គូស្នេហ៍១គូរងការស៊ើបអង្កេត ក្រោយឡើងកំពូលអគារកម្ពស់ជិត៧០០ម៉ែត្រ
ម៉ាឡេស៊ី ៖ ប៉ូលីសម៉ាឡេស៊ីបានធ្វើការស៊ើបអង្កេតលើប្តីប្រពន្ធមួយគូដែលបានឡើងលើកំពូលនៃ
ម៉ាឡេស៊ី ៖ ប៉ូលីសម៉ាឡេស៊ីបានធ្វើការស៊ើបអង្កេតលើប្តីប្រពន្ធមួយគូដែលបានឡើងលើកំពូលនៃ
ម៉ាឡេស៊ី ៖ ប៉ូលីសម៉ាឡេស៊ីបានធ្វើការស៊ើបអង្កេតលើប្តីប្រពន្ធមួយគូដែលបានឡើងលើកំពូលនៃអគារ Merdeka 118 កម្ពស់ជិត ៧០០ម៉ែត្រ បន្ទាប់ពីរូបថតរបស់អ្នកទាំងពីរផ្ទុះលើបណ្តាញសង្គម។
យោងតាមសេចក្តីរាយការណ៍ អ្នកទាំងពីររងការស៊ើបអង្កេតពីបទចូលក្នុងតំបន់ហាមឃាត់។
Merdeka 118 ជាសំណងអគារខ្ពស់បំផុតទី ២ក្នុងពិភពលោក។ វានឹងបញ្ចប់ការសាងសង់នៅពាក់កណ្តាលឆ្នាំ ២០២៣។
ក្រុមហ៊ុន PNB Merdeka Ventures ដែលអភិវឌ្ឍន៍អគារកប់ពពកនេះបាននិយាយថា ខ្លួននឹងផ្តល់ការគាំទ្រ និងកិច្ចសហប្រតិបត្តិការជាមួយអាជ្ញាធរលើបញ្ហានេះ។
ក្រុមហ៊ុននិយាយថា «បច្ចុប្បន្ន ការស៊ើបអង្កេតកំពុងដំណើរការ។ ក្នុងនាមជាកម្មសិទ្ធិឯកជន រាល់អ្នកល្មើសនឹងទទួលខុសត្រូវតាមច្បាប់ទាំងស្រុង»។
កាលពីថ្ងៃព្រហស្បតិ៍ ទី ២៩ ធ្នូម្សិលមិញ អ្នកឡើងអគារទាំងពីរនាក់បានបង្ហោះវីដេអូពួកគេនៅកំពូលអគារ Merdeka 118 នៅលើគណនី Instagram។
អ្នកឡើងកំពូលអគារម្នាក់ឈ្មោះ Ivan Beerkus សរសេរថា «នៅកំពូលអគារ Merdeka 118 កម្ពស់ ៦៧៩ម៉ែត្រ។ វាជាអគារខ្ពស់បំផុតទី ២ក្នុងពិភពលោក»។
កាសែត The Star បានរាយការណ៍ថា Ivan Beerkus និងដៃគូរបស់គាត់ឈ្មោះ Angela Nikolau ត្រូវបានគេស្គាល់ថាជាអ្នកឡើងប្រកបដោយគ្រោះថ្នាក់ និងបានបង្ហោះរូបថត និងវីដេអូស្តីពីការឡើងរបស់ពួកគេនៅលើបណ្តាញសង្គម Instagram៕ (យោងតាមប្រភព៖ CNA)
ចែករំលែកព័តមាននេះ