Ronaldo មិនឆេះដុំទើបចម្លែក !
តាមប្រភពព័ត៌មាន Soccer Laduma បានឲ្យដឹងថា ម្ចាស់ក្លឹប Real Madrid លោក Florentino Perez បង្ហើបថា
តាមប្រភពព័ត៌មាន Soccer Laduma បានឲ្យដឹងថា ម្ចាស់ក្លឹប Real Madrid លោក Florentino Perez បង្ហើបថា កីឡាករលំដាប់ពិភពលោក Cristiano Ronaldo កំពុងតែខឹងចំពោះស្ថានភាពរបស់ខ្លួននៅក្នុងប្រទេសអេស្ប៉ាញ ដោយសារតែមានការចោទប្រកាន់ពីការគេចមិនបង់ពន្ធប្រាក់ចំណូលចូលរដ្ឋ ។
ម្ចាស់ក្លឹបអធិរាជស Real Madrid បានប្រាប់ថា «ខ្ញុំដឹងថា Ronaldo កំពុងតែខឹងសម្បា តែខ្ញុំគិតថាគាត់នឹងមិនចេញពីក្លឹបទៅណាផ្សេងឡើយ ។ ខ្ញុំមិនបានទៅនិយាយជាមួយគាត់ទេពីរឿងនេះ ។ អ្វីដែលនឹងធ្វើ គឺខ្ញុំត្រូវរងចាំសិន ហើយនឹងនិយាយជាមួយគាត់ក្រោយពីការប្រកួតពាន Confederation Cup» ។
លោក Perez ក៏បានបន្តថា លោកបានទៅនិយាយជាមួយនឹងភ្នាក់ងារនាំពាក្យរបស់ Ronaldo លោក Jorge Mendes ហើយប្រាប់ថា វាគ្មានអ្វីគួរឲ្យបារម្ភទេ ។ លោក Perez ប្រាប់ថា «ខ្ញុំបានទៅនិយាយជាមួយនឹង Mendes រួចរាល់ហើយ ។ គ្មានអ្វីត្រូវបារម្ភនោះទេ» ៕
ចែករំលែកព័តមាននេះ