លោកត្រាំ អាចនឹងដាក់ពន្ធដ៏ធ្ងន់ធ្ងរលើដែកថែបនាំចូលក្នុងពេលឆាប់ៗនេះ
សហរដ្ឋអាមេរិក ៖ នៅថ្ងៃសុក្រខាងមុខ រដ្ឋាភិបាលលោក ដូណាល់ ត្រាំ (Donald Trump) អាចនឹងដាក់ពន្ធយ៉ាងធ្ងន់ធ្ងរលើការនាំចូលដែកថែបពីប្រទេសដទៃ ដោយអះអាងថា
សហរដ្ឋអាមេរិក ៖ នៅថ្ងៃសុក្រខាងមុខ រដ្ឋាភិបាលលោក ដូណាល់ ត្រាំ (Donald Trump) អាចនឹងដាក់ពន្ធយ៉ាងធ្ងន់ធ្ងរលើការនាំចូលដែកថែបពីប្រទេសដទៃ ដោយអះអាងថា
សហរដ្ឋអាមេរិក ៖ នៅថ្ងៃសុក្រខាងមុខ រដ្ឋាភិបាលលោក ដូណាល់ ត្រាំ (Donald Trump) អាចនឹងដាក់ពន្ធយ៉ាងធ្ងន់ធ្ងរលើការនាំចូលដែកថែបពីប្រទេសដទៃ ដោយអះអាងថា ដែកថែបទាំងនោះផ្តល់ហានិភ័យដល់សន្តិសុខជាតិ ។
ពន្ធនោះអាចនឹងមានកម្រិតខ្ពស់តាមចិត្តរបស់លោក ត្រាំ ហើយក៏បង្កការសងសឹកពីប្រទេសដទៃ ដែលប៉ះពាល់ដល់វិស័យដទៃក្នុងសហរដ្ឋអាមេរិកផងដែរ ។
លោក Edward Alden មកពី Council on Foreign Relations និយាយថា ៖ « វាអាចជាការសម្រេចចិត្តទាក់ទិននឹងការធ្វើពាណិជ្ជកម្មសំខាន់ជាងគេក្នុងរយៈពេលច្រើនទសវត្សរ៍មកនេះ ។ វាពិតជាសំខាន់ខ្លាំងណាស់ » ។
លោក Wilbur Ross រដ្ឋលេខាធិការផ្នែកពាណិជ្ជកម្មរបស់សហរដ្ឋអាមេរិក និយាយថា ក្រុមការងាររបស់លោកនឹងប្រកាសពីលទ្ធផលនៃការស៊ើបអង្កេតដែកថែបនាំចូលនាចុងខែមិថុនា ។
អ្នកជំនាញផ្នែកពាណិជ្ជកម្ម និងវិនិយោគិននៅ Wall Street ជឿជាក់ថា ការដាក់ពន្ធនឹងកើតមានឡើង ។ អ្វីដែលសំខាន់ តើវាធ្ងន់ធ្ងរដល់កម្រិតណា និងលើប្រទេសណាខ្លះ ។
កាណាដា ម៉ិកស៊ិក ប្រេស៊ីល សហភាពអឺរ៉ុប និងជប៉ុន ស្ថិតក្នុងចំណោមប្រទេសនាំចេញដែកថែបធំៗមកកាន់សហរដ្ឋអាមេរិក ។ ចិនត្រូវបានលោកត្រាំ រិះគន់យ៉ាងខ្លាំងថា លក់ចេញដែកថែបក្នុងតម្លៃដ៏ទាប ហើយប្រទេសនេះជាប់ចំណាត់ថ្នាក់លេខ១១កាលពីឆ្នាំមុន និងអាចជាគោលដៅធំជាងគេ បើយោងតាមអ្នកជំនាញផ្នែកពាណិជ្ជកម្ម ។
មន្ត្រីមកពីក្រសួងពាណិជ្ជកម្មអាមេរិកនិយាយថា អាជីវកម្មក្នុងប្រទេសគួរតែជឿជាក់ថា លោករដ្ឋលេខាធិការ Ross ផ្តល់យោបល់ទៅកាន់ប្រធានាធិបតីដោយមានវិធីសាស្ត្រ និងសមហេតុផល។
ច្បាប់ឆ្នាំ១៩៦២របស់សហរដ្ឋអាមេរិកអនុញ្ញាតឲ្យលោក Ross ចៀសវាងគណៈចៅក្រមឯករាជ្យរបស់ប្រទេសនេះ និងសម្រេចចិត្តដាក់ពន្ធលើដែកថែបដោយខ្លួនឯង ។ ដោយប្រើប្រាស់សន្តិសុខជាតិ រដ្ឋាភិបាលលោក ត្រាំ មានអំណាចសម្រេចលើកម្រិតពន្ធទាំងនោះ ។
រដ្ឋាភិបាលលោក ត្រាំ អះអាងថា សហរដ្ឋអាមេរិកពឹងផ្អែកខ្លាំងពេកលើដែកថែបបរទេសសម្រាប់ការផលិតសព្វាវុធ និងកសាងហេដ្ឋារចនាសម្ព័ន្ធដូចជា ផ្លូវថ្នល់ និងស្ពាន។ ពួកគេបន្តថា ប្រសិនបើប្រទេសផលិតដែកថែបបញ្ឈប់ការលក់ដែកថែបមកឲ្យសហរដ្ឋអាមេរិក នោះ ប្រទេសនេះនឹងមិនអាចផលិតរថក្រោះ ឬសព្វាវុធសំខាន់ៗដើម្បីការពារខ្លួនទេ ។
ប៉ុន្តែអ្នកដឹកនាំក្នុងវិស័យដែកថែបអាមេរិកបានជំរុញលោក ត្រាំ ឲ្យដោះស្រាយបញ្ហាការប្រកួតប្រជែងពីបរទេស ។
លោកស្រី Barbara Smith អគ្គនាយករបស់ Commercial Metals Company និយាយកាលពីខែឧសភាថា ក្រុមហ៊ុនរបស់លោកស្រីបានបិទទីតាំងនៅសហរដ្ឋអាមេរិកចំនួន៣០កន្លែងហើយតាំងពីឆ្នាំ២០០៨ និងបញ្ឈប់បុគ្គលិកអស់៤ពាន់នាក់ព្រោះតែការប្រកួតប្រជែងពីបរទេស ។
តម្លៃដែកថែបដ៏ខ្ពស់របស់អាមេរិក និងការប្រកួតប្រជែងពីបរទេសកើនឡើងបានជំរុញដល់ការបាត់បង់ការងារនៅសហរដ្ឋអាមេរិក។ ការងារក្នុងវិស័យនេះនៅឆ្នាំ២០០០ មានដល់៦២ម៉ឺន៤ពាន់ ប៉ុន្តែពេលនេះស្មើតែ៣៨ម៉ឺន៥ពាន់ប៉ុណ្ណោះ ៕
ចែករំលែកព័តមាននេះ