ខេត្តបាត់ដំបង ៖ សេចក្តីរាយការណ៍ឱ្យដឹងថា កាលពីវេលាម៉ោង០១ និង០៥នាទីថ្ងៃទី២៦ មិថុនា ស្ថិតនៅភូមិអូរខ្ជាយ សង្កាត់ ព្រែកព្រះស្តេច ក្រុងបាត់ដំបង កម្លាំងការិយាល័យជំនាញបានតាមចាប់ជនសង្ស័យម្នាក់ ដែលជាមុខសញ្ញាគ្រឿងញៀនយ៉ាងសកម្ម ។
ប្រភពឱ្យដឹងថា ជនសង្ស័យខាងលើឈ្មោះសោភ័ណ ដួងសិលា អាយុ២៩ឆ្នាំ ជាលក់ដូរ មានទីលំនៅក្នុងភូមិកើតហេតុ ត្រូវកម្លាំង ដកហូតវត្ថុតាងគ្រឿងញៀនម៉ាទឹកកក៨កញ្ចប់ ទម្ងន់៧៧,២៧ក្រាម គ្រឿងញៀនប្រភេទម្ស៉ៅពណ.ស (ខេ)០២កញ្ចប់ ទម្ងន់ ១,២៥ក្រាម គ្រឿងញៀនប្រភេទយ៉ាម៉ាគ្រាប់ចំនួនកន្លះគ្រាប់ ជញ្ជីងសម្រាប់ថ្លឹងគ្រឿងញៀន១គ្រឿង ម៉ូតូម៉ាកហុងដាឌ្រីម១២៥ ពណ៌ខ្មៅ ស៊េរី២០១៧ ចំនួន១គ្រឿង ទូរស័ព្ទដៃ៣គ្រឿង ប្រាក់ខ្មែរ៣,៥៥០.០០០រៀល ប្រាក់ដុល្លាអាមេរិក៣១០ដុល្លារ ។
បច្ចុប្បន្ន ជនសង្ស័យកំពុងឃាត់ខ្លួននៅការិយាល័យបទល្មើសគ្រឿងញៀន ដើម្បីចាត់ការតាមច្បាប់ ។
ចែករំលែកព័តមាននេះ