ស្ថានឯកអគ្គរាជទូតកម្ពុជាប្រចាំប្រទេសថៃឡង៍ទទូចស្នើឲ្យពលករខ្មែររក្សាភាពស្ងៀមស្ងាត់ព្រោះ…
រាជធានីភ្នំពេញ ៖ ស្ថានឯកអគ្គរាជទូតព្រះរាជាណាចក្រកម្ពុជាប្រចាំនៅព្រះរាជាណាចក្រថៃឡង៍ បានបញ្ជាក់ថារាដ្ឋាភិបាលថៃ
រាជធានីភ្នំពេញ ៖ ស្ថានឯកអគ្គរាជទូតព្រះរាជាណាចក្រកម្ពុជាប្រចាំនៅព្រះរាជាណាចក្រថៃឡង៍ បានបញ្ជាក់ថារាដ្ឋាភិបាលថៃ បានកែសម្រួលព្រះរាជក្រឹត្យស្តីអំពីការគ្រប់គ្រងការធ្វើការងាររបស់ពលករបរទេស ឆ្នាំ២០១៧ “គឺក្នុងគោលបំណងបន្ថែមទម្ងន់ទោសដល់និយោជក ដែលប្រើប្រាស់ពលករបរទេសដែលពុំទាន់មានឯកសារស្របច្បាប់ និងក្រុមហ៊ុនដែលនាំពលករបរទេសមកធ្វើការនៅក្នុងប្រទេសថៃដោយខុសច្បាប់តែប៉ុណ្ណោះ”។
សេចក្តីប្រកាសពត៌មានដែលចុះថ្ងៃទី ០១ មិថុនា បានទទូចស្នើឲ្យពលករខ្មែររក្សាភាពស្ងៀមស្ងាត់ ព្រោះស្ថានឯកអគ្គរាជទូតព្រះរាជាណាចក្រកម្ពុជាប្រចាំនៅព្រះរាជាណាចក្រថៃឡង៍ និងក្រសួងការងារកម្ពុជា កំពុងពិភាគ្សាជាមួយអាជ្ញាធរមានសមត្ថកិច្ចថៃ ជួយសម្រួលកុំឲ្យមានការចុះត្រួតពិនិត្យពលករកម្ពុជាដែលពុំមានឯកសារគ្រប់គ្រាន់ ក្នុងការស្នាក់នៅ និងធ្វើការនៅក្នុងប្រទេសថៃ។
ដើម្បីជៀសវាងការចាញ់បោកមេខ្យល់ដែលឆ្លៀតឱកាសបោកប្រាស់បងប្អូនប្រជាជនខ្មែរក្នុងការរៀបចំឯកសារមកធ្វើការស្របច្បាប់ បងប្អូនពលករកម្ពុជាដែលមានបំណងចង់ទៅធ្វើការនៅប្រទេសថៃ ត្រូវទំនាក់ទំនងទីភ្នាក់ងារជ្រើសរើសឯកជនកម្ពុជា ដែលបានទទួលការអនុញ្ញាតពីក្រសួងការងារ និងបណ្តុះបណ្តាលវិជ្ជាជីវៈ ក្នុងការជ្រើសរើស បណ្តុះបណ្តាល បញ្ជួន និងគ្រប់គ្រងពលករកម្ពុជាទៅធ្វើការនៅបរទេស។
ស្ថានឯកអគ្គរាជទូតព្រះរាជាណាចក្រកម្ពុជាប្រចាំនៅព្រះរាជាណាចក្រថៃឡង៍ធ្វើឡើងបន្ទាប់ពីច្បាប់អន្តោប្រវេសន៍ថ្មីរបស់ថៃដែលមានការរឹតបន្តឹងចំពោះពលករខុសច្បាប់ ហើយក្នុងនោះពលករខ្មែររាប់រយនាក់ត្រូវបានអាជ្ញាធរថៃចាប់បញ្ជួនមកប្រទេសវិញ។ ក្នុងនោះផងដែរពលករខ្មែររាប់រយនាក់ក្នុងមួយថ្ងៃៗបានវិលត្រឡប់ពីថៃមកធ្វើលិខិតឆ្លងដែនប្រភេទការងារដែលតម្រូវទៅតាមច្បាប់អន្តោប្រវេសន៍ថ្មីរបស់ថៃ។ មូលហេតុមួយក្នុងចំណោមមូលហេតុសំខាន់ៗ ដែលថៃចាប់បញ្ជូនពលករខ្មែរមកវិញជាច្រើនជារៀងរាល់ថ្ងៃ ព្រោះថៃទើបដាក់ចេញនូវច្បាប់ការងារថ្មី គឺ ១. ត្រូវពិនិត្យមើលការងាររបស់ពលករ មីយ៉ាន់ម៉ា ឡាវ និងកម្ពុជា ដែលធ្វើការនៅថៃ តើបម្រើការងារប្រភេទ ហាមឃាត់ចំនួន៣៩មុខ ដែលសមគមន៍ការងារហាមឃាត់ឬអត់0x017d7ប្រសិនណាពួកគេត្រូវការឈប់បន្ទាន់ ឬប្រសិនបើទទួលចូលបម្រើការ ដោយគ្មានលិខិតអនុញ្ញាតិ ត្រូវបញ្ឈប់បន្ទាន់ដូចគ្នា។ បើរកឃើញត្រូវពិន័យ ពី៤០០,០០០ ទៅ ៨០០,០០០ បាត ឬប្រហែល ១១,៥០០ ទៅ ២៣,០០០ ដុល្លារ ៕
ចែករំលែកព័តមាននេះ