រាជធានីភ្នំពេញ ៖ បុរសម្នាក់បានយកកូនកាំបិតចុងស្រួចចិតបន្លែ មកអា.បំពង់កខ្លួនឯង បណ្តាលឲ្យហូរឈាមបាញ់ឆ្វាច ហូរដូចទឹក ដោយមិនដឹងមូលហេតុ បង្កឲ្យមានការភ្ញាក់ផ្អើលខ្លាំង កាលពីវេលាម៉ោង១៦និង៣០នាទីល្ងាច ថ្ងៃទី២៨ ខែមិថុនា ឆ្នាំ២០១៧ នៅក្នុងវត្តនិរោធ ស្ថិតក្នុងសង្កាត់និរោធ ខណ្ឌច្បារអំពៅ ។
បុរសរងគ្រោះខាងលើមានឈ្មោះ ខុន សាំងហេង ភេទប្រុស អាយុ៣៣ឆ្នាំ មានស្រុកកំណើត ភូមិត្រើយត្រឹង ឃុំព្រែកអំបិល ស្រុកស្អាង ខេត្តកណ្តាល ។ ប្រភពព័ត៌ឲ្យដឹងថា បុរសខាងលើ គ្មានមុខរបរ និងគ្មានទីលំនៅនោះទេ រូបគេតែងតែឧស្សាហ៍ចេញចូលលេងក្នុងបរិវេណវត្តនិរោធជារឿយៗ មានពេលខ្លះក៏ធ្លាប់យកចេតិយជាកន្លែងសម្រាកផងដែរ ។ រហូតមកទល់នឹងវេលាខាងលើ មិនដឹងមូលហេតុអ្វី ស្រាប់តែគេយកកូនកាំបិតចិតបន្លែងចុងស្រួចមកអា.ផ្តាច់បំពង់កខ្លួនឯង បណ្តាលឲ្យហូរឈាមស្រោចដូចទឹក បង្កឲ្យមានការភ្ញាក់ផ្អើលដល់បងប្អូនប្រជាពលរដ្ឋ រួមទាំងលោកសង្ឃក្នុងវត្តផ្អើលឈូឆរនាំគ្នាចោមរោមមើល និងជួយទំនាក់ទំនង ហៅរថយន្តសង្គ្រោះ ឲ្យមកទទួលយករូបគេទៅសង្គ្រោះនៅមន្ទីរពេទ្យកាល់ម៉ែត ភ្លាមៗ ។
ជុំវិញករណីខាងលើ សមត្ថកិច្ចសន្និដ្ឋានថា បុរសខាងលើ អាចជាបែកថ្នាំច្រើនជាង បើតាមការ សាកសួរនាំ និងប្រមូលព័ត៌មានរួចមក ព្រោះបច្ចុប្បន្នរូបគេពុំមានមុខរបរអ្វីប្រាកដ ម្យ៉ាងទៀតពលរដ្ឋក្បែរខាង ឧស្សាហ៍សង្កេតឃើញបុគ្គលរូបនេះ សេពគ្រឿងញៀនផងដែរ ។ យ៉ាងណាមិញ គិតមកត្រឹមវេលាព្រឹក ថ្ងៃទី២៩ ខែមិថុនា ឆ្នាំ២០១៧ នេះ បុរសខាងលើកំពុងស្ថិតក្នងការសង្គ្រោះបន្ទាន់ នៅមន្ទីរពេទ្យកាល់ម៉ែត ដោយសាររបួសមានសភាពធ្ងន់ធ្ងរ និងបាត់បង់ឈាមច្រើន ៕
ចែករំលែកព័តមាននេះ