ខេត្តបាត់ដំបង ៖ សេចក្ដីរាយការណ៍ឱ្យដឹងថា បុរសម្នាក់បានចង.កសម្លាប់ខ្លួនឯងលើដើមឈើស្លាប់ បង្កការភ្ញាក់ផ្អើលកាលពីវេលាម៉ោង១១ និង៣០នាទីព្រឹកថ្ងៃទី២៨ មិថុនា នេះ នៅលើដើមក្រខុបក្បែរក្នុងភូមិអន្លង់ស្ដី ឃុំបួរ ស្រុកភ្នំព្រឹក។
សេចក្តីរាយការណ៍បន្តថា ជនរងគ្រោះខាងលើ ឈ្មោះប៉ឹង សាក់ អាយុ៤២ឆ្នាំ មានទីលំនៅភូមិស្ពានទំនាប ឃុំបួរ ស្រុកភ្នំព្រឹក ។ ជនរងគ្រោះ បានយកខ្សែអង្រឹងឡើងទៅចង.កខ្លួនឯងនៅលើដើមក្រខុបនោះ ដោយគ្រប់គ្នាមិនដឹងមូលហេតុឡើយ ប៉ុន្តែបើតាមសាច់ញាតិបាននិយាយប្រាប់សមត្ថកិច្ចថា ជនរងគ្រោះទំនងពិបាកចិត្តរឿងខ្លួនមានជំងឺរ៉ាំរ៉ៃ ព្រោះពេលខ្លះជំងឺនេះ ធ្វើទុក្ខដួចកើតរោគសរសៃប្រសាទទៀតផង ប្រហែលដូច្នេះហើយ ទើបគាត់សម្រេចបញ្ចប់ជីវិតខ្លូនឯងបែបនេះ ។
ទោះបីជាយ៉ាងណា សមត្ថកិច្ចបានចុះទៅពិនិត្យសាកសព និងធ្វើកោសល្យវិច័យរួចរាល់ហើយប្រគល់ទៅក្រុមគ្រួសារធ្វើបុណ្យតាមប្រពៃណី ។
ចែករំលែកព័តមាននេះ