រាជធានីភ្នំពេញ ៖ បុរសម្នាក់ជាអ្នករៀនសូត្រ រហូតដល់ថ្នាក់អនុបណ្ឌិត និងមានជំងឺសរសៃប្រសាទ ក៏បានចង.ក នឹងខ្សែអង្រឹង សម្លាប់ខ្លួននៅក្នុងបន្ទប់ផ្ទះជួល ។ ការធ្វើអត្តឃាតបង្កឲ្យមានការភ្ញាក់ផ្អើល កាលពីវេលាម៉ោង០៩ព្រឹក ថ្ងៃទី២៨ ខែមិថុនា ឆ្នាំ២០១៧ នៅបន្ទប់ជួល ក្នុងភូមិដីថ្មី សង្កាត់ភ្នំពេញថ្មី ខណ្ឌសែនសុខ ។
បុរសដែលគិតខ្លីឈ្មោះ ខឹម ឈរចន្ទ្រា អាយុ៣៧ឆ្នាំ ស្នាក់នៅបន្ទប់ជួល កន្លែងកើតហេតុខាងលើ និងមានស្រុកកំណើត ភូមិទឹកថ្លា ឃុំទឹកថ្លា ស្រុកសេរីសោភ័ណ្ឌ ខេត្តបន្ទាយមានជ័យ ។ តាមស្ត្រីឈ្មោះ ផា ពៅ អាយុ៣៧ឆ្នាំ ជាអ្នកអ៊ុតសក់ត្រូវជាប្អូនថ្លៃសព បានឲ្យដឹងថា នៅព្រឹកថ្ងៃកើតហេតុ មិនឃើញបងថ្លៃ មកឌុបកូនរបស់គាត់ទៅសាលាដូចសព្វដង ក៏ដើរទៅគោះទ្វារហៅមិនឮអ្នកឆ្លើយ ហើយទូរស័ព្ទក៏មិនចូល ក៏បានហៅអ្នកជិតខាង ជួយគាស់បង្អួចកញ្ចក់ បន្ទប់មើលស្រាប់តែឃើញបងថ្លៃចង.ក សម្លាប់បាត់ទៅហើយ ។ តាមក្រុមគ្រួសារ បានឲ្យដឹងថា បុរសដែលគិតខ្លី មានជំងឺសរសៃប្រសាទ ជាច្រើនឆ្នាំមកហើយតាំងពីត្រលប់មកពីរៀនថ្នាក់អនុបណ្ឌិតនៅប្រទេសបារាំង ។
តាមប្អូនប្រុសសព បានឲ្យដឹងថា ដោយសារតែបងប្រុសរៀនច្រើនពេក បណ្តាលឲ្យរលាក សរសៃខួរក្បាល និងលេបថ្នាំសរសៃប្រសាទជាប្រចាំ ដោយសារតែមិនចង់ឲ្យក្រុមគ្រួសារពិបាកចិត្ត ក៏បានសម្រេចចិត្តចង.ក សម្លាប់ខ្លួនតែម្តង ៕
ចែករំលែកព័តមាននេះ