សហរដ្ឋអាមេរិក ៖ ក្នុងបទសម្ភាសន៍មួយនាពេលថ្មីៗនេះថតដោយកាមេរ៉ា ដែលគេលាក់មួយ ផលិតករកម្មវិធីទូរទស្សន៍អាមេរិក CNN ម្នាក់ លោក JOHN BONIFIELD បានទទួលស្គាល់ថា រឿងដែលទូរទស្សន៍នេះលើកពីទំនាក់ទំនងរវាងលោកដូណាល់ ត្រាំ និងរុស្ស៊ី និងរបស់ហៅថា ការជ្រៀតជ្រែករបស់រុស្ស៊ីក្នុងការបោះឆ្នោតប្រធានាធិបតីអាេមរិកគ្រាន់តែជាការផ្សាយតាមការប្រឌិតប៉ុណ្ណោះ ។
ក្នុងវីដេអូមួយចេញផ្សាយដោយអង្គការមិនគិតប្រយោជន៍ខ្លួនមួយ លោក JOHN BONIFIELD អះអាងថា ខ្ញុំចង់និយាយថា នេះជារឿងប្រឌិត ព្រោះយើងពុំមានភស្តុតាងជាក់ស្តែងនានាឡើយ ។
អ្នកទទួលខុសត្រូវរបស់ CNN រូបនេះបន្តថា ទោះបីជារុស្ស៊ីប៉ុនប៉ងជ្រៀតជ្រែកចូលក្នុងការបោះឆ្នោតក្តី នោះយើងវិញ ក៏សាកល្បងជ្រៀតជ្រែកចូលក្នុងការបោះឆ្នោតរុស្ស៊ីដែរ ហើយភ្នាក់ងារ CIA របស់យើងក៏ធ្វើអញ្ចឹងដែរគ្រប់លើក ព្រោះយើងចង់បង្កាច់បង្ខូចបណ្តារដ្ឋាភិបាល ។ លោកក៏អះអាងដែរពីការសង្ស័យនានា ដែលបុគ្គលិករបស់ CNN ជាអ្នកប្រឆាំងខាងនយោបាយចំពោះប្រធានាធិបតីលោកត្រាំ ។ លោកថា ខ្ញុំដឹង ដែលមនុស្សជាច្រើននៅ CNN ពុំស្រឡាញ់លោកត្រាំ ហើយចង់ឱ្យមានការវាយប្រហារលោក ៕
ចែករំលែកព័តមាននេះ