ខេត្តកណ្តាល ៖ បុរសម្នាក់មកពីចំការ រត់ទៅលេងបាល់ទះបានមួយប្រកួតស្រាប់តែទុនដៃទុនជើងដួលសន្លប់ស្តូកស្តឹងត្រូវបានក្រុមអ្នកលេងបាល់ជាមួយដឹកយកទៅសង្គ្រោះតែជាអកុសល់បានដាច់ខ្យល់ស្លា.ប់ក្រោយពេលបញ្ជូនទៅដល់មណ្ឌលសុខភាពឃុំកំពង់ស្វាយ
ខេត្តកណ្តាល ៖ បុរសម្នាក់មកពីចំការ រត់ទៅលេងបាល់ទះបានមួយប្រកួតស្រាប់តែទុនដៃទុនជើងដួលសន្លប់ស្តូកស្តឹងត្រូវបានក្រុមអ្នកលេងបាល់ជាមួយដឹកយកទៅសង្គ្រោះតែជាអកុសល់បានដាច់ខ្យល់ស្លាប់ក្រោយពេលបញ្ជូនទៅដល់មណ្ឌលសុខភាពឃុំកំពង់ស្វាយ កាលពីវេលាម៉ោង៤និង៣០នាទីល្ងាច ថ្ងៃទី២៧ ខែមិថុនា ឆ្នាំ២០១៧ ដែលករណីនេះសមត្ថកិច្ចបានធ្វើការសន្និដ្ធានថា ស្លាប់ដោយសារខ្យល់.គ ។
ជនរងគ្រោះឈ្មោះ ឈូក ធឿន ភេទប្រុស អាយុ៣៧ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកដូង២ ឃុំកំពង់ស្វាយ ស្រុកកៀនស្វាយ ខេត្តកណ្តាល រស់នៅជាមួយឪពុកឈ្មោះ តូ ឈូក អាយុ៦៩ឆ្នាំ ម្តាយឈ្មោះ គូ សុខណា អាយុ៦៥ឆ្នាំ ។ ប្រភពព័ត៌មានពីក្រុមគ្រួសារបានរៀបរាប់ប្រាប់ឲ្យដឹងថា មុនពេលកើតហេតុកូនគាត់(ជនរងគ្រោះ)មកពីចំការត្របែកហើយក៏បានទៅលេងបាល់ទះនៅចំណុចផ្ទះឈ្មោះ សំ ប៊ុន ភេទប្រុស មានទីលំនៅភូមិកំពង់ស្វាយ ឃុំកំពង់ស្វាយ ស្រុកកៀនស្វាយ ពេលលេងចប់មួយប្រកួតជនរងគ្រោះក៏ដើរមកអង្គុយខាងក្រៅតារាងបាល់បានមួយសន្ទុះ ស្រាប់តែមានអាការមិនស្រួលខ្លួនក៏ដួលសន្លប់ ។ ឃើញដូច្នេះអ្នកលេងបាល់ជាមួយនាំគ្នាដឹកយកទៅសង្គ្រោះនៅមណ្ឌលសុខភាពឃុំតែជាអកុសល់ជនរងគ្រោះបានដាច់ខ្យល់ស្លាប់ពេលទៅដល់ពេទ្យ ។
ក្រោយពីបានទទួលព័ត៌មានកម្លាំងជំនាញសហការជាមួយកម្លាំងនគរបាលប៉ុស្តិ៍រដ្ធបាល និងអាជ្ញាធរមូលដ្ឋាន គ្រូពេទ្យ ចូលរួមពិនិត្យធ្វើកោសល្យវិច្ច័យសាកសព ។ បន្ទាប់ពីពិនិត្យរួចសមត្ថកិច្ចបានសន្និដ្ធានថា ជនរងគ្រោះពិតជាស្លាប់ដោយសារខ្យល់.គប្រាកដមែន ។ ដោយមានការឯកភាពសពត្រូវសមត្ថកិច្ចធ្វើកំណត់ហេតុប្រគល់ជូនក្រុមគ្រួសារដើម្បីយកទៅធើ្វបុណ្យតាមប្រពៃណី ៕
ចែករំលែកព័តមាននេះ