លក់មិនដាច់ទេ ជួយរៀបចំដាក់ប្រព័ន្ធលូផង
ខេត្តកំពង់ចាម ៖ អាជីវករឈ្មោះ មាស បូរ៉ាត់ ភេទស្រី អាយុ៥១ឆ្នាំ លក់ស្កត្នោតនៅផ្សារបឹងកុក ក្រុងកំពង់ចាមប្រាប់ឲ្យដឹងនៅព្រឹកថ្ងៃទី២៨ ខែមិថុនា ឆ្នាំ២០១៧
ខេត្តកំពង់ចាម ៖ អាជីវករឈ្មោះ មាស បូរ៉ាត់ ភេទស្រី អាយុ៥១ឆ្នាំ លក់ស្កត្នោតនៅផ្សារបឹងកុក ក្រុងកំពង់ចាមប្រាប់ឲ្យដឹងនៅព្រឹកថ្ងៃទី២៨ ខែមិថុនា ឆ្នាំ២០១៧ ថាចាប់តាំងពីកកើតផ្សារបឹងកុកមកគាត់បានចាប់ផ្តើមលក់ស្កត្នោតនៅខាងក្រៅផ្សាររហូត ដោយមិនបានដូរមុខរបរនេះនោះទេក្នុងពេលដែលលក់ដំបូងៗដាច់ណាស់ក្នុង១ព្រឹកអាចលក់បានពី៦ទៅ៧ធុង ដែលទទួលបានប្រាក់ចំនេញគ្រាន់បើផងដែរ ។ គាត់បានប្រាប់បន្តថា មិនតែប៉ុណ្ណោះទេធ្លាប់មានម៉ូយនៅតាមស្រុកឆ្ងាយមកកម្មង់ទិញឲ្យផ្ញើតាមរថយន្តទៅឲ្យថែមទៀតផង។ ប៉ុន្តែមកដល់រយៈពេល៥ឆ្នាំចុងក្រោយនេះ ការលក់ត្រូវបានធ្លាក់ចុះក្នុង១ព្រឹកបានតែ២ធុងនោះទេ សូម្បីតែម៉ូយនៅតាមបណ្តាស្រុកបានដាច់អស់ មិនមានទៀតទេហើយរាល់ព្រឹកសព្វថ្ងៃបានប្រាក់ចំណេញមិនដល់ទៅ២ម៉ឺនរៀលផង សូម្បីតែអ្នកលក់ខាងក្នុង និងខាងក្រៅផ្សារបឹងកុកបានត្អូញតែ្អរលក់មិនសូវដាច់ ។
អាជីវករផ្សារបឹងកុកឈ្មោះ នី សុភា ភេទស្រី អាយុ៣៦ឆ្នាំ ប្រាប់ថា កន្លងមកគាត់ធ្លាប់លក់ដាច់ក្នុង១ថ្ងៃបានប្រាក់ពី១លានរៀលទៅ២លានរៀលហើយនៅពេលដែលមានបុណ្យទានកាន់តែលក់ដាច់ដែលធ្វើឲ្យគាត់ទទួលបានប្រាក់ចំណូលគ្រាន់បើផងដែរ ។ តែដោយសារក្តៅស្អុះស្អាប់ពេកនោះក្រុមអាជីវការលក់ក្នងផ្សារបាននាំគ្នាសំណើរសុំអាជ្ញាធរខេត្តឲ្យជួយប្រក់ដំបូលផ្សារក៏ត្រូវបានអាជ្ញាធរធ្វើឲ្យដូចចិត្តទៀតដូចនៅកន្លែងគាត់ទើបតែធ្វើរួចរាល់អាជីវករសប្បាយចិត្តគ្រប់ៗគ្នា ។
អ្នកស្រី ហួត ស៊ាងហួរ អាយុ៥៥ឆ្នាំ នៅភូមិមេម៉ាយ សង្កាត់បឹងកុក ក្រុងកំពង់ចាម ប្រាប់ឲ្យដឹងថាផ្លូវនៅខាងមុខផ្ទះរបស់គាត់មិនមានដាក់ប្រពន្ធលូជាច្រើនឆ្នាំមកហើយឲ្យតែនៅពេលមានមេឃភ្លៀងធ្លាក់មកម្តងៗនោះគឺពិបាកលក់ដូរត្រូវបែកភក់ទាល់តែចាក់ខ្សាច់១រឺម៉កទើបមិនមានទឹកដក់ ។ សូមឲ្យអាជ្ញាធរជួយរៀបចំជួសជុលផ្លូវឲ្យបានល្អធ្វើយ៉ាងណាចាក់ឲ្យខ្ពស់ត្រង់ជួរមុខផ្ទះគាត់ដើម្បីពេលដែលមានភ្លៀងធ្លាក់ចុះមកនោះត្រូវហូរទៅចូលលូម្ខាងនៃផ្លូវក្រាលកៅស៊ូ ។
លោក ចាន់ ផល្លី អភិបាលក្រុងកំពង់ចាមប្រាប់ឲ្យដឹងនៅរសៀលថ្ងៃទី២៩ មិថុនា ថាការរៀបចំកន្លែងលក់ដូរនោះគឺសិ្ថតនៅលើថៅកែផ្សារ ចំណែកការដាក់ប្រព័ន្ធលូក៏ដូច្នោះដែរ ។ រូបលោកនឹងចុះទៅពិនិត្យជាមួយនឹងសាធារណៈការក្រុងនៅព្រឹកស្អែកនេះ ។ កន្លងមកអាជ្ញាធរបានប្រឹងប្រែងជួយប្រក់ដំបូលផ្សារបឹងកុកតាមការស្នើសុំពីសំណាក់ក្រុមអាជីវករលក់ដូរ ហើយការសាងសង់ធ្វើឡើងនៅតាមដំណាក់កាលពីព្រោះកញ្ចក់ថវិការមានកំរិត ត្រូវធ្វើទៅតាមដំណាក់កាល ៕
ចែករំលែកព័តមាននេះ