រាជធានីភ្នំពេញ ៖ បន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីបានស្នើដល់សមាជិកសភាគណបក្សប្រជាជនកម្ពុជាឱ្យពិនិត្យធ្វើវិសោនកម្មច្បាប់ ស្តីពីគណបក្សនយោបាយ ដើម្បីកុំចាត់លោកសម រង្ស៊ី អតីតមេបក្សប្រឆាំងកំពុងតែនិរទ្ទសខ្លួននៅក្រៅ
រាជធានីភ្នំពេញ ៖ បន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីបានស្នើដល់សមាជិកសភាគណបក្សប្រជាជនកម្ពុជាឱ្យពិនិត្យធ្វើវិសោនកម្មច្បាប់ ស្តីពីគណបក្សនយោបាយ ដើម្បីកុំចាត់លោកសម រង្ស៊ី អតីតមេបក្សប្រឆាំងកំពុងតែនិរទ្ទសខ្លួននៅក្រៅប្រទេស ដែលតែងតែនៅពីក្រោយគណបក្សប្រឆាំងនោះ មន្ត្រីជាន់ខ្ពស់គណបក្សកាន់អំណាចបាននិយាយថា វាមានអនុភាពតាមច្បាប់រដ្ឋធម្មនុញ្ញ ក្នុងការសើរើច្បាប់នេះបាន ។
លោកសុខ ឥសាន អ្នកនាំពាក្យគណបក្សប្រជាជនកម្ពុជា បានឱ្យដឹងនៅថ្ងៃទី២៩ មិថុនា នេះថា ការធ្វើវិសោធនកម្មច្បាប់មួយ បាន យោងតាមតាមច្បាប់គ្រាន់តែត្រូវការអ្នកតំណាងរាស្ត្រចំនួន៣០រូប ស្នើទៅប្រធានរដ្ឋសភាគឺស្របតាមច្បាប់រដ្ឋធម្មនុញ្ញហើយ។
លោកបានបញ្ជាក់ថា ៖ «ការធ្វើវិសោធនកម្មច្បាប់ យោងតាមមាត្រា១៥៣ថ្មី (ពីរមាត្រា១៥១ថ្មី) ជំពូកទី១៦ថ្មី (ពីរ) ស្តីពីអានុភាព ការសើរើ និងវិសោធនកម្មរដ្ឋធម្មនុញ្ញចែងថា ការផ្តើមគំនិតសើរើ ឬការផ្តើមគំនិតធ្វើវិសោធនកម្មរដ្ឋធម្មនុញ្ញ ជាសិទ្ធិរបស់ព្រះមហាក្សត្រ របស់នាយករដ្ឋមន្ត្រី និងរបស់ប្រធានរដ្ឋសភា តាមសេចក្តីស្នើរបស់តំណាងរាស្ត្រមួយភាគបួននៃចំនួនសមាជិករដ្ឋសភាទាំងមូល ។ ចំណែកការធ្វើសោធនកម្មច្បាប់ធម្មតា ក៏ត្រូវមានតំណាងរាស្ត្រហត្ថលេខី យ៉ាងតិច ៣០ រូបដែរ» ។
សម្តេចហ៊ុន សែន ថ្លែងក្នុងពិធីរំលឹកខួបអនុស្សាវរីយ៍៦៦ឆ្នាំ នៃការបង្កើតគណបក្សប្រជាជនកម្ពុជាថ្ងៃទី ២៨ មិថុនាថាចឲ្យកែប្រែបន្ថែមទៀត ទៅលើច្បាប់ស្តីពីគណបក្សនយោបាយ។សម្តេចបានថ្លែងថា៖ «យើងត្រូវធ្វើវិសោធនកម្មច្បាប់បន្ថែមទៀត អំពី[ច្បាប់]បក្សនយោបាយដែលមុននេះមិនតម្រូវឲ្យអ្នកទោសទទួលតួនាទីជាមួយនឹងឋានៈណាមួយនៅក្នុងគណៈនាយក ឬប្រធានបក្សនោះទេ។ ប៉ុន្តែឥឡូវនេះ ការចេញមុខរបស់មនុស្សដែលគ្មានការអៀនខ្មាស តើចំណោទខាងផ្លូវច្បាប់វាយ៉ាងម៉េច? អ្នកទោសវាតែងបាត់បង់សិទ្ធិបោះឆ្នោតហេតុអ្វីអ្នកទោសបែរក្លាយទៅជាអ្នកដែលបង្កសង្គ្រាមឥតចេះឈប់?»។
លោក សុខ ឥសាន បានបញ្ជាក់ថា ប្រសាសន៏របស់សម្តេចតេជោធ្វើឡើងក្នុងនាមនាយករដ្ឋមន្ត្រីណែនាំឲ្យពិនិត្យលទ្ធភាពធ្វើវិសោធនកម្មច្បាប់ គឺជាសិទ្ធិស្របតាមច្បាប់ដែលមានចែងក្នុងរដ្ឋធម្មនុញ្ញនៃព្រះរាជាណាចក្រកម្ពុជា។ លោកបានបន្ថែមថាការធ្វើវិសោធនកម្មច្បាប់មួយផ្អែកលើកបណ្តាបញ្ហដែលធ្វើឲ្យប៉ះពាល់ដល់បរិយាកាសនយោបាយ និងប៉ះពាល់ដល់សន្តិសុខជាតិព្រមទាំងបណ្តាបញ្ហាដែលយល់ឃើញថាប៉ះពាល់ដល់ផលប្រយោជន៍សាធារណៈជាតិ ចាំបាច់ត្រូវពិនិត្យធ្វើការកែសម្រួល។
ជាមួយគ្នានោះដែរ លោកសុខ ឥសានបានផ្តាំផ្ញើរថា៖ «សូមអស់លោកដែលចូលចិត្តធ្វើឲ្យខាតបង់ផលប្រយោជន៏ជាតិនិងប្រជាជន ត្រូវពិនិត្យខ្លួនឯងឲ្យបានច្បាស់លាស់មុននឹងធ្វើអ្វីមួយ ជៀសវាងស្តាយក្រោយ កុំអាងសេរីភាពដាច់បង្ហៀរនិងសិទ្ធិមនុស្សឲ្យសោះ» ។
ទោះបីមានការស្នើសុំឲ្យមានពិនិត្យវិសោធនម្មច្បាប់ស្តីពីគណបក្សនយោបាយឡើងវិញរបស់ប្រមុខរាជរដ្ឋាភិបាលយ៉ាងណាក្តីគណបក្សប្រឆាំងហាក់បីដូចជាមិនចាប់អារម្មន៍នោះទេ។ ប៉ុន្តែចង់ឲ្យមានច្បាប់មួយដើម្បីបង្រួបបង្រួមមេដឹកនាំខ្មែរវិញ ។ យ៉ាងណាក្តីមន្ត្រីអ្នកនាំពាក្យគណបក្សសង្គ្រោះជាតិកោះសន្តិភាពមិនអាចសុំធ្វើការអត្ថាធិប្បាយបានទេ ដោយទូរស័ព្ទគ្មានអ្នកទទួលតែ បើទទួលប្រាប់ថា ជំនួយការ ។
លោក អេង ឆៃអ៊ាង អនុប្រធានគណបក្សសង្គ្រោះជាតិ ត្រូវបានវិទ្យុអាស៊ីស្រង់សំដីផ្សាយថាមានប្រសាសន៍ថាសម្តេចតេជោ ហ៊ុន សែន ត្រូវតែធ្វើច្បាប់ដើម្បីឲ្យមេដឹកនាំខ្មែរមានការបង្រួបបង្រួមជាតិវិញ «ប្រសើរជាងគ្រាន់តែចង់ធ្វើច្បាប់ដើម្បីកម្ចាត់គ្នា ដោយគ្រាន់តែខ្លាចឥទ្ធិពលលោក សម រង្ស៊ី បែបនេះ»។
លោកបានបញ្ជាក់ថា៖ «ជីវិតនយោបាយរបស់លោក សម រង្ស៊ី មិនមែនអាស្រ័យលើច្បាប់របៀបនេះទេ អាស្រ័យលើប្រជាពលរដ្ឋទេ ប្រជាប្រិយភាពរបស់គាត់នោះ ទោះបីជាធ្វើច្បាប់រារាំង ក៏មិនអាចហាមឃាត់លោក សម រង្ស៊ី ពាក់ព័ន្ធនឹងរឿងនយោបាយបានដែរ» ៕
ចែករំលែកព័តមាននេះ