតមិនឲ្យមានលក់ដូរលើទីផ្សារ។ បន្ទាប់ពីត្រួតពិនិត្យទំនិញក្នុងផ្សាររួច នៅព្រឹកនោះផងដែរសាខាកាំកុងត្រូលបានចុះបង្ហាត់ បង្ហាញណែនាំឲ្យស្គាល់បញ្ហាដែលមានសាធាតុហាមឃាត់ដល់សិស្សានុសិស្សក្នុងបឋមសិក្សា និងអនុវិទ្យាល័យអូរចំណា ដើម្បីឲ្យសិស្សានុសិស្សទាំងអស់យល់ស្គាល់ពីចំណីអាហារផ្សេងៗមួយចំនួនដែលមានផ្ទុកសារជាតិហាមឃាត់ ដែលនាំឲ្យប៉ះពាល់ដល់សុខភាព។
នេះគឺជាយុទ្ធនាការមួយយ៉ាងល្អរបស់សាខាកាំកុងត្រូលខេត្តព្រះសីហនុ ដែលបានចុះអនុវត្តផ្ទាល់បង្ហាញដល់សិស្សានុសិស្ស ធ្វើឲ្យសិស្សានុសិស្សមានភាពឆ្លាតវៃក្នុងការពិនិត្យចំណីអាហារដែលខ្លួនបរិភោគ៕
ចែករំលែកព័តមាននេះ