ដូនចាស់អាយុ83ឆ្នាំក្រីក្របានទទួលអំណោយកាកបាទក្រហម
ខេត្តត្បូងឃ្មុំ ៖ ដូនចាស់ឈ្មោះ អូង យឹម អាយុ៨៣ឆ្នាំ ដែលជាជនក្រីក្រដោយរស់នៅលើផ្ទះឈើតូចមួយទំហំប្រហែល៣ម៉ែត្របួនជ្រុង
ខេត្តត្បូងឃ្មុំ ៖ ដូនចាស់ឈ្មោះ អូង យឹម អាយុ៨៣ឆ្នាំ ដែលជាជនក្រីក្រដោយរស់នៅលើផ្ទះឈើតូចមួយទំហំប្រហែល៣ម៉ែត្របួនជ្រុង
ខេត្តត្បូងឃ្មុំ ៖ ដូនចាស់ឈ្មោះ អូង យឹម អាយុ៨៣ឆ្នាំ ដែលជាជនក្រីក្រដោយរស់នៅលើផ្ទះឈើតូចមួយទំហំប្រហែល៣ម៉ែត្របួនជ្រុង នៅក្នុងភូមិជីរោទ៏លើ ឃុំជីរោទ៏ទី១ ស្រុកត្បូងឃ្មុំ បានទទួលអំណោយកាកបាកទក្រហមកាលពីព្រឹកថ្ងៃទី២៨ ខែមិថុនា ឆ្នាំ២០១៧ ក្រោមការចង្អុលបង្ហាញពីលោក លី ឡេង អភិបាលនៃគណៈអភិបាលខេត្ត និងជាប្រធានកិត្តិយសសាខាកាកបាទក្រហមខេត្តបានចាត់ឲ្យមន្ត្រីរបស់ខ្លួនចុះបំចេញការងារមនុស្សធម៌នេះ ។
លោក រស់ សុខន នាយកស្តីទីសាខាកាកបាទក្រហមកម្ពុជាខេត្តបានប្រាប់ឲ្យដឹងថា ក្រោយពីទទួលបាននូវព័ត៌មានថា មានដូនចាស់ក្រីក្រម្នាក់ខាងលើរស់នៅតែម្នាក់ឯងនៅលើផ្ទះតូចចង្អៀតធ្វើពីឫស្សី ប្រក់ស័ង្កសីនោះត្រូវបានលោកអភិបាលខេត្តបានចាត់ឲ្យចុះទៅពិនិត្យបន្ទាន់ក៏បានឃើញពិតមែនដូចអ្វីដែលកាសែតកោះសន្តិភាពបានចុះផ្សាយ ក៏បានរៀបចំសម្ភារមួយចំនួនដើម្បីត្រៀមផ្តល់ជូនគាត់ ។
លោកបន្តថា មកដល់ព្រឹកថ្ងៃទី២៨ ខែមិថុនា អនុសាខាកាកបាទក្រហមស្រុកត្បូងឃ្មុំ ដែលបានដឹកនាំដោយកញ្ញា ឃាង មករា ប្រធានអនុសាខាស្រុករួមនឹងសហការីបានចុះទៅសួរសុខទុក្ខ និងនាំយកអំណោយមនុស្សធម៌ ទៅជូនដល់ដូនចាស់ឈ្មោះ អូង យឹម ដែលកំពុងតែជួបការលំបាកក្នុងជីវភាពនៃការរស់នៅប្រចាំថ្ងៃនោះ ។ ជាមួយនោះបានលើកឡើងពីការយកចិត្តទុកដាក់របស់កាកបាទក្រហមពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែនប្រធានកាកបាទក្រហមកម្ពុជាតែងតែផ្តល់អនុសាសន៏ល្អៗឲ្យមន្ត្រីកាកកាទក្រហមតាមបណ្តាខេត្ត-ស្រុកត្រូវតែយកចិត្តទុក្ខដាក់មើលប្រជាពលរដ្ឋក្រីក្រពោលគឺ «ទីណាមានការលំបាកទីនោះមានកាកបាកក្រហម» សម្រាប់អំណោយដែលផ្តល់ជូននោះរួមមានដូចជា ថវិការចំនួន១០ម៉ឺនរៀល, អង្ករ៥០គីឡូក្រាម, ទឹកត្រី១យួរ, ទឹកស៊ីអ៊ីវ១យួរ, ប្រេងឆា១លីត្រ, ត្រីខ១០កំប៉ុង, ស្កស១គីឡូក្រាម និងអំបិល១គីឡូក្រាមផងដែរ ។ សូមបញ្ជាក់ថា ដូនចាស់រូបនេះគាត់ពិការភ្នែកម្ខាង ហើយម្ខាងទៀតមើលឃើញព្រិលៗមិនច្បាស់នោះទេ ហើយការរស់នៅមកដល់សព្វថ្ងៃនេះគឺបានពលរដ្ឋក្បែរខាងជួយដាក់ទានឲ្យតែប៉ុណ្ណោះ ៕
ចែករំលែកព័តមាននេះ