រាជធានីភ្នំពេញ ៖ បុរសម្នាក់បើករថយន្តម៉ាក FUSO រេចង្កូតទៅបានបុករថយន្តដឹកខ្សែពួរ ចំពីក្រោយពេញទំហឹង បណ្តាលឲ្យក្រឡាប់ចាក់ខ្សែពួរចោល សំណាងល្អមិនបណ្តាលឲ្យរងរបួស ហេតុការណ៍បង្កឲ្យមានការភ្ញាក់ផ្អើល កាលពីវេលាម៉ោង០៩និង២៥នាទីយប់ ថ្ងៃទី២៦ ខែមិថុនា ឆ្នាំ២០១៧ តាមបណ្តោយផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ ។
រាជធានីភ្នំពេញ ៖ បុរសម្នាក់បើករថយន្តម៉ាក FUSO រេចង្កូតទៅបានបុករថយន្តដឹកខ្សែពួរ ចំពីក្រោយពេញទំហឹង បណ្តាលឲ្យក្រឡាប់ចាក់ខ្សែពួរចោល សំណាងល្អមិនបណ្តាលឲ្យរងរបួស ហេតុការណ៍បង្កឲ្យមានការភ្ញាក់ផ្អើល កាលពីវេលាម៉ោង០៩និង២៥នាទីយប់ ថ្ងៃទី២៦ ខែមិថុនា ឆ្នាំ២០១៧ តាមបណ្តោយផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ ។
រថយន្តបង្កម៉ាក FUSO ពណ៌សលាយក្រហម ពាក់ស្លាកលេខ ភ្នំពេញ ៣A-២៣៥៦ បើកបរដោយបុរសម្នាក់ ក្នុងទិសដៅពីកើតទៅលិច ។ ចំណែករថយន្តរងគ្រោះមួយគ្រឿងទៀតម៉ាក ហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 2AF-៤០៣៧ ជារថយន្តដឹកខ្សែពួរ បើកបរក្នុងទិសដៅ ពីកើតទៅលិច ពីភ្នំពេញទៅខេត្តកំពង់ស្ពឺ ២នាក់ប្តីប្រពន្ធ បានរងរបួសស្រាលទាំង២នាក់ ។ តាមប្រភពព័ត៌មានពីបុរសអ្នករត់ម៉ូតូឌុបម្នាក់សុំមិនបញ្ចេញឈ្មោះ បាននិយាយឲ្យដឹងថា មុនពេលកើតហេតុ គាត់បានឃើញរថយន្តបង្កម៉ាក FUSO បើកបរដោយបុរសម្នាក់ ទិសដៅពីកើតទៅលិច ក្នុងល្បឿនយ៉ាងលឿន បានរេចង្កូតបម្រុងបុកខឿនផ្លូវ បន្ទាប់មកស្រាប់តែឃើញរថយន្តរងគ្រោះម៉ាក ហ៊ីយ៉ាន់ដាយ បើកក្នុងទិសដៅស្របគ្នា លុះបើកមកដល់កន្លែងកើតហេតុ ស្រាប់តែឃើញ រថយន្តបង្ករេចង្កូតចូលទៅចំណែកផ្លូវរបស់រថយន្តរងគ្រោះ ហើយបុកចំពីក្រោយផ្នែកខាងស្តាំបណ្តាលឲ្យរថយន្តរងគ្រោះក្រឡាប់ចាក់ខ្សែពួរចោល តែមិនបង្កឲ្យរងរបួសទេ ចំណែកអ្នកបើករថយន្តបង្ករត់គេចខ្លួនបាត់ នៅសល់តែរថយន្ត ។
ក្រោយពេលកើតហេតុ សមត្ថកិច្ចមូលដ្ឋានបានមកដល់កន្លែងកើតហេតុ ក៏ហៅជំនាញចរាចរណ៌ខណ្ឌមានជ័យ មកវាស់វែង រួចទុកពេលឲ្យចរចាគ្នា ប៉ុន្តែចរចាមិនត្រូវគ្នា បានរាយការណ៍បន្តទៅជំនាញចរាចរណ៍ក្រុងមកធ្វើការវាស់វែង យករថយន្តទាំង២គ្រឿង ទៅរក្សាទុក រងចាំការដោះស្រាយពេលក្រោយ ៕
ចែករំលែកព័តមាននេះ