ជប៉ុន ៖ តាមប្រភពពត៌មាន Oddity Central បានឲ្យដឹងថា ស្ត្របឺរីពណ៌ស របស់ប្រទេសជប៉ុនត្រូវបានគេដាក់លក់ក្នុងតម្លៃមួយមិនធម្មតា បើធៀបជាមួយនឹងស្ត្របឺរីធម្មតា។
ស្ត្របឺរីចម្លែកនេះ ត្រូវបានគេរកឃើញវិធីដាំតាំងពី៤ឆ្នាំមុនមកម្ល៉េះ ដោយលោក Yasuhito Teshima និងអ្នកនៅក្នុងកសិដ្ឋានរបស់លោក។ វិធីដែលធ្វើឲ្យស្ត្របឺរីនេះ មានពណ៌ស គឺយើងត្រូវដាំវាដោយកាត់បន្ថយពន្លឺព្រះអាទិត្យកុំឲ្យមកប៉ះត្រូវវាពេក។ ការធ្វើដូចនេះធ្វើឲ្យសារធាតុពណ៌ធម្មជាតិ Anthocyanin នៅក្នុងផ្លែឈើទូទៅចេញពណ៌។
និយាយពីរឿងតម្លៃរបស់វាវិញ គឺពិតជាមិនធម្មតា។ ក្នុងមួយផ្លែមានតម្លៃ១០ដុល្លារ ហើយក្នុងមួយថង់តូចតម្លៃ៤០ដុល្លារ។ រសជាតិរបស់វា គឺមិនដូចទៅនឹងស្ត្របឺរីធម្មតាឡើយ។
លោក John Daub ដែលជាអ្នកបានភ្លក់រសជាតិស្ត្របឺរីពិសេសនេះ បានប្រាប់ថា៖ «វាធុំក្លិនផ្អែមយ៉ាងខ្លាំង។ សំបករបស់វាទន់។ ពេលខ្ញុំខាំញ៉ាំដំបូង រសជាតិរបស់វា គឺស្រដៀងទៅនឹងផ្លែម្នាស់។ តែក្រោយមករសជាតិរបស់វាក៏ប្តូរមកជាផ្អែមដូចស្ករគ្រាប់។ តែមិនផ្អែមខ្លាំងដូចស្ករគ្រាប់ពេកនោះទេ»៕
ចែករំលែកព័តមាននេះ