អង្គការសុខភាពពិភពលោក (WHO) បាននិយាយថា មន្ត្រីចិនត្រូវតែចែករំលែកព័ត៌មានជាក់ស្តែងបន្ថែមទៀតអំពីកូវីដ ១៩នៅក្នុងប្រទេស ខណៈការឆ្លងបានកើនឡើង។ ចិនបានលុបចោលការវិធានការរឹតបន្តឹងជាច្រើនក្នុងរយៈពេលប៉ុន្មានសប្តាហ៍ចុងក្រោយនេះ ប៉ុន្តែករណីឆ្លងបានកើនឡើងខ្លាំង ហើយប្រទេសជាច្រើនចាប់ផ្តើមតម្រូវឱ្យមានការធ្វើតេស្តរកកូវីដ ១៩…
អង្គការសុខភាពពិភពលោក (WHO) បាននិយាយថា មន្ត្រីចិនត្រូវតែចែករំលែកព័ត៌មានជាក់ស្តែងបន្ថែមទៀតអំពីកូវីដ ១៩នៅក្នុងប្រទេស ខណៈការឆ្លងបានកើនឡើង។
ចិនបានលុបចោលការវិធានការរឹតបន្តឹងជាច្រើនក្នុងរយៈពេលប៉ុន្មានសប្តាហ៍ចុងក្រោយនេះ ប៉ុន្តែករណីឆ្លងបានកើនឡើងខ្លាំង ហើយប្រទេសជាច្រើនចាប់ផ្តើមតម្រូវឱ្យមានការធ្វើតេស្តរកកូវីដ ១៩ ពីអ្នកដំណើរមកពីប្រទេសចិន។
មន្ត្រី WHO និយាយថាពួកគេចង់ឃើញទិន្នន័យបន្ថែមស្តីពីការសម្រាកព្យាបាលនៅមន្ទីរពេទ្យ ការចូលបន្ទប់ថែទាំង និងករណីស្លា.ប់។ អង្គការនេះក៏ចង់បានតួលេខចាក់វ៉ាក់សាំងផងដែរពីចិន។
សហរដ្ឋអាមេរិក អេស្ប៉ាញ បារាំង កូរ៉េខាងត្បូង ឥណ្ឌា អ៊ីតាលី ជប៉ុន និងតៃវ៉ាន់ សុទ្ធតែបានចាត់វិធានការ ដោយតម្រូវឱ្យមានការធ្វើតេស្តរកកូវីដ ១៩ សម្រាប់អ្នកធ្វើដំណើរមកពីប្រទេសចិន ដោយសារពួកគេភ័យខ្លាចការរីករាលដាលនៃមេរោគជាថ្មី។
ចំណែកអង់គ្លេសវិញ តម្រូវឱ្យអ្នកដំណើរមកពីចិនត្រូវធ្វើតេស្តអវិជ្ជមានកូវីដ ១៩ជាមុនសិន មុនពេលពួកគេអាចឡើងយន្តហោះមកពីចិនបាន។
នៅក្នុងសេចក្តីថ្លែងការណ៍ដែលបានចេញផ្សាយបន្ទាប់ពីកិច្ចពិភាក្សាជាមួយមន្ត្រីចិន ទីភ្នាក់ងារសុខភាពអង្គការសហប្រជាជាតិបាននិយាយថា «WHO ស្នើសុំជាថ្មីម្តងទៀតឱ្យមានការចែករំលែកជាប្រចាំនូវទិន្នន័យជាក់លាក់ និងពេលវេលាជាក់ស្តែងអំពីស្ថានភាពជំងឺរាតត្បាត… អ្នកដែលមានអាយុលើសពី ៦០»។
WHO និយាយថាខ្លួនមានឆន្ទៈក្នុងការផ្តល់ការគាំទ្រលើផ្នែកទាំងនេះ ក៏ដូចជាជួយដោះស្រាយបញ្ហាវ៉ាក់សាំង។
អង្គការសុខភាពពិភពលោកក៏បានសង្កត់ធ្ងន់ផងដែរពីសារសំខាន់នៃការត្រួតពិនិត្យ និងការផ្សាយទាន់ពេលវេលានៃទិន្នន័យ ដើម្បីជួយប្រទេសចិន និងសហគមន៍ពិភពលោកក្នុងការបង្កើតការវាយតម្លៃហានិភ័យត្រឹមត្រូវ និងដើម្បីជូនដំណឹងដល់ការឆ្លើយតបប្រកបដោយប្រសិទ្ធភាព”៕ (យោងតាមប្រភព៖ BBC)
ចែករំលែកព័តមាននេះ