ខេត្តក្រចេះ ៖ ស្ពានឈើវែងមួយ ដែលអាជ្ញាធរកំណត់ថា មិនមែនជាស្ពានយុទ្ឋសាស្ត្រ គឺសាងសង់សម្រាប់ជិះឆ្លងបណ្តោះអាសន្នទៅកាន់ឃុំកោះខ្ញែរ ស្រុកសំបូរ បានជួបហេតុការណ៍បាក់ស្រុតសារជាថ្មី ។ ដោយការបាក់ស្រុតស្ពានលើកនេះ ត្រូវបានពលរដ្ឋលើកឡើងថា មិនបណ្តាលមកពីពួកគាត់ជិះកង់ ឬម៉ូតូ និងបរទេះឆ្លងកាត់ធ្វើឲ្យបាក់ស្រុតនោះទេ គឺបណ្តាលមកពីរថយន្តធុនធ្ងន់ដឹកឈើ និងដឹកខ្សាច់ក្រួសជាដើម ។
ខេត្តក្រចេះ ៖ ស្ពានឈើវែងមួយ ដែលអាជ្ញាធរកំណត់ថា មិនមែនជាស្ពានយុទ្ឋសាស្ត្រ គឺសាងសង់សម្រាប់ជិះឆ្លងបណ្តោះអាសន្នទៅកាន់ឃុំកោះខ្ញែរ ស្រុកសំបូរ បានជួបហេតុការណ៍បាក់ស្រុតសារជាថ្មី ។ ដោយការបាក់ស្រុតស្ពានលើកនេះ ត្រូវបានពលរដ្ឋលើកឡើងថា មិនបណ្តាលមកពីពួកគាត់ជិះកង់ ឬម៉ូតូ និងបរទេះឆ្លងកាត់ធ្វើឲ្យបាក់ស្រុតនោះទេ គឺបណ្តាលមកពីរថយន្តធុនធ្ងន់ដឹកឈើ និងដឹកខ្សាច់ក្រួសជាដើម ។
យ៉ាងណាជាមួយ នឹងការបាក់ស្រុតស្ពានឈើ នៅលើផ្លូវលំតភ្ជាប់ពីផ្លូវជាតិ ចូលឃុំកោះខ្ញែរ ស្រុកសំបូរ សារជាថ្មីទៀត ជាលើកទីពីរកាលពីយប់ ថ្ងៃទី២៧ ខែមិថុនា ឆ្នាំ២០១៧ នេះ ក៏ត្រូវបានអាជ្ញាធរស្រុកសំបូរអះអាងថា ការបាក់ស្រុតស្ពានឈើនេះ មិនបានរាំងស្ទះដល់ការធ្វើ ដំណើររបស់ពលរដ្ឋនោះទេ ដោយសារតំបន់នោះមានផ្លូវវាង ។ ស្ពានឈើមានប្រវែងជិត១០មែត្រមួយកន្លែងនេះ ត្រូវពលរដ្ឋចាំបាច់ត្រូវធ្វើដំណើរជិះឆ្លងទៅមកប្រចាំថ្ងៃ ។ តែស្ពាននេះ ក៏រងការបាក់ស្រុតជាបន្តបន្ទាប់ដោយសារ ការដឹកលើសចំណុះរបស់ពួករថយន្តធុនធំ ។ ដោយកាលពីមួយខែមុន ស្ពាននេះបានរងការបាក់ស្រុតម្តង ដែលបំផ្លាញដោយសារតែរថយន្តដឹកឈើ និងដឹកខ្សាច់ ត្រូវបានអាជ្ញាធរឃុំជួលជុលឲ្យប្រើប្រាស់បានវិញ ។ ពលរដ្ឋបានលើកឡើងទៀតថា កាលពីយប់ថ្ងៃទី២៧ ខែមិថុនា នេះ ស្ពានឈើមួយនេះ បានជួបហេតុការណ៍បាក់ធ្ងន់ធ្ងរ បន្ទាប់ពីរងការដឹកសង្កត់ពីលើពីរថយន្តធុនធំ ដឹកឈើ និងក្រួសខ្សាច់ ក្នុងអំឡុងរយៈពេលប៉ុន្មានថ្ងៃចុងក្រោយជាប់ៗគ្នា ។ ពលរដ្ឋជាច្រើនរយគ្រួសាររស់នៅឃុំកោះខ្ញែរ ស្រុកសំបូរ បានអំពាវឲ្យអាជ្ញាធរទប់ស្កាត់ ការដឹកជញ្ជូនឈើរបស់ឈ្មួញនាំចេញពីតំបន់នោះ ព្រោះវាកំពុងតែបំផ្លាញទ្រព្យសម្បត្តិក្នុងឃុំ ។ ខណៈដែលឃុំនេះ ត្រូវបានឈ្មួញចាត់ទុកជាតំបន់គោលដៅអំណោយផលល្អ ងាយនឹងការលើកផ្ទេរឈើដែលបានដឹកជញ្ជូនតាមផ្លូវទឹកនាំចុះមកពីខេត្តស្ទឹងត្រែង និងបានមកពីដឹកតាមរថយន្តធុនធំនាំចេញបន្តកាត់តាមភូមិសាស្ត្រឃុំមួយនេះ ។ ពលរដ្ឋបានលើកឡើងទៀតថា ការដឹកជញ្ជូនឈើរបស់ក្រុមអ្នករកស៊ីតាមទូកនាំមកស្តុក និងលើកដាក់តាមរថយន្ត គឺបានធ្វើឡើងស្ទើររាល់ថ្ងៃ តែអាជ្ញាធរមិនឃើញមានវិធានការទប់ស្កាត់ ។
ជុំវិញការលើកឡើងរបស់ពលរដ្ឋថា ការបាក់ស្រុតស្ពានឈើបណ្តាលមកពីរថយន្តដឹកឈើធុនធំ អភិបាលស្រុកសំបូរ លោក សូម សារឹទ្ឋ បានមានប្រសាសន៍ថា លោកបានចាត់ឲ្យមន្ត្រីរដ្ឋបានព្រៃឈើស្រុក ចុះទៅពិនិត្យស្ថានការនេះ ។ លោកថា ការបាក់ស្រុតស្ពានឈើមួយនេះ គឺមិនប៉ះពាល់ដល់ការធ្វើដំណើររបស់ពលរដ្ឋនោះទេ ។ ហើយស្ពានឈើមួយនេះ ក៏មិនមែនជាស្ពានយុទ្ឋសាស្ត្រន៍នោះដែរ គឺអាជ្ញាធរបានសាងសងគ្រាន់ឲ្យជិះឆ្លងបណ្តោះអាសន្ន និងបានស្នើរសុំការជួយសាងសង់ទៅថ្នាក់លើរួចហើយដែរ ៕
ចែករំលែកព័តមាននេះ