អាហ្វ្រិកខាងត្បូង ៖ ប្រជាជន និងកសិករប្រមាណ៤ពាន់អ្នកក្នុងតំបន់ Lady Frere ក្នុងខេត្ត Eastern Cape នៃប្រទេសអាហ្វ្រិកខាងត្បូង បានរស់នៅដោយមានភាពភ័យខ្លាច បន្ទាប់ពីសត្វចៀមមួយក្បាលផ្តល់កំណើតដល់
អាហ្វ្រិកខាងត្បូង ៖ ប្រជាជន និងកសិករប្រមាណ៤ពាន់អ្នកក្នុងតំបន់ Lady Frere ក្នុងខេត្ត Eastern Cape នៃប្រទេសអាហ្វ្រិកខាងត្បូង បានរស់នៅដោយមានភាពភ័យខ្លាច បន្ទាប់ពីសត្វចៀមមួយក្បាលផ្តល់កំណើតដល់កូនដែលពាក់កណ្តាលជាមនុស្ស និងពាក់កណ្តាលជាសត្វ ព្រោះគិតថា ជាសត្វចម្លែកដែលត្រូវបានបញ្ជូនមកដោយបិសាច។
ការភ័យខ្លាចមានការរង្គោះរង្គើរយ៉ាងខ្លាំងដែលធ្វើឲ្យនាយកដ្ឋានអភិវឌ្ឍន៍ជនបទរបស់ខេត្ត Eastern Cape បញ្ជូនអ្នកជំនាញទៅធ្វើតេស្ត បន្ទាប់ពីរូបភាពសត្វចម្លែកត្រូវបានផ្ញើតគ្នាយ៉ាងល្បីល្បាញក្នុងសហគមនោះ។
វេជ្ជបណ្ឌិត Lubabalo Mrwebi ដែលជាប្រធាននាយកនៃសេវាកម្មពេទ្យសត្វបានទទួលស្គាល់ថា ពេលដែលក្រឡេកភ្នែកមើលដំបូង សត្វចៀមដែលបានកើតមកស្លាប់ភ្លាមនេះ មានរូបរាងស្រដៀងទៅនឹងមនុស្ស ប៉ុន្តែមិនមែនជាមនុស្សទេ។
លោកបាននិយាយថា «ពួកយើងអាចបញ្ជាក់ថា នេះមិនមែនជារូបភាពក្លែងក្លាយទេ ហើយសត្វចៀមដែលមានរូបរាងខុសប្លែកនេះ ត្រូវបានចាប់កំណើតពីសត្វជៀមមួយក្នុងតំបន់ Lady Frere ក្នុងសប្តាហ៍នេះ។ ប៉ុន្តែវាមិនមែនជាមនុស្សទេ វាគឺជាសត្វចៀមដែលមានរូបរាងចម្លែក ព្រោះតែមេរបស់វាមានជំងឺពេលក្នុងកំឡុងពេលមានគភ៌។ គួរធ្វើការកត់សម្គាល់ថា សត្វចៀមមួយក្បាលមានក្រូម៉ូសូមចំនួន ២៨គូ ខណៈដែលមនុស្សមាន ២៣គូ មានន័យថា មនុស្ស និងសត្វចៀមមិនអាចបង្កាត់ពូជបានជាជីវិតមួយបានទេ»។
លោកបានបន្តថា ដំណើរមានគភ៌របស់សត្វចៀម គឺ៥ខែ ហើយនេះមានន័យថា ចៀមនោះចាប់ផ្តើមមានគភ៌ក្នុងចុងខែធ្នូ នាឆ្នាំ២០១៦ ឬដើមខែមករាឆ្នាំ ២០១៧។
លោកបានបញ្ជាក់ថា វាជាពេលដែលមានភ្លៀងធ្លាក់ច្រើនដែលបង្កឲ្យមានសត្វមូស និងសត្វសុចនាំយកវីរុសដែលបង្កឲ្យសត្វចៀមមានជំងឺ។
មន្ត្រីផ្នែកពេទ្យសត្វរបស់នាយកដ្ឋានខាងលើ គឺកំពុងតែធ្វើកោសលវិច្ច័យលើសត្វចៀមនោះ ហើយលទ្ធផលនឹងត្រូវបានប្រកាសទៅកាន់សាធារណៈដែលមានភាពភ័យខ្លាចក្នុងតំបន់ដាច់ស្រយាលទាំងនោះ។
អ្នកភូមិម្នាក់ធ្លាប់បាននិយាយថា «ពេលដែលមនុស្សចាស់ឃើញវា ពួកគេបាននិយាយថាវាត្រូវបានបញ្ជូនពីបិសាច និងត្រូវបានចាប់កំណើត បន្ទាប់ពីមានការរួមរ័ករវាងបុរសម្នាក់ និងសត្វចៀមមួយក្បាល ហើយក៏មានការភ័យខ្លាចទៅ។ មានមនុស្សជាច្រើនភ័យខ្លាច ហើយនឹងមិនសុខចិត្តទេ លុះត្រាវាត្រូវបានដុតចោល»។
ចែករំលែកព័តមាននេះ