ខេត្តស្វាយរៀង ៖ ប្រជាពលរដ្ឋមានការភ្ញាក់ផ្អើលយ៉ាងខ្លាំង ដោយសារប្រទះឃើញសាកសពបុរសម្នាក់ វ័យ៨៤ឆ្នាំ ស្លាប់អណ្តែតទឹកទន្លេ និងសាកសពស្ត្រីម្នាក់ទៀត វ័យ៥២ឆ្នាំ ដេកស្លាប់នៅក្នុងទឹកកណ្តាលវាលស្រែ សង្ស័យជាអំពើឃាត្តកម្ម កាលពីល្ងាច ថ្ងៃទី២៧ ខែមិថុនា ឆ្នាំ២០១៧ ។
បើតាមប្រជាពលរដ្ឋបានឲ្យដឹងថា សពបុរសវ័យ៨៤ឆ្នាំ អណ្តែតទឹកមានឈ្មោះ រស់ ឆូយ មានទីលំនៅភូមិព្រែកត្នោត ឃុំសំបួរ ស្រុករមាសហែក បានលង់ទឹកស្លាប់នៅក្នុងទឹកស្រះដៀរ ( បៀរ) ខាងលិចផ្ទះចម្ងាយ៤០០ម៉ែត្រ ។ បើតាមសមត្ថកិច្ចបានឲ្យដឹងថា ក្រោយពីរទទួលព័ត៌មានពីប្រជាពលរដ្ឋភ្លាម សមត្ថកិច្ចបានចុះទៅពិនិត្យដល់កន្លែងកើតហេតុ ឃើញថា ជនរងគ្រោះពិតជាបានស្លាប់ដោយលង់ទឹកប្រាកដមែន ។ ប្រភពដ៏ដែលបន្តទៀតថា ជនរងគ្រោះបានដើរវង្វេងបាត់ពីរផ្ទះតាំងពីម៉ោង៧និង០០ព្រឹក រហូតដល់ម៉ោង០៥និង១០នាទីល្ងាច ថ្ងៃទី២៧ ខែមិថុនា ២០១៧ ប្រជាពលរដ្ឋប្រទះឃើញស្លាប់អណ្តែតទឹកទៅហើយ ។
ឬឯសពស្ត្រីវ័យ៥២ឆ្នាំ ស្លាប់ក្នុងទឹកកណ្តាលវាលស្រែ ប្រទះឃើញនៅវេលាម៉ោង០៥និង០០ល្ងាច ថ្ងៃទី២៧ ខែមិថុនា ២០១៧ មានឈ្មោះ ម៉ៅ សាម៉ន មានទីលំនៅភូមិត្រពាំងប្រីយ៍ ឃុំអំពឹល ស្រុករមាសហែក បានមកដេកស្លាប់ក្នុងទឹកវាលស្រែនៅត្រង់ចំណុចរបងផ្ទះឈ្មោះ ជុំ សុខុម ភេទស្រី ស្ថិតនៅភូមិតាម៉ៅ ឃុំអំពឹល ស្រុករមាសហែក សង្ស័យជាអំពើឃាត្តកម្ម ។ ប្រភពដ៏ដែលបន្តទៀតថា ក្រោយពីបានទទួលព័ត៌មានកម្លាំងនគរបាលជំនាញបច្ចេកទេស និងគ្រូពេទ្យបានចុះទៅដល់កន្លែងកើតហេតុ និងពិនិត្យសាកសពរួច នគរបាលបច្ចេកទេស និងលោកគ្រូពេទ្យបានបញ្ជាក់ថា ឈ្មោះ ម៉ៅ សាម៉ន គឺខ្យល់គដួលស្លាប់ដោយខ្លួនឯង ដោយសារជនរងគ្រោះជាមនុស្សស្រវឹងស្រាខួប ។
បច្ចុប្បន្ន សាកសពជនរងគ្រោះទាំងពីរ សមត្ថកិច្ចបានធ្វើកំណត់ហេតុប្រគល់សាកសពឲ្យក្រុមគ្រួសារនៃសព ដើម្បីធ្វើបុណ្យតាមប្រពៃណី ៕
ចែករំលែកព័តមាននេះ