រាជធានីភ្នំពេញ ៖ សម្តេចតេជោ ហ៊ុន សែន ក្នុងខួបអនុស្សាវរីយ៍៦៦ឆ្នាំ ថ្ងៃកំណើតគណបក្សប្រជាជនកម្ពុជា បានវាយប្រហារមេបក្សប្រឆាំង ដែលថ្មីៗបានថ្លែងរើងអើងនឹងវាយប្រហារ បណ្តាគណបក្សតូចផ្សេងទៀត ដែលបានចូលរួមប្រកួតប្រជែងការបោះឆ្នោតក្រុមប្រឹក្សាឃុំ-សង្កាត់កន្លងមក ។
សម្តេចតេជោ ហ៊ុន សែន ប្រធានគណបក្សប្រជាជនកម្ពុជាបាននិយាយថា៖ «ខ្ញុំមិននឹកស្មានដល់ថា អ្នកមិនធ្លាប់ឈ្នះ មិនទាន់ឈ្នះផង មើលងាយបក្សតូចៗសោះ ។ ខ្ញុំស្នើសមាជិក សមាជិកា កុំមើលងាយបក្សតូចៗ ដែលមានអ្នកគាំទ្រតិចជាងគណបក្សប្រជាជនកម្ពុជា» ។
សម្តេចប្រធានបានទទួលស្គាល់ថា មន្ត្រីនិងថ្នាក់ដឹកនាំរបស់បក្សប្រជាជន នៅក្នុងជួររាជរដ្ឋាភិបាលមិនទានបានបំពេញសេចក្តីត្រូវការរបស់ប្រជាពលរដ្ឋបានគ្រប់ជ្រុងជ្រោយនោះទេ វាមានន័យថា «មន្ត្រីរបស់យើងមិនមែនសុទ្ធតែល្អឥតខ្ចោះទាំងអស់នោះ
ទេ» អ៊ីចឹងហើយ បានជារាជរដ្ឋាភិបាលបានដាក់ចេញ និងអនុវត្តការធ្វើកំណែទម្រង់មួយចំនួនកន្លងមក ។
សម្តេចតេជោបញ្ជាក់ថា ពាក្យសម្តីរបស់បក្សប្រឆាំង ដែលវាយប្រហារគណបក្សតូចៗកន្លងមក គឺមានចរិកលក្ខណៈបង្កឲ្យមានអសន្តិសុខដល់ប្រទេស ព្រោះប៉ុន្តែពាក្យសម្តីរបស់ពួកគេញុះញង់ បំបែកបំបាក់ ។ សម្តេចហ៊ុន សែនបន្តទៀតថា៖ «ខ្ញុំសុំប្រកាសថា មិនអនុញ្ញាតិឲ្យនរណាម្នាក់បំផ្លាញសន្តិភាពរបស់យើងទេ» ។
លោក កឹម សុខា កន្លងទៅថ្មីៗនេះថ្លែងថា ការដែលម្ចាស់ឆ្នោតបោះឆ្នោតឲ្យគណបក្សតូចៗ គឺជាការបង្ហិនសន្លឹកឆ្នោត ដោយសារតែបក្សទាំងនោះ គ្មានអ្នកគាំទ្រនោះទេ ។
ចែករំលែកព័តមាននេះ