ទម្លាប់ធ្វើឱ្យការទល់លាមកកាន់តែអាក្រក់
តើអ្នកដឹងទេថាបញ្ហាទល់លាមកគឺជាលទ្ធផលនៃរបៀបដែលអ្នកថែរក្សារាងកាយរបស់អ្នកដែរឬទេ ?
ខាងក្រោមនេះគឺជាទម្លាប់នៃរបៀបរស់នៅដែលអាចធ្វើឱ្យបញ្ហាទល់លាមករបស់អ្នកកាន់តែអាក្រក់ ៖
តើអ្នកដឹងទេថាបញ្ហាទល់លាមកគឺជាលទ្ធផលនៃរបៀបដែលអ្នកថែរក្សារាងកាយរបស់អ្នកដែរឬទេ ?
ខាងក្រោមនេះគឺជាទម្លាប់នៃរបៀបរស់នៅដែលអាចធ្វើឱ្យបញ្ហាទល់លាមករបស់អ្នកកាន់តែអាក្រក់ ៖
១-បរិភោគអាហារមិនទៀងទាត់
ប្រសិនបើអ្នកមិនបរិភោគអាហារឲ្យទាន់ពេលវេលា និងតែងតែបរិភោគអ្វីដែលអ្នកអាចរកបាន ភ្លាមៗដោយមិនបានគិតពីផលប៉ះពាល់របស់អាហារទាំងនោះ នោះអ្នកនឹងខកខានមិនបានផ្តល់សារធាតុចិញ្ចឹមដល់រាងកាយរបស់អ្នកដោយការមិនបរិភោគរបបអាហារមានតុល្យភាព និងអាស្រ័យលើម្ហូបអាហារគ្មានសារធាតុចិញ្ចឹមដើម្បីបំពេញភាពឃ្លានរបស់អ្នក។ អាហារគ្មានសារធាតុចិញ្ចឹមសម្បូរទៅដោយកាបូអ៊ីដ្រាត និងជាតិខ្លាញ់ដែលប៉ះពាល់ដល់លាមក។ ដូច្នេះប្រសិនបើអ្នកចូលចិត្តអាហារគ្មានសារធាតុចិញ្ចឹម នោះបញ្ហាទល់លាមកគឺចៀសមិនរួចទេ ។
២-ជាតិកាហ្វេអីុនច្រើនពេក
ប្រសិនបើអ្នកទទួលទានកាហ្វេ ឬតែ១ ទៅ២ ពែងនៅពេលព្រឹកដើម្បីធ្វើឲ្យចលនាពោះវៀនរបស់អ្នកមានដំណើការល្អ ។ ប៉ុន្តែប្រសិនបើអ្នកទទួលទានជាតិកាហ្វេអ៊ីនច្រើនពេកនៅក្នុងតែ កាហ្វេ ភេសជ្ជៈមានជាតិហ្គាស ពួកវាគឺជាថ្នាំបញ្ចុះទឹកនោមដែលធ្វើឱ្យអ្នកខ្សោះជាតិទឹក ។ កង្វះជាតិទឹកអាចធ្វើឱ្យអ្នកមានបញ្ហាទល់លាមកដោយសារការខ្វះទឹកក្នុងរាងកាយ វានឹងធ្វើឲ្យប្រែប្រួលទម្រង់របស់លាមកដែលធ្វើឱ្យវាមានការលំបាកក្នុងការបញ្ចេញចោល ។
៣-ទទួលទានជាតិសរសៃមិនត្រឹមត្រូវតាមពេលវេលា
កំហុសធ្ងន់បំផុតដើម្បីដោះស្រាយបញ្ហាទល់លាមកគឺការបរិភោគជាតិសរសៃ ។ ចូរចាំថាជាតិសរសៃត្រូវបានគេប្រើដើម្បីទប់ស្កាត់បញ្ហាទល់លាមក និងមិនមែនសម្រាប់ព្យាបាលវាទេ ។ នៅពេលដែលអ្នកមានបញ្ហាទល់លាមក អ្នកគួរតែរកវិធីដើម្បីបញ្ចេញកាកសំណល់ទាំងនេះ និងលាងសម្អាតប្រព័ន្ធអាហាររបស់អ្នក។ ការបន្ថែមជាតិសរសៃកាន់តែច្រើនទៅក្នុងរបបអាហារនៅពេលនេះនឹងធ្វើឱ្យលាមកឡើងរឹង និងធ្វើឲ្យការទល់លាមកកាន់តែអាក្រក់ ។
៤-រស់នៅខ្វះសកម្មភាព
កង្វះនៃការធ្វើលំហាត់ប្រាណជាហេតុផលមួយផ្សេងទៀតដែលធ្វើឲ្យបញ្ហាទល់លាមករបស់អ្នកកាន់តែអាក្រក់ ។ ជីវិតដែលស្រណុកសុខស្រួលពេកនាំឲ្យមានទម្លាប់អាក្រក់ជាច្រើនដូចជាការបរិភោគហួស និងខុសពេលពេលវេលា បរិភោគអាហារគ្មានសារធាតុចិញ្ចឹមដោយសារពួកវាជាអាហារងាយស្រួលក្នុងការទិញ តែវាមានកាឡូរី និងកាបូអុីដ្រាតច្រើន ការទទួលទានជាតិកាហ្វេអុីន គេងមិនគ្រប់គ្រាន់ ទាំងអស់នេះសុទ្ធតែអាចប៉ះពាល់ដល់ស្ថានភាពរបស់លាមក៕
ចែករំលែកព័តមាននេះ