រាជធានីភ្នំពេញ ៖ បុរសជនសង្ស័យជួញដូរ និងប្រើប្រាស់គ្រឿងញៀ.នម្នាក់ ត្រូវបានកម្លាំងនគរបាលប៉ុស្តិ៍ផ្សារដើមថ្កូវ ធ្វើការចាប់ឃាត់ខ្លួន ខណៈដែលធ្វើការល្បាតនៅក្នុងភូមិសាស្ត្ររបស់ខ្លួន ហើយឃើញរូបគេកំពុងតែឈររេរាៗ និងមានការសង្ស័យក៏ហៅធ្វើការសួរនាំ និងធ្វើការឆែកឆេរកឃើញថ្នាំញៀនចំនួន៥កញ្ចប់ លាក់ទុកក្នុងហោប៉ៅខោ ។
រាជធានីភ្នំពេញ ៖ បុរសជនសង្ស័យជួញដូរ និងប្រើប្រាស់គ្រឿងញៀនម្នាក់ ត្រូវបានកម្លាំងនគរបាលប៉ុស្តិ៍ផ្សារដើមថ្កូវ ធ្វើការចាប់ឃាត់ខ្លួន ខណៈដែលធ្វើការល្បាតនៅក្នុងភូមិសាស្ត្ររបស់ខ្លួន ហើយឃើញរូបគេកំពុងតែឈររេរាៗ និងមានការសង្ស័យក៏ហៅធ្វើការសួរនាំ និងធ្វើការឆែកឆេរកឃើញថ្នាំញៀនចំនួន៥កញ្ចប់ លាក់ទុកក្នុងហោប៉ៅខោ ។ ការចាប់ឃាត់ខ្លួននេះដែរ បានធ្វើឡើងកាលពីវេលាម៉ោង០៩និង៤០នាទីយប់ ថ្ងៃទី២៨ ខែមិថុនា ឆ្នាំ២០១៧ នៅចំណុចខាងមុខផ្ទះគ្មានលេខ ច្រកឌឿងហែម ផ្លូវព្រះមុនីវង្ស ក្រុម៣២ ភូមិ៥ ក្នុងសង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
តាមប្រភព័ត៌មានពីនគរបាលបានប្រាប់ឱ្យដឹងថា បុរសជនសង្ស័យដែលបានឃាត់ខ្លួនមានឈ្មោះ ដូន សំណាង ហៅ ជេម អាយុ ៣១ឆ្នាំ មុខរបរមិនពិតប្រាកដ ស្នាក់នៅផ្ទះជួលគ្មានលេខ ច្រកឌឿងហែម ផ្លូវព្រះមុនីវង្ស ក្រុម៣២ ភូមិ៥ សង្កាត់ផ្សារដើមថ្កូវ ខណ្ឌចំការមន ។ មុនពេលកើតហេតុ កម្លាំងនគរបាលប៉ុស្តិ៍ផ្សារដើមថ្កូវ បាននាំគ្នាជិះម៉ូតូធ្វើការដើរល្បាតនៅក្នុងភូមិសាស្ត្ររបស់ខ្លួន លុះមកដល់ចំណុចខាងលើ ក៏បានប្រទះឃើញជនសង្ស័យម្នាក់ កំពុងតែឈររេរាៗ ដោយមានការសង្ស័យក៏ហៅធ្វើការត្រួតពិនិត្យ និងធ្វើការឆែកឆេរកឃើញថ្នាំញៀនប្រភេទម្សៅក្រាមពណ៍សថ្លា ចំនួន៥កញ្ចប់លាក់ទុកនៅក្នុងហោប៉ៅខោខាងឆ្វេង ក៏ធ្វើការឃាត់ខ្លួនតែម្តង ។
ក្រោយពេលឃាត់ខ្លួនបុរសជាជនសង្ស័យរក្សាទុក និងប្រើប្រាស់គ្រឿងញៀនម្នាក់ខាងលើ រួមទាំងថ្នាំញៀន៥កញ្ចប់ ជាវត្ថុតាង ក៏បាននាំមកធ្វើការសាកសួរ និងកត់កំណត់ហេតុនៅប៉ុស្តិ៍នគរបាលផ្សារដើមថ្កូវ ដើម្បីបញ្ជូនទៅកាន់អធិការដ្ឋាននគរបាលខណ្ឌចំការមន ចាត់ការទៅតាមផ្លូវច្បាប់ជាបន្តទៅទៀត ។
ចែករំលែកព័តមាននេះ