រំលោ.ភបានម្តងញ៉ាមទៅម្តងទៀតម្តាយនាងទាន់ក្របួចជាប់
ខេត្តកំពង់ស្ពឺ ៖ ឃើញនាងនៅផ្ទះម្នាក់ឯងឡើងទៅចាប់រំលោ.ភរហូតបានសម្រចម្តងហើយនាងមិនមាត់លើកក្រោយទៅម្តងទៀត
ខេត្តកំពង់ស្ពឺ ៖ ឃើញនាងនៅផ្ទះម្នាក់ឯងឡើងទៅចាប់រំលោភរហូតបានសម្រចម្តងហើយនាងមិនមាត់លើកក្រោយទៅម្តងទៀតត្រូវម្តាយនាងមកទាន់ចាប់ក្របួចប្រគល់ឱ្យសមត្ថកិច្ចចាត់ការតាមផ្លូវច្បាប់ ។ លោកអនុសេនីយ៍ឯក មិច សុភាន់ អធិការរងនគរបាលស្រុកសំរោងទងបានឱ្យដឹងថា ករណីរំលោភសេពសន្ថវៈនេះកើតឡើងកាលពីវេលាម៉ោង ៥និង៥នាទីថ្ងៃទី២៦ ខែមិថុនា ឆ្នាំ២០១៧ ភូមិក្រាំងស្ពឺ ឃុំតាំងក្រូច ស្រុកសំរោងទង ខេត្តកំពង់ស្ពឺ ។ ជនសង្ស័យឈ្មោះ សំ សំអុល ភេទប្រុស អាយុ៤៥ឆ្នាំ រស់នៅកន្លែងកើតហេតុខាងលើចំណែកនារីរងគ្រោះឈ្មោះ ស ស.ល អាយុ២១ឆ្នាំ ជាមនុស្សសតិវិប្បល្លាស(សតិមិនប្រក្រតី) រស់នៅភូមិជាមួយគ្នា ។
លោកអធិការរងបន្តថា ជនសង្ស័យត្រូវបានម្តាយនារីរងគ្រោះចាប់ប្រគល់ឱ្យសមត្ថកិច្ចក្រោយពេលជនសង្ស័យរូបនេះធ្វើសកម្មភាពឡើងលើផ្ទះរបស់ខ្លួនកន្លែងកើតហេតុដោយប៉ុនប៉ងចាប់រំលោភកូនស្រីរបស់គាត់ដែលមានសតិវិប្បល្លាស តែដោយសារគាត់មកទាន់ជននេះប្រុងរត់គេចក៏ត្រូវបានគាត់រួមនឹងសាច់ញាតិចាប់ប្រគល់ឱ្យសមត្ថកិច្ចតែម្តង ។ នៅចំពោះមុខសមត្ថកិច្ចជនសង្ស័យរូបនេះឆ្លើយសារភាពថា កាលពីវេលាម៉ោង២០និង៣០នាទីថ្ងៃទី១៦ ខែមិថុនា ឆ្នាំ២០១៧ រូបគេបានធ្វើសកម្មភាពចាប់រំលោភនារីរងគ្រោះបានសម្រេចម្តងរួចមកហើយ ។ ក្រោយធ្វើសកម្មភាពរួចរូបគេបានលួងលោមនារីរងគ្រោះដោយមិនឱ្យយករឿងនេះប្រាប់អ្នកណាឱ្យដឹងឡើយពេលនោះខ្លួនគិតថា នារីរងគ្រោះមិនយករឿងរបស់ខ្លួនទៅប្រាប់អ្នកណាឡើយ ។ រហូតនៅយប់កើតហេតុរូបខ្លួនបានលបឡើងទៅលើផ្ទះរករំលោភនាងម្តងទៀតតែពេលកំពុងរៀបចំបើកប្រតិបត្តិការត្រូវម្តាយនាងមកទាន់ហើយចាប់ប្រគល់ឱ្យសមត្ថកិច្ចទាំងយប់ ។
លោក មិច សុភាន់ បានបញ្ជាក់ថា ក្រោយពីធ្វើការសាកសួរជនសង្ស័យខាងលើនៅព្រឹកថ្ងៃទី២៧ ខែមិថុនា ឆ្នាំ២០១៧ ព្រមទាំងបានចឆ្លើយសារភាពទទួលស្គាល់កំហុសថា ខ្លួនពិតជាបានរំលោភសេពសន្ថវៈនារីរងគ្រោះពិតមែន រួចមកកម្លាំងជំនាញបានកសាងសំណុំរឿងដើម្បី ចាត់ការបន្តតាមនីតិវិធី ៕
ចែករំលែកព័តមាននេះ