វៀតណាម ៖ ពស់ថ្លាន់មួយក្បាល មានប្រវែងប្រហែល ៥ម៉ែត្រ បានរឹតកបុរសម្នាក់ រហូតដល់ដាច់ខ្យល់ស្លា.ប់ នៅពេលដែលបុរសរូបនេះព្យាយាមចាប់វាចេញពីទ្រុង កាលពីថ្ងៃអាទិត្យ ទី០១…
វៀតណាម ៖ ពស់ថ្លាន់មួយក្បាល មានប្រវែងប្រហែល ៥ម៉ែត្រ បានរឹតកបុរសម្នាក់ រហូតដល់ដាច់ខ្យល់ស្លា.ប់ នៅពេលដែលបុរសរូបនេះព្យាយាមចាប់វាចេញពីទ្រុង កាលពីថ្ងៃអាទិត្យ ទី០១ ខែមករា ឆ្នាំ២០២៣ នេះបើយោងតាមសារព័ត៌មានវៀតណាម Vnexpress ។
បុរសរងគ្រោះមានឈ្មោះ Phuong អាយុ៤៧ឆ្នាំ បានទៅលេងផ្ទះមិត្តភក្តិម្នាក់ឈ្មោះ Hai នៅទីក្រុង Binh Long ក្នុងខេត្ត Binh Phuoc ស្ថិតនៅភាគខាងត្បូងប្រទេសវៀតណាម ក្នុងថ្ងៃបុណ្យសកល ឆ្លងចូលឆ្នាំថ្មី ។
លោក Hai បាននិយាយប្រាប់ប៉ូលិសថា ប៉ុន្មានឆ្នាំមុន មានមិត្តម្នាក់បានឲ្យពស់ថ្លាន់គាត់ស៊ី ប៉ុន្តែគាត់អាណិតពស់ណាស់ ទើបដាក់ក្នុងទ្រុង ហើយចិញ្ចឹមរហូតមកដល់សព្វថ្ងៃនេះ ។ ទើបតែពេលនេះ គាត់ក៏ជូនពស់ថ្លាន់ប្រវែងប្រហែល ០៥ម៉ែត្រ មានទម្ងន់ ២៥គីឡូក្រាម នេះទៅឈ្មោះ Phuong ។ នៅពេលដែលលោក Phuong លូនចូលក្នុងទ្រុង ដើម្បីចាប់ពស់ថ្លាន់ ស្រាប់តែវាស្ទុះលោតមករឹតកភ្លាមៗ មនុស្សដែលឈរនៅខាងក្រៅ បានចាប់ជើងរបស់លោក Phuong ហើយព្យាយាមទាញគាត់ចេញពីទ្រុងដែរ ប៉ុន្តែពស់ថ្លាន់មានកម្លាំងខ្លាំងពេក ក៏រឹតកបុរសនោះផុតដង្ហើមយ៉ាងឆាប់រហ័ស ។
ប៉ូលិសកំពុងបើកការស៊ើបអង្កេតករណីខាងលើនេះ ខណៈពស់ថ្លាន់ ត្រូវបានប្រគល់ទៅនាយកដ្ឋានគ្រប់គ្រងព្រៃឈើ ៕
ចែករំលែកព័តមាននេះ