តើអ្នកត្រូវបើកបរផ្លូវឆ្ងាយសម្រាប់ដំណើរកម្សាន្តបន្ទាប់មែនទេ ? មិនថាទៅលេងស្រុកកំណើត ឬទៅកាន់រមណីយដ្ឋានដែលពេញចិត្ត សូមកុំចាកចេញពីផ្ទះ និងបើកបរដោយមិនដឹងពីគន្លឹះបើកបរផ្លូវឆ្ងាយប្រកបដោយ
តើអ្នកត្រូវបើកបរផ្លូវឆ្ងាយសម្រាប់ដំណើរកម្សាន្តបន្ទាប់មែនទេ ? មិនថាទៅលេងស្រុកកំណើត ឬទៅកាន់រមណីយដ្ឋានដែលពេញចិត្ត សូមកុំចាកចេញពីផ្ទះ និងបើកបរដោយមិនដឹងពីគន្លឹះបើកបរផ្លូវឆ្ងាយប្រកបដោយសុវត្ថិភាពដូចខាងក្រោមនេះ ។
១-មុនពេលចាប់ផ្តើមបើកបរផ្លូវឆ្ងាយ អ្នកគួរតែគេងឱ្យបានគ្រប់គ្រាន់ និងបរិភោគអាហារសម្រន់ ឬអាហារធម្មតា ។ ភេសជ្ជៈដែលមានជាតិកាហ្វេអុីនខ្ពស់ មិនមែនជាវិធីល្អបំផុតក្នុងការធ្វើឲ្យអ្នកមិនងងុយគេង ខណៈពេលកំពុងបើកបរនោះទេ ។ ដោយសារក្រោយពេលទទួលទានដំបូងៗ អ្នកនឹងមានអារម្មណ៍ស្វាហាប់ ប៉ុន្តែឥទ្ធិពលរបស់វានឹងថយចុះទៅតាមពេលវេលា ហើយការផ្តោតអារម្មណ៍របស់អ្នកក៏បាត់បង់ ទោះបីជាមិនងងុយគេងក្តី ។
២-គួរតែឈប់សម្រាកក្នុងរថយន្តរៀងរាល់២ម៉ោងម្តង បើទោះបីជាគ្មានអារម្មណ៍ងងុយគេងក្តី ។ អ្នកអាចបរិភោគអាហារសម្រន់បន្តិច ស្រូបយកខ្យល់អាកាសបរិសុទ្ធ និងធ្វើលំហាត់ប្រាណជើងដោយដើរទៅដើរមកមួយភ្លែត ។ បើសិនជាចាំបាច់ គួរតែគេងមួយស្របក់ ។
៣-បើសិនជាអាច គួរចែកវេនបើកបរជាមួយនរណាម្នាក់ផ្សេងទៀត ។ សកម្មភាពនេះនឹងអនុញ្ញាតឱ្យអ្នកជួយមើលគ្នាខណៈពេលកំពុងបើកបរ និងអាចឆ្លៀតពេលគេងដោយមិនខ្ជះខ្ជាយពេលវេលា ។ ប្រសិនបើអ្នកបើកបរតែម្នាក់ឯង ចូរបើកវិទ្យុ ឬចាក់ចម្រៀង និងបើកកញ្ចក់រថយន្តបន្តិចផង ។
៤-មុនពេលធ្វើដំណើរផ្លូវឆ្ងាយតាមរថយន្ត ត្រូវប្រាកដចិត្តថា រថយន្តរបស់អ្នកនៅក្នុងស្ថានភាពល្អ ។ អ្នកត្រូវត្រួតពិនិត្យសម្ពាធរបស់សម្បកកង់ ប្រេង និងទឹកនៅកម្រិតត្រឹមត្រូវរបស់វា ហើយរថយន្តរបស់អ្នកមានសាំងពេញធុង ។
៥-កុំរង់ចាំរហូតដល់ទ្រនិចសាំងចង្អុលអក្សរ E ទើបរកកន្លែងចាក់សាំង ។ នៅលើផ្លូវមិនស្គាល់ អ្នកមិនដឹងទេថា ស្ថានីយប្រេងឥន្ធនៈបន្ទាប់នៅកន្លែងណា ។ នៅពេលដែលទ្រនិចសាំងបង្ហាញថា សាំងរថយន្តនៅសល់ប្រហែល១ភាគ៤នៃធុងសាំង សូមរកកន្លែងចាក់សាំងឲ្យបានឆាប់តាមដែលអាចធ្វើទៅបាន ៕
ចែករំលែកព័តមាននេះ