ខេត្តស្ទឹងត្រែង ៖ ស្ពានដែកបេឡេចម្ងាយ២៥២ម៉ែត្រ និងទទឹង៤កន្លះ ស្ថិតនៅទន្លេស្រែពក ភូមិច្រប់ ឃុំក្បាលរមាស ស្រុកសេសាន និងត្រូវកាត់ផ្តាច់ ដោយការរុះរើពីកម្លាំងមធ្យោបាយនៃមន្ទីរសាធារណការ និងដឹកជញ្ជូនខេត្តក្នុងកំឡុង៤ថ្ងៃទៀត គឺថ្ងៃទី២ កក្កដា ខាងមុខនេះ ។
មុនការរុះរើកាត់ផ្តាច់ស្ពានដែកបេឡេខាងលើនេះ រដ្ឋបាលខេត្តស្ទឹងត្រែងបានជ្រាបជូនលោកប្រធានមន្ទីរសាធារណការ និងដឹកជញ្ជូនកាលពីថ្ងៃទី២០ មិថុនា ដោយជម្រាបថា ចាប់ពីថ្ងៃទី១៥ ខែកក្តដា ២០១៧ ខាងមុខក្រុមហ៊ុនវារីអគ្គិសនីសេសានក្រោម២ (HLSS2) នឹងចាប់ផ្តើមបិទទំនប់ ដើម្បីសាកល្បងប្រព័ន្ធដំណើរការទំនប់វារីអគ្គិសនីសេសានក្រោម២ ដែលជាផែនការបន្ទាន់សំរាប់ឈានទៅបិទទំនប់ជាអចិន្ត្រៃយ៍ក្នុងខែកញ្ញាខាងមុខនេះ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
ទន្ទឹមការជូនដំណឹងខាងលើ មន្ត្រីនៃមន្ទីរសាធារណការ និងដឹកជញ្ជូនខេត្ត ត្រៀមកម្លាំងដើម្បីអនុវត្តការងាររុះរើជាស្រេច ដោយពន្យាពេលរយៈពេល៤ថ្ងៃ និងត្រូវអនុវត្តជាក់ស្តែង។ ជាមួយគ្នានេះដែលនៅព្រឹកថ្ងៃទី២៨ មិថុនា ២០១៧ មានប្រជាពលរដ្ឋប្រមាណជាង៥០នាក់ បានចុះតវ៉ាមិនឱ្យមានរុះរើកាត់ផ្តាត់ស្ពានដែកនោះឡើយ តែទោះយ៉ាងមិញអភិបាលរងខេត្តម្នាក់ចុះទៅធ្វើការសម្របសម្រួល និងលើកមូលហេតុដល់ប្រជាពលរដ្ឋទាំងផងដែរ។
ចែករំលែកព័តមាននេះ