ខេត្តបាត់ដំបង ៖ សេចក្តីរាយការណ៍ឱ្យដឹងថា មានការភ្ញាក់ផ្អើលបន្ទាប់ពីពលរដ្ឋបានប្រទះឃើញសាកសពបុរសម្នាក់ សង្ស័យលង់ទឹកស្រះស្លាប់ កើតឡើងកាលពីវេលាម៉ោង១២ និង៤០នាទីថ្ងៃត្រង់ថ្ងៃទី២៨ មិថុនា ស្ថិតនៅចំណុចស្រះទឹក ក្នុងភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង ។
ប្រភពពីអាវុធហត្ថថា ជនរងគ្រោះឈ្មោះរី សារិ ហៅអួក អាយុ៤២ឆ្នាំ (ជាមនុស្សញៀនស្រាម្នាក់) មានទីលំនៅក្នុងក្រុមទី៣១ ភូមិប៉ោយយង់ ឃុំតាពូង ស្រុកថ្មគោល ខេត្តបាត់ដំបង ។
គួរបញ្ជាក់ថា ជនរងគ្រោះរូបនេះបានបាត់ខ្លួនតាំងពីថ្ងៃទី២៧ មិថុនា ដោយក្រុមគ្រួសារបានតាមរកដែរ ប៉ុន្តែរកមិនឃើញនោះទេ ។ លុះនៅវេលាកើតហតុ ស្រាប់តែមានពលរដ្ឋបានប្រទះឃើញសាកសពគាត់តែម្តង ស្ថិតស្រះទឹកខាងត្បួងផ្ទះចម្ងាយ១៥ម៉ែត្ររបស់ឈ្មោះថាប់ ឃៀត ។
ទោះបីជាយ៉ាងណា ខាងកម្លាំងជំនាញជំនាញអធិការស្រុកថ្មគោល បានធ្វើកោសល្យវិច័យ លើសាកសពរួចទើបប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី ។
ចែករំលែកព័តមាននេះ