ថ្ងៃនេះ Messi រៀបការហើយ…គ្រាន់តែទីតាំងមង្គលការញាក់សាច់
តាមប្រភពព័ត៌មាន Daily Mail បានឲ្យដឹងថា Messi នឹងរៀបការជាមួយនឹងមិត្តស្រីកាលវ័យកុមារ នាង Antonella Roccuzzo
តាមប្រភពព័ត៌មាន Daily Mail បានឲ្យដឹងថា Messi នឹងរៀបការជាមួយនឹងមិត្តស្រីកាលវ័យកុមារ នាង Antonella Roccuzzo នៅថ្ងៃទី៣០ ខែមិថុនា នេះ ។ គ្រាន់តែកន្លែងដែលពួកគេត្រៀមនឹងរៀបពិធីនោះគឺធ្វើឲ្យយើងញាក់សាច់បាត់ទៅហើយ ។
ម្ចាស់ពានរង្វាន់ Ballon d’Or ចំនួន៥ដងជាប់ៗគ្នាម្នាក់នេះបានជួលមជ្ឈមណ្ឌលទីក្រុង Rosario លំដាប់ផ្កាយប្រាំដែលស្ថិតនៅ Santa Fe ប្រទេសអាហ្សង់ទីន ។ នៅក្នុងនោះមានអ្វីគ្រប់បែបយ៉ាងដូចជា កាស៊ីណូ សណ្ឋាគារ កន្លែងលេងបោះប៊ូល អាងហែលទឹកក្រោម និងក្រៅដំបូល ធ្លាវាយតេននីស និងភោជនីយដ្ឋានជាច្រើនកន្លែងថែមទៀតផង ។
ភ្ញៀវអ្នកចូលរួមមង្គលការអាចមានឱកាសលេងល្បែងក្នុងកាស៊ីណូបានហើយក៏អាចស្នាក់នៅក្នុងសណ្ឋារគារលំដាប់ផ្កាយប្រាំបានផងដែរដែលតម្លៃជាទូទៅមិនក្រោម១០០ដុល្លារទេក្នុងមួយយប់ ។ គួរបញ្ជាក់ថា Messi បានអញ្ជើញគ្រប់គ្នានៅក្នុងក្រុមរបស់ខ្លួនមកចូលរួមក្នុងពិធីមង្គលការ ។ ក្នុងចំណោមអ្នកទាំងនោះ Andres Iniesta និង Gerard Pique បានបដិសេធមិនចូលរួមទុកជាមុន ៕
ចែករំលែកព័តមាននេះ