ខេត្តតាកែវ ៖ ក្រោយស្បើយពីល្បែងលេងភ្នាល់តាមអនឡាញមួយរយៈនេះ នៅស្រុកព្រៃកប្បាស ក្នុងឃុំស្នោរ បែរលេចមុខលេងភ្នាល់មាន់ជល់ និងលេងអាប៉ោង ដែលមានអ្នកញៀនល្បែងចូលលេងហ៊ោរកញ្ច្រៀវសឹងតែពលរដ្ឋរកពេលដេកពួនមិនបាន ។
ប្រជាពលរដ្ឋនៅក្បែរទីតាំងដែលគេនាំគ្នាលេងល្បែងភ្នាល់នេះបញ្ជាក់ថា បានបើកលេងជារៀងរាល់ថ្ងៃនិងមានមនុស្សមកលេងយ៉ាងច្រើនកុះករដូចហែកឋិន ទាំងអ្នកក្នុងភូមិ និងអ្នកក្រៅភូមិ ដោយមិនដែលឃើញសមត្ថកិច្ចណាចុះមកបង្ក្រាបនោះទេ ។ ចំពោះអ្នកដែលហ៊ានបើកទីតាំងលេងល្បែងជល់មាន់និងអាប៉ោងនេះ បើតាមប្រភពច្បាស់ការបង្ហើបថា ជាមន្ត្រីប៉ូលិសនៅក្រសួងមហាផ្ទៃ ទើបបានជាមិនខ្លាចញញើត និងច្បាប់ ពិសេសអាជ្ញាធរមូលដ្ឋានសោះ។
ជុំវិញករណីនេះ លោកឡេង ប៊ុនឡុង អធិការនគរបាលស្រុកព្រៃកប្បាសបានអោយដឹងថា លោកអត់បានដឹងថា នៅមូលដ្ឋានឃុំស្នោរនេះ មានគេលេងល្បែងជល់មាន់ និងអាប៉ោងទេ ។ លោកថា និងអោយកម្លាំងចុះទៅពិនិត្យហើយបើមានមែនលោកនិងធ្វើកិច្ចសន្យាបញ្ឈប់តែម្តង ។
ធ្វើមេប៉ូលិសស្រុក បើអត់ដឹង… គួរឈប់ធ្វើល្អជាង…ឬមួយលាភសក្ការៈបិទបាំងអស់? អ្នកខ្លះថា មេប៉ូលិសស្រុកមិនហ៊ានបង្ក្រាបយកស្នាដៃទេ… យកលាភវិញប្រសើរជាង…ហេ! ហេ! ហេ!
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ