កងកម្លាំងរបស់យោធភូមិភាគទី៥ អបអរសាទរខួបអនុស្សាវរីយ៍លើកទី២៩
ខេត្តបាត់ដំបង ៖ កងកម្លាំងរបស់យោធភូមិភាគទី៥ ចំនួន៣៤១នាក់ បានចូលរួមអបអរសាទរខួបអនុស្សាវរីយ៍លើកទី២៩ នៃថ្ងៃកំណើតអង្គភាពយោធភូមិភាគទី៥ ពីថ្ងៃទី២៨ ខែមិថុនា
ខេត្តបាត់ដំបង ៖ កងកម្លាំងរបស់យោធភូមិភាគទី៥ ចំនួន៣៤១នាក់ បានចូលរួមអបអរសាទរខួបអនុស្សាវរីយ៍លើកទី២៩ នៃថ្ងៃកំណើតអង្គភាពយោធភូមិភាគទី៥ ពីថ្ងៃទី២៨ ខែមិថុនា
ខេត្តបាត់ដំបង ៖ កងកម្លាំងរបស់យោធភូមិភាគទី៥ ចំនួន៣៤១នាក់ បានចូលរួមអបអរសាទរខួបអនុស្សាវរីយ៍លើកទី២៩ នៃថ្ងៃកំណើតអង្គភាពយោធភូមិភាគទី៥ ពីថ្ងៃទី២៨ ខែមិថុនា ឆ្នាំ១៩៨៨ ដល់ថ្ងៃទី២៨ ខែមិថុនា ឆ្នាំ២០១៧ ដែលបានធ្វើនៅក្នុងទីបញ្ជាការដ្ឋានយោធភូមិភាគទី៥ក្នុងខេត្តបាត់ដំបង វេលាព្រឹកថ្ងៃទី២៧ ខែមិថុនា ឆ្នាំ២០១៧ ក្រោមអធិបតីភាពលោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥។
លោកឧត្តមសេនីយ៍ទោ កែវ ចំរើន មេបញ្ជាការរងយោធភូមិភាគ បានអានរបាយការណ៍ស្តីអំពីប្រវត្តិសាស្ត្រដល់មេទាហានដែលបានតស៊ូកិច្ចការពារជាតិតាមព្រំដែនសម័យត្រីភាគី ហើយបានចាប់បង្កើតអង្គភាពយោធភូមិភាគទី៥នេះមកតាំងពីឆ្នាំ១៩៨៨ដោយលោក ប៊ូ ថង ជាមេបញ្ជាការ និងជាបន្តមកមានមេបញ្ជាការចំនួន៥នាក់ទៀត ត្រូវបានផ្លាស់ប្តូររហូតដល់ឆ្នាំ១៩៩៩ ទើបបានលោក ប៊ុន សេង ជាមេបញ្ជាការ និងលោក ឯក សំអូន ជាមេបញ្ជាការរង រហូតដល់សព្វថ្ងៃនេះ។ បន្ទាប់មកលោកឧត្តមសេនីយ៍ត្រី ញ៉ែម សុខុម នាយរងសេនាធិការ និងជានាយទាហានជើងចាស់មានបទពិសោធន៍កន្លងមកបានបង្ហាញបទពិសោធន៍ល្អៗខ្លះៗក្នុងការគ្រប់គ្រង ដឹកនាំកងកម្លាំង ទាំងនៅក្នុងសមរភូមិ និងការកសាងអង្គភាពរឹងមាំលើគ្រប់វិស័យ ដែលកងកម្លាំងកងទ័ពយើងឈរបានរហូតមកដល់សព្វថ្ងៃនេះ ចែកជូនដល់នាយទាហានជំនាន់ថ្មីបានយល់ដឹង និងនាយទាហានជំនាន់ថ្មីបានទទួលឡើងធ្វើការប្តេជ្ញាចិត្តអនុវត្តតាមបទពិសោធន៍ដែលជាគំរូល្អសម្រាប់កិច្ចការងារការពារប្រទេសជាតិយើងឲ្យមានសុខសន្តិភាពជាបន្តទៅទៀតនេះ។
ជាចុងក្រោយលោកឧត្តមសេនីយ៍ឯក ប៊ុន សេង បានអានសារជូនពររបស់យោធភូមិភាគទី៥ ជូនដល់នាយទាហាន និងពលទាហាន ហើយបានផ្តាំផ្ញើថា សំខាន់បំផុតកងទ័ពគឺផ្តោតជួយដល់ប្រជាជន ដែលមាននៅក្នុងភ្នក់ភ្លើងសង្គ្រាម រហូតដល់មានសុខសន្តិភាពមកដល់ពេលនេះគឺកងទ័ពនៅតែជួយគិតពីបញ្ហាជីវភាព កងទ័ព គ្រួសារកងទ័ព និវត្តជន អតីតយុទ្ធជនដែលមានស្នាដៃកន្លងមកដោយមិនទុកឲ្យគាត់រស់នៅជួបការលំបាកក្នុងពេលនេះទៀតឡើយ។
លោកបានបញ្ជាក់បន្ថែមថា ដោយបានឆ្លងកាត់ក្នុងសម័យ៣ឆ្នាំ ៨ខែ និង២០ថ្ងៃក្នុងរបបប៉ុលពតរួចមកនោះគឺនៅឆ្នាំ១៩៧៩ កងទ័ពយើងបានរំដោះរួចផុតពីការកាប់សម្លាប់ជាតិសាសន៍ឯង ហើយបន្តមកធ្វើការបង្រួបបង្រួមជាតិ ពីកម្លាំងកងទ័ពត្រីភាគីនៅតាមព្រំដែនដែលជាខ្មែរតែមួយឲ្យ ចូលមករួមរស់ជាមួយគ្នា ហើយទម្រាំរកបានសុខសន្តិភាពពិតប្រាកដគឺបានមកក្នុងឆ្នាំ១៩៩៩ រហូតមកដល់ពេលនេះ មានការអភិវឌ្ឍន៍ មានសមិទ្ធផល មានគ្រប់បែបយ៉ាងហើយនោះ តើយើងត្រូវការអ្វីទៀតក្រៅពីរួមគ្នាថែររក្សាសុខសន្តិភាពដែលកម្ររកបានឲ្យកាន់តែមាននៅជាដរាបនៅក្នុងប្រទេសកម្ពុជាយើងជាបន្តទៅទៀតនោះ៕
ចែករំលែកព័តមាននេះ