ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលក្រោយពីក្រុមគ្រួសារ បានប្រទះបុរសជនជាតិអាមេរិកាំងចំណាស់ម្នាក់ដេកស្លាប់ ដោយគ្មានអ្នកដឹង តែបានផ្អើលនៅវេលាម៉ោង១១ព្រឹកថ្ងៃទី២៩ មិថុនា នេះ ស្ថិតនៅចំណុចក្រុមទី០៨ ក្នុងភូមិតាព្រួច សង្កាត់ក្តុលដូនទាវ ក្រុងបាត់ដំបង ខេត្តបាត់ដំបង ។
បើតាមអាវុធហត្ថឱ្យដឹងទៀតថា ជនរងគ្រោះខាងលើមានឈ្មោះ VICKERY MICHAEL THEODORE អាយុ៨៦ឆ្នាំ ជនជាតិអាមេរិកកាំង មានប្រពន្ធជាស្ត្រីខ្មែរ សព្វថ្ងៃបានរស់នៅជាមួយបងថ្លៃ នៅចំណុចកើតហេតុខាងលើ ។
ទាក់ទិនករណីនេះ ត្រូវគេដឹងត្រឹមថា គាត់មានវ័យចំណាស់ និងមានជំងឺប្រចាំកាយផង ហើយអាចសង្ស័យគាំងបេះដូងស្លាប់ តែមិនដឹងកើតឡើងនៅពេលណា ។ លុះព្រឹកឡើង មិនឃើញគាត់ងើបពីដេក ទៅអង្រួនដាស់ទើបផ្អើលតែម្តង ។
បច្ចុប្បន្ន សាកសពត្រូវបានសាច់ញាតិយកទៅធ្វើបុណ្យតាមប្រពៃណីខ្មែរ ។
ចែករំលែកព័តមាននេះ