ខេត្តកំពង់ចាម ៖ នៅព្រឹកថ្ងៃទី០៣ កក្កដា ក្រុមការងារមនុស្សធម៌ ដឹកនាំដោយលោកហេង សារ៉ា បាននាំយកអំណោយសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ផ្តល់ជូនប្អូនប្រុសឈ្មោះអាត ណាវី អាយុ២២ឆ្នាំ ជាជនពិការជើង ប្អូនប្រុសត្រូវបានឪពុកម្តាយស្លាប់ចោលទាំងអស់តាំងពីតូច មានជីវភាពរស់នៅប្រចាំថ្ងៃ ដោយស៊ីឈ្នួលឃ្វាលគោឱ្យអ្នកក្បែរខាង ដើម្បីប្តូរយកបាយហូបមួយពេលៗតែប៉ុណ្ណោះ ប្អូនប្រុសរស់នៅភូមិកោះស្វាយ ឃុំត្រពាំងព្រះ ស្រុកព្រៃឈរ ខេត្តកំពង់ចាម។
អំណោយដែលផ្តល់ជូនមានសម្ភារផ្ទះបាយ១ឈុត, គ្រឿងឧបភោគ-បរិភោគ, សម្ភារប្រើប្រាស់មួយចំនួនធំ និងថវិកា៤០០,០០០ ម៉ឺនរៀលផងដែរ ។ ដោយមានការសំណូមពរពីប្រជាពលរដ្ឋរស់នៅភូមិ-ឃុំខាងលើបានស្នើសុំរទេះរុញមួយគ្រឿង សម្រាប់ជនពិការ ជូនអ្នកមីង អ៊ូ សារឿន អាយុ៦៥ឆ្នាំ មានជំងឺពិការស្លាប់មួយចំហៀងខ្លួន ក្រុមការងារបានផ្តល់រទេះរុញមួយគ្រឿងជាអំណោយសម្តេចទាំងទ្វេ និងថវិកាមួយចំនួនផងដែរ ។
ចែករំលែកព័តមាននេះ