ស្ត្រីម្នាក់ទទួលបានកាបូបមកវិញ ក្រោយបាត់វាអស់ជិត ៥៥ឆ្នាំ
ស្ត្រីអាមេរិកម្នាក់ក្នុងរដ្ឋ West Virginia ទទួលបានកាបូបវិញ បន្ទាប់ពីគាត់ជ្រុះវាបាត់អំឡុងការរាំនៅវិទ្យាល័យកាលពីជិត ៥៥ឆ្នាំមុន។ លោកយាយ Sharon Day បាននិយាយថា…
ស្ត្រីអាមេរិកម្នាក់ក្នុងរដ្ឋ West Virginia ទទួលបានកាបូបវិញ បន្ទាប់ពីគាត់ជ្រុះវាបាត់អំឡុងការរាំនៅវិទ្យាល័យកាលពីជិត ៥៥ឆ្នាំមុន។
លោកយាយ Sharon Day បាននិយាយថា គាត់មានអាយុត្រឹម ១៦ឆ្នាំ នៅពេលគាត់បាត់កាបូបនៅក្នុងការរាំនៅវិទ្យាល័យ Fayetteville ក្នុងឆ្នាំ ១៩៦៨ និងមិនដែនរំពឹងថានឹងបានវាត្រឡប់មកវិញនោះទេ។
សាលារបស់គាត់បានបិទជាអចិន្ត្រៃយ៍នៅក្នុងឆ្នាំ ២០១៩ ហើយកម្មកររបស់ក្រុមហ៊ុន New River Contracting បាននិយាយថា ពួកគេមានការភ្ញាក់ផ្អើលនៅពេលកាបូបមួយបានធ្លាក់ចេញពីប្រព័ន្ធបំពង នៅពេលពួកគេធ្វើការជួសជុលអគារឱ្យក្លាយជាកន្លែងស្នាក់នៅ។
លោក Bradley Scott ម្ចាស់ក្រុមហ៊ុននោះបាននិយាយថា ប្រព័ន្ធបំពង់នោះត្រូវបានគេបិទអស់រយៈពេលជាច្រើនទសវត្សរ៍មកហើយ និងមានរបស់របរជាច្រើនផ្សេងទៀតនៅក្នុងនោះ។
លោកបានប្រើបណ្តាញសង្គមដើម្បីព្យាយាមតាមរកម្ចាស់កាបូបនោះ។គាត់និយាយថា «ដោយមានរូបថតរបស់កាបូប និងឈ្មោះនៅខាងខ្នងនៃរូបថតកាបូប ជាមួយនឹងកាតសន្តិសុខសង្គមនៅក្នុងកាបូប ខ្ញុំគិតថា យើងអាចរកឃើញម្ចាស់របស់វា»។
ទីបំផុត លោកបានរកឃើញម្ចាស់កាបូបលុយនោះគឺលោកយាយ Sharon Day បន្ទាប់ពីរកជាច្រើនសប្តាហ៍នៅលើហ្វេសបុក។លោកយាយនិយាយថា «វាជាអ្វីដែលខ្ញុំមិនដែលគិតសោះថាខ្ញុំនឹងឃើញ»៕ (យោងតាមប្រភព៖ UPI)
ចែករំលែកព័តមាននេះ