ក្មេងៗណាស់…បែរជាពពាក់ពពួនគ្នាធ្វើរឿងបែបហ្នឹង
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀ.ននៃស្នងការនគរបាលខេត្តបានចូលរួមសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក ចុះបង្ក្រាបករណីចាត់ចែងឱ្យប្រើប្រាស់
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀននៃស្នងការនគរបាលខេត្តបានចូលរួមសហការជាមួយកម្លាំងប៉ុស្តិ៍នគរបាលរដ្ឋបាលសង្កាត់គោកចក ចុះបង្ក្រាបករណីចាត់ចែងឱ្យប្រើប្រាស់ដោយខុសច្បាប់នូវសារធាតុញៀនរហូតឈានដល់ធ្វើការឃាត់ខ្លួនបានជនសង្ស័យប្រុស-ស្រីចំនួន៦នាក់រួចយកសួរនាំនៅការិយាល័យជំនាញដើម្បីរៀបចំសំណុំរឿងបញ្ជូនទៅតុលាការ ។ ក្នុងប្រតិបត្តិការបង្ក្រាបករណីគ្រឿងញៀននេះធ្វើឡើងនៅវេលាម៉ោង១៤និង៣០នាទីថ្ងៃទី២៦ ខែមិថុនា ឆ្នាំ២០១៧ ស្ថិតនៅចំនុចភូមិវាល សង្កាត់គោកចក ក្រុង ខេត្តសៀមរាប ។
តាមប្រភពពីសមត្ថកិច្ចនគរបាលខេត្តបានប្រាប់ថា ជនសង្ស័យប្រុស-ស្រីទាំង៦នាក់ដែលត្រូវឃាត់ខ្លួននោះមានទី១-ឈ្មោះ កែវ សំណាង ភេទប្រុស អាយុ២៧ឆ្នាំ មុខរបររគ្មាន ទីលំនៅ ភូមិវាល សង្កាត់គោកចក ក្រុង ខេត្តសៀមរាប ជាអ្នកសំរួល (មានសារធាតុញៀនក្នុងខ្លួន), ទី២-ឈ្មោះ សំ ប៊ុនធឿន ហៅពេជ្រ ភេទប្រុស អាយុ១៥ឆ្នាំ មុខរបរគ្មាន ទីលំនៅភូមិមណ្ឌល៣ សង្កាត់ស្លក្រាម ក្រុង-ខេត្តសៀមរាប ជាអ្នកចាត់ចែង (មានសារធាតុញៀនខ្លួន), ទី៣-ឈ្មោះ គុណ ធារិទ្ធ ភេទប្រុស អាយុ១៥ឆ្នាំ មុខរបរគ្មាន ទីលំនៅភូមិមណ្ឌល៣ សង្កាត់ស្លក្រាម ក្រុង ខេត្តសៀម រាប ជាអ្នកចាត់ចែង (មានសារធាតុញៀនក្នុងខ្លួន), ទី៤-ឈ្មោះ រី ផាន់ម៉ៃ ភេទស្រីអាយុ១៦ឆ្នាំ មុខរបរគ្មាន ទីលំនៅភូមិមណ្ឌល៣ សង្កាត់ស្លក្រាម ក្រុង-ខេត្តសៀមរាប ជាអ្នកប្រើប្រាស់ (មានសារធាតុញៀនក្នុងខ្លួន), ទី៥-ឈ្មោះ ដួង ហុងលៀម ភេទប្រុស អាយុ១៧ឆ្នាំមុខរបរគ្មាន ទីលំនៅភូមិមណ្ឌល៣ សង្កាត់ស្លក្រាម ក្រុង-ខេត្តសៀមរាប ជាអ្នកចាត់ចែង (មានសារធាតុញៀនក្នុងខ្លួន) និងទី៦-ឈ្មោះ ព្រហ្ម សុភក្តី ភេទប្រុស អាយុ១៨ឆ្នាំ មុខរបរគ្មាន ទីលំនៅភូមិទក្សិណត្បូង សង្កាត់គោកចក ក្រុង-ខេត្តសៀមរាប ជាអ្នកចាត់ចែង (មានសារធាតុញៀនក្នុងខ្លួន) ។
បន្ទាប់ពីកម្លាំងការិយាល័យជំនាញបានឃាត់ខ្លួនព្រមទាំងដកហូតបានវត្ថុតាងរួមមាន ម្សៅមេតំហ្វេតាមីនប្រភេទទឹកកកចំនួន១កញ្ចប់ស្មើនឹងទំងន់០,០១ក្រាម ទាំងសំបក, ទូរស័ព្ទដៃចំនួន៥គ្រឿង, ខ្នោះដៃ១គូ, កាំបិត២ដើម និងឧបករណ៍ប្រើប្រាស់ថ្នាំញៀនមួយចំនួន ។ បច្ចុប្បន្នជនសង្ស័យ និងវត្ថុតាងត្រូវបានកម្លាំងជំនាញបញ្ចូនទៅសាលាដំបូងខេត្តដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ