ថៃប្រើកម្លាំងជាង២០០នាក់ តាមរកយុវជន២នាក់ ក្រោយឡើងភ្នំ បាត់ខ្លួន៧ថ្ងៃ
បាងកក ៖ អ្នកសារព័ត៌មានរបស់កាសែតថៃរ៉ាត់ បានរាយការណ៍នៅថ្ងៃទី៥ ខែមករា ឆ្នាំ២០២៣នេះថា នៅតំបន់ព្រៃការពារ Ban Phut ក្នុងស្រុកគង់រ៉ា…
បាងកក ៖ អ្នកសារព័ត៌មានរបស់កាសែតថៃរ៉ាត់ បានរាយការណ៍នៅថ្ងៃទី៥ ខែមករា ឆ្នាំ២០២៣នេះថា នៅតំបន់ព្រៃការពារ Ban Phut ក្នុងស្រុកគង់រ៉ា ខេត្តផាត់ថាលុង មន្ត្រីព្រៃឈើ រួមគ្នាជាមួយក្រុមអ្នកស្ម័គ្រចិត្ត និងអ្នកជួយសង្គ្រោះសរុបជាង ២០០នាក់ បានធ្វើដំណើរចេញស្វែងរកលោក Tong និងលោក Waeng Rak Kong Ra យុវជនទាំង២នាក់ ជាជនជាតិដើមភាគតិច(សាក់កៃ) បន្ទាប់ពីពួកគេទាំង២នាក់ បានបាត់ខ្លួនមួយសប្តាហ៍ ពេលចូលព្រៃឡើងភ្នំ ស្ថិតនៅភូមិទី៥ ឃុំខ្លងចែម ស្រុកគង់រ៉ា ខេត្តផាត់ថាលុង ដើម្បីរកអនុផលព្រៃឈើ ។
ព័ត៌មានចុងក្រោយនេះ អ្នកជួយសង្គ្រោះមានគ្នាជាង ៣០នាក់ រួមជាមួយនឹងអ្នកភូមិនៅតំបន់នោះ បាននាំមន្ត្រីជំនាញ ដើរទៅដល់ចំណុចដែលក្រុមជួយសង្គ្រោះ បានប្រទះឃើញឧបករណ៍បរបាញ់ ដែលជាអាវុធសម្រាប់ប្រមាញ់សត្វព្រៃ ស្ថិតនៅច្រកចូលល្អាងមួយ មានចម្ងាយជាង០៣គីឡូម៉ែត្រ ឡើងទៅលើកំពូលភ្នំ ដែលមានប្រហោងដូចរូងខាងក្នុង ហើយមានក្លិនដូចសា.កស.ព ស្អុយភាយចេញមកខាងក្រៅ ។
លោក Somrit Chuklin ប្រធានក្រុមជួយសង្គ្រោះស្ម័គ្រចិត្ត បាននិយាយថា ចំណុចនេះ គឺជាចំណុចសង្ស័យ ព្រោះមានប្រហោងដូចរូងខាងក្នុង ហើយមានក្លិនស្អុយភាយចេញមកក្រៅ ។ ហើយវាពិតជាលំបាកក្នុងការត្រួតពិនិត្យឲ្យជាក់ច្បាស់ ព្រោះវាជាជ្រលងថ្មតូចចង្អៀត និងជាជម្រាលដ៏ចោត គ្មានខ្យល់ដកដង្ហើម ហានិភ័យ នៃការចូលទៅក្នុង ។ លោកសន្និដ្ឋានជាបឋមថា ពួកគេបានស្លា.ប់នៅក្នុងរូងភ្នំនេះ យូរថ្ងៃហើយ ។
ក្នុងការចុះស្វែងរកនៅថ្ងៃនេះ លោកស្នងការស្រុក បានសុំកម្លាំងពីគ្រប់ភាគីទាំងនៅក្នុងស្ថាប័នរដ្ឋាភិបាល ក៏ដូចជាមេភូមិ និងកម្លាំងអ្នកភូមិក្នុងតំបន់នោះ ដើម្បីប្រមូលផ្តុំគ្នា តាមស្វែងរក ដោយបែងចែកជា ៩ក្រុម ទាំងដើរលើភ្នំ និងដើរខាងក្រោម សរុបជាង ២០០នាក់ ។
ការធ្វើដំណើរតាមស្វែងរកតាំងពីព្រឹក ក្រុមការងារបានរកឃើញឧបករណ៍បរបាញ់ និងក្លិនស្អុយ ដែលគេសន្មត់ជាដំបូងថា ជាក្លិននៃសា.កស.ពមនុស្ស ប៉ុន្តែនៅតែមិនទាន់អាចចូលក្នុងរូងភ្នំបានឡើយ រហូតមកដល់ពេលនេះ ។ អាជ្ញាធរបញ្ចប់ការស្វែងរកជាបណ្ដោះអាសន្ន នៅល្ងាចថ្ងៃនេះសិន ។ ហើយនឹងធ្វើការសម្របសម្រួលសុំកាមេរ៉ា ពីកងកម្លាំងភូមិភាគ១២ នៅខេត្តសុងក្លា ដើម្បីអោយប្រាកដថា ក្លិនដែលបានភាយចេញនោះ ពិតជាសា.កស.ពយុវជនជនជាតិដើមភាគតិចទាំង២នាក់ ដើម្បីអោយក្រុមការងាររៀបចំផែនការ យកសា.កស.ពចេញមកក្រៅវិញ ៕
ចែករំលែកព័តមាននេះ