អាជ្ញាធររុស្ស៊ីបានប្រកាសថា ទាហាន និងបុគ្គលិករដ្ឋទាំងអស់ដែលត្រូវបានដាក់ពង្រាយឱ្យប្រយុទ្ធនឹងអ៊ុយក្រែននឹងទទួលបានការលើកលែងពន្ធលើប្រាក់ចំណូល។ វិធានការលើកលែងពន្ធនេះគ្រប់ដណ្តប់លើទាហានរុស្ស៊ីទាំងអស់ដែលកំពុងប្រយុទ្ធនៅក្នុងតំបន់ ៤របស់អ៊ុយក្រែនរួមមាន Donetsk, Luhansk, Kerson និង Zaporizhia…
អាជ្ញាធររុស្ស៊ីបានប្រកាសថា ទាហាន និងបុគ្គលិករដ្ឋទាំងអស់ដែលត្រូវបានដាក់ពង្រាយឱ្យប្រយុទ្ធនឹងអ៊ុយក្រែននឹងទទួលបានការលើកលែងពន្ធលើប្រាក់ចំណូល។
វិធានការលើកលែងពន្ធនេះគ្រប់ដណ្តប់លើទាហានរុស្ស៊ីទាំងអស់ដែលកំពុងប្រយុទ្ធនៅក្នុងតំបន់ ៤របស់អ៊ុយក្រែនរួមមាន Donetsk, Luhansk, Kerson និង Zaporizhia ដែលរុស្ស៊ីប្រកាសថាជាទឹកដីរបស់ខ្លួន ទោះបីមិនទាន់បានគ្រប់គ្រងវាទាំងស្រុងក្តី។
អ្នកនាំពាក្យវិមានក្រឹមឡាំង Dmitry Peskov បាននិយាយកាលពីថ្ងៃសុក្រម្សិលមិញថា ការលើកលែងពន្ធនេះមាននៅក្នុងច្បាប់ប្រចាំអំពើពុករលួយ ដែលអាជ្ញាធររុស្ស៊ីបានចេញផ្សាយលម្អិតកាលពីល្ងាចថ្ងៃព្រហស្បតិ៍កន្លងទៅនេះ។
យោងតាមក្រឹត្យ ទាហាន ប៉ូលីស សមាជិកសេវាកម្មសន្តិសុខ និងបុគ្គលរដ្ឋផ្សេងទៀតដែលកំពុងបម្រើការនៅក្នុងតំបន់ ៤ខាងលើ មិនចាំបាច់ត្រូវផ្តល់ព័ត៌មានពីប្រាក់ចំណូល ការចំណាយ និងទ្រព្យសម្បត្តិរបស់ពួកគេទៀតទេ។
ក្រឹត្យរបស់រុស្ស៊ីបញ្ជាក់ទៀតថា កងទ័ពរុស្ស៊ីនៅអ៊ុយក្រែនក៏នឹងមានសិទ្ធិទទួលយករង្វាន់ និងកាដូរផងដែរ ប្រសិនរង្វាន់ និងកាដូទាំងនោះជាលក្ខណៈមនុស្សធម៌។ ការលើកលែងពន្ធក៏នឹងអនុវត្តផងដែរចំពោះដៃគូ និងកូនៗរបស់អ្នកដែលកំពុងបម្រើក្នុងប្រតិបត្តិការយោធានៅអ៊ុយក្រែន។
កាសែតរុស្ស៊ី The Mscow Times បានរាយការណ៍ថា ប្រធានាធិបតីរុស្ស៊ី Vladimir Putin បានចុះហត្ថលេខាលើក្រឹត្យកាលពីថ្ងៃព្រហស្បតិ៍ ដោយលុបចោលការតម្រូវឱ្យមន្ត្រីរដ្ឋាភិបាលបង្ហាញការបង់ពន្ធអំឡុងរយៈពេលសង្គ្រាមរបស់រុស្ស៊ីនៅអ៊ុយក្រែន៕ (យោងតាមប្រភព៖ Aljazeera)
ចែករំលែកព័តមាននេះ