ឡិចស៊ីសបុកគូថបាឡែន នៅលើស្ពានអាកាស៧មករា
រាជធានីភ្នំពេញ ៖ បុរសជនជាតិកូរ៉េម្នាក់បើករថយន្តឡិចស៊ីសមួយគ្រឿងបោះពួយយ៉ាងលឿន ហើយព្យាយាមវ៉ាជែង តែវ៉ាមិនផុតក៏ជ្រុលទៅបុកគូថរថយន្តបាឡែនមួយគ្រឿងទៀតពីក្រោយពេញទំហឹង
រាជធានីភ្នំពេញ ៖ បុរសជនជាតិកូរ៉េម្នាក់បើករថយន្តឡិចស៊ីសមួយគ្រឿងបោះពួយយ៉ាងលឿន ហើយព្យាយាមវ៉ាជែង តែវ៉ាមិនផុតក៏ជ្រុលទៅបុកគូថរថយន្តបាឡែនមួយគ្រឿងទៀតពីក្រោយពេញទំហឹង
រាជធានីភ្នំពេញ ៖ បុរសជនជាតិកូរ៉េម្នាក់បើករថយន្តឡិចស៊ីសមួយគ្រឿងបោះពួយយ៉ាងលឿន ហើយព្យាយាមវ៉ាជែង តែវ៉ាមិនផុតក៏ជ្រុលទៅបុកគូថរថយន្តបាឡែនមួយគ្រឿងទៀតពីក្រោយពេញទំហឹង បណ្តាលឲ្យរងការខូចខាត។ ហេតុការណ៍នេះកើតឡើងកាលពីវេលាម៉ោង៧យប់ ថ្ងៃទី២៧ ខែមិថុនា ឆ្នាំ២០១៧នេះ ត្រង់ចំណុចខាងលើស្ពានអាកាស ៧មករា ស្ថិតក្នុងសង្កាត់ទឹកល្អក់ទី១ ខណ្ឌទួលគោក។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បើកបររថយន្តមួយគ្រឿងម៉ាក កាមរីបាឡែន ពណ៌ស ពាក់ស្លាកលេខ ភ្នំពេញ ២AB-៣១៣៨ ដែលបើកបរតាមបណ្តោយផ្លូវសហព័ន្ធរុស្ស៉ី ក្នុងទិសដៅពីលិចទៅកើត លុះមកដល់ចំណុចកើតហេតុស្រាប់តែមានរថយន្តបើកមកពីក្រោយមួយគ្រឿងទៀតម៉ាក ឡិចស៊ីស RX៤០០ ពណ៌ស្ករ ពាក់ស្លាកលេខ ភ្នំពេញ ២AO-៥៩៨៨ ដែលបើកបរដោយបុរសជាជនជាតិកូរ៉េម្នាក់ក្នុងល្បឿនលឿន ហើយព្យាយាមវ៉ាជែងខាងស្តាំរថយន្តបាឡែនខាងលើតែវ៉ាមិនផុតក៏ជ្រុលទៅបុកពីក្រោយចំ ចំហៀងខាងស្តាំបណ្តាលឲ្យក្រពឹតយ៉ាងដំណំ ចំណែកឯរថយន្តបង្ក រងការខូចខាតបែក និងក្រពឹតកាងខាងមុខចំហៀងខាងឆ្វេង។
នៅក្នុងហេតុការណ៍គ្រោះថ្នាក់ចរាចរណ៍ខាងលើនេះ មិនបង្កឲ្យមានអ្នកទទួលរងរបួសនោះទេ។ ក្រោយពេលកើតហេតុភាគីទាំងពីរបានចុះមកនិយាយចរចាគ្នា ដោយភាគីខាងរថយន្តបង្កមិនចង់មានរឿងវែងឆ្ងាយក៏ព្យាយាមយករថយន្តរងគ្រោះទៅជួសជុលឲ្យដើម្បីបញ្ចប់រឿងនៅនឹងកន្លែងកើតហេតុ៕
ចែករំលែកព័តមាននេះ